Saltar al conteníu

Sydney Poitier

De Wikipedia
Sydney Poitier
Vida
Nacimientu Los Angeles[1]15 de payares de 1973[1] (50 años)
Nacionalidá Bandera de Estaos Xuníos d'América Estaos Xuníos
Llingua materna inglés
Familia
Padre Sidney Poitier
Madre Joanna Shimkus
Estudios
Estudios Tisch School of the Arts
Estudio de actuación Stella Adler (es) Traducir
Llingües falaes inglés[2]
Oficiu actriz de televisiónactriz de cine
IMDb nm0688624
Cambiar los datos en Wikidata

Sydney Tamiia Poitier (15 de payares de 1973Los Angeles) ye una actriz de cine y televisión d'Estaos Xuníos. Ye fía del popular actor d'Estaos Xuníos d'orixe bahamés Sidney Poitier, primer home negru en ganar l'Óscar al meyor actor, y de l'actriz canadiana Joanna Shimkus.

Poitier interpretó a Rebecca Askew, un personaxe recurrente de la primer temporada de la serie de televisión Joan of Arcadia, onde yera oxetu del amor del hermanu mayor de Joan, Kevin. Tamién tuvo una curtia participación como personaxe regular n'otra serie d'ésitu, Veronica Mars.

En 2007 Poitier apaeció en Death Proof, dirixida por Quentin Tarantino, una de les partes del proyeutu Grindhouse que Tarantino presentó xunto a Robert Rodríguez al estilu de les sesiones dobles que podíen esfrutase nes sales de cine especializaes en serie B o Exploitation. Nesta película interpreta a la esfalanciadora discjockey radiofónica Jungle Julia, unu de los personaxes principales.

En 2008 foi parte del repartu de protagonistes de la serie de televisión Knight Rider 2008, secuela de la serie orixinal de los años 80. Nella interpretó a una axente del FBI llamada Carrie Rivai. Por cuenta de los baxos índices d'audiencia, el so personaxe foi esaniciáu de la plantía inicial nel capítulu 11.

Referencies[editar | editar la fonte]

Enllaces esternos[editar | editar la fonte]