Suzanne Leclercq

Suzanne Célina Marie Julie Joséphine Leclercq conocida como Suzanne Leclercq (28 de marzu de 1901- 12 de xunu de 1994) foi una paleobotánica y paleontóloga belga conocida pol so estudiu de les plantes del periodu Devónicu.^[1] Llogró'l so graduáu na Universidá de Lieja, y tuvo trabayando en Bélxica y nel Reinu Xuníu mientres la so carrera d'investigación.

Foi miembru de numberoses sociedaes científiques y profesionales, incluyendo la Sociedá Botánica d'América, la Sociedá paleobotánica de la India y la Sociedá xeolóxica de Bélxica, que dirixó ente los años 1953 y 1954. Leclercq foi profesora de estratigrafía y paleontoloxía na so alma mater a lo llargo de la so carrera, a pesar de tener al so cargu la investigación nel Muséu Británicu, nel Serviciu Xeolóxicu de Londres, la Universidá de Glasgow, la Universidá de Mánchester, la University College de Londres y la Universidá de Cambridge.^[2]

Abreviatura[editar la fonte]

L'abreviatura Leclercq emplégase pa indicar a Suzanne Leclercq como autoridá na descripción y clasificación científica de los vexetales. (consulta la llista de tolos xéneros y especies descritos por esti autor nel IPNI).

↑ www.bestor.be (ed.): «Leclercq, Suzanne Célina Marie Julie Joséphine (1901-1994)» (francés). Consultáu'l 5 d'abril de 2016.
↑ (2000) The Biographical Dictionary of Women in Science (en inglés). Taylor & Francis. ISBN 9780415920407.