Susan Kohner

De Wikipedia
Saltar a navegación Saltar a la gueta
Susan Kohner
Imitation of Life-Susan Kohner2.JPG
Vida
Nacimientu

Los Ángeles11 de payares de 1936

(81 años)
Nacionalidá Bandera de Estaos Xuníos d'América Estaos Xuníos
Familia
Padre Paul Kohner
Madre Lupita Tovar
Casáu/ada con John Weitz  (1964 -  2002)
Fíos/es
Oficiu
Oficiu actor, actor de televisión y actor de cine
Nominaciones
IMDb nm0463435
Cambiar los datos en Wikidata

Susan Kohner (11 de payares de 1936Los Ángeles) ye una actriz de cine y televisión d'Estaos Xuníos, más conocida pol so papel de Sarah Jane en Imitación a la vida (1959), pola que foi nomada a un premiu Óscar y ganó un Globu d'Oru. Interpretó a una muyer de piel escuro que pasaba como blanca faciendo'l papel d'un adultu nuevu.

Dempués Kohner casóse en 1964, y retiróse de l'actuación pa dedicar tiempu a la so familia. Los sos dos fíos, Chris Weitz y Paul Weitz, dambos convirtiéronse en direutores de cine, guionistes y actores.

Vida temprana y carrera[editar | editar la fonte]

Nacida como Susanna Kohner en Los Angeles, Kohner ye fía de Lupita Tovar, actriz d'orixe mexicanu que tuvo una carrera en Hollywood, y Paul Kohner, un productor de cine que nació en Bohemia, Austria-Hungría. La so madre ye católica, y el so padre yera xudíu checu.

La mayoría de los papeles en películes de Kohner vinieron mientres la década de 1950 y principios de 1960, incluyendo dos co-protagónicos con Sal Mineo en Dino (1957) y The Gene Krupa Story (1959).

El so papel más notable foi na película Imitación a la vida, interpretando a Sarah Janen, una muyer afro-americana que faise pasar por blanca. La película de 1959 foi una adaptación de la versión de 1934 del llibru homónimu. La suntuosa y brillosa producción de Ross Hunter, dirixida por Douglas Sirk y protagonizada por Lana Turner, foi un ésitu de taquilla. Amás, Kohner foi nomada a la Meyor actriz de repartu nos Premiu Óscar pol so papel na película, y ganó un Globu d'Oru como meyor actriz de repartu y unu como Meyor Actriz Revelación.

Dempués del so papel en Imitación a la vida, Kohner apaeció en All the Fine Young Cannibals xuntu a Natalie Wood y Robert Wagner. Más tarde tuvo papeles como convidada en delles series de televisión, incluyendo Hong Kong, Going my way, y Temple of Houston. Fixo la so última apaición nel cine nel añu 1962, co-protagonizando xunto a Montgomery Clift Freud, pasión secreta . Retiróse de l'actuación en 1964.