Superasturian@s

De Wikipedia
Superasturian@s
Datos
País d'orixe España
Emisión
Emisora A7
Varios
Cambiar los datos en Wikidata

Superasturian@s ye un concursu en llingua asturiana producíu por Vacaloria y emitíu na canal A7 de la Televisión del Principáu d'Asturies[1]. Emítese de llunes a vienres ente les 22 y les 22:25 hores. Ta presentau por Pedro Durán, Alberto Rodríguez y Joaquín Pajarón, bien conocíos pol públicu asturianu tres el so pasu pol espaciu Terapia de Grupo, tamién de TPA. La sintonía del programa ye 'Descalzos', de Xuacu Amieva.

El programa, que se graba dafechu na cai, tien cada selmana a un conceyu d'Asturies como protagonista, cunta con dos concursantes diarios. Cada programa consta de tres fases: ¡Cómo fue, ho!, ¡Vas mancate! y ¡Pasapanoya!. La primer fase ye una rolda d'entrugues na que cada concursante llogra 3 panoyes (puntos) por rempuesta acertada. Les preguntes tan rellacionaes col conceyu qu'acueye'l programa cada selamana. En ¡Vas mancate! los dos concursantes enfréntese a una preba física: el ganador lleva 10 panoyes y el otru 5. ¡Pasapanoya! ye la fase final del programa. Los concursantes tienen qu'adivinar un oxetu ocultu al traviés de delles pistes. Cada pista resta 1 panoya. El ganador d'esta fase lleva 10 panoyes. Gana'l concursu el que más panoyes tenga al final de les tres prebes.

Estrenose'l 4 de marzu con un 12% de l'audiencia, 6,8 puntos penriba de la media de la canal[2].

Referencies[editar | editar la fonte]