Super Bowl XV

De Wikipedia
Saltar a navegación Saltar a la gueta

Plantía:Ficha de Super Bowl.

El Super Bowl XV[1]foi'l nome que se-y dio al partíu de fútbol americano que definió al campeón de la temporada 1980-81 de la NFL. El partíu apostóse'l 25 de xineru de 1981 nel estadiu Luisiana Superdome de la ciudá de New Orleans, Luisiana. Enfrentó al campeón de l'AFC los Oakland Raiders y al campeón de la NFC los Philadelphia Eagles. El títulu quedó en manos de los Oakland Raiders quien ganaron 27-10 y de esta manera llograron el so segundu títulu de Super Bowl.

Resume del partíu[editar | editar la fonte]

El primer cuartu del Super Bowl XV[2] empezó con claru dominiu de los Oakland Raiders, quien anotaron 2 touchdowns: primero Cliff Branch atrapó un pase de 2 yardes y depués Jim Plunkett llanzó un pase de 80 yardes (récor hasta esi entós nun Super Bowl) que Kenny King atrapó y llevó hasta la zona d'anotación de los Eagles. Nel segundu cuartu Philadelphia descontó con un gol de campu de Franklin de 30 yardes. Sicasí nel tercer cuartu Oakland liquidó'l xuegu con un nuevu touchdown de Branch, esta vegada con una recepción de 29 yardes; amás Bahr anotó un gol de campu de 46 yardes. Nel postreru cuartu los Philadelphia Eagles anotaron per mediu de Krepfle, quien atrapó un pase de 8 yardes. Bahr con un gol de campu de 35 yardes dexó la resultancia final 27-10 a favor de los Oakland Raiders, quien ganaben el so segundu Super Bowl. El xugador más pervalible foi Jim Plunkett que llanzó pa 261 yardes con 13 pases completos de 21 intentos y trés pases d'anotación. El apoyador de los Raiders, Rod Martin ye l'únicu xugador qu'interceptó trés pases nun Super Bowl. Otra figura del xuegu foi Cliff Branch, que consiguió 67 yardes en 5 pases atrapaos y 2 anotaciones.

Referencies[editar | editar la fonte]

  1. «Super Bowl XV» (inglés). Consultáu'l 4 de xineru de 2013.
  2. «Super Bowl XV» (español). Archiváu dende l'orixinal, el 10 d'abril de 2005. Consultáu'l 4 de xineru de 2013.

Ver tamién[editar | editar la fonte]

Ganadores del Super Bowl

Super Bowl XV