Super Aguri F1
Super Aguri F1 | |
|---|---|
 | |
| Situación | |
| Estáu | Xapón |
| Datos | |
| Tipu |
Formula One team (en)  |
| Fundáu en | 2006 |
|
Web oficial | |
 | |
Super Aguri F1 foi un equipu de Fórmula 1 que compitió ente 2006 y 2008. L'equipu, fundáu pol ex-pilotu de F1 Aguri Suzuki, tenía la so sede en Tokiu (Xapón), pero operaba dende l'antigua fábrica d'Arrows nel Leafield Technical Centre, Oxfordshire, Inglaterra. Los coches conocíense como Super Aguri Hondas, y l'equipu funcionaba en parte como un equipu 'B' non oficial d'Honda F1. Dempués de participar nel campeonatu 2 años y 4 meses, l'equipu retiróse de la F1 tres 4 carreres na temporada 2008 por problemes financieros. A lo llargo del so tiempu nel deporte, l'equipu llogró cuatro puntos, toos ellos anotaos por Takuma Sato na temporada 2007.
Creación del equipu
[editar | editar la fonte]Honda completara la compra de British American Racing a finales de 2005, calteniendo a Jenson Button como pilotu principal, pero sustituyendo a Takuma Sato por Rubens Barrichello dempués de que Sato llograra namás un puntu esi añu, que yera la so segunda temporada completa col equipu. En Xapón, la presión pública y la popularidá de Sato convencieron a Honda d'ayudar a Sato a siguir compitiendo en Fórmula 1. Esto influyó na creación del proyeutu de Super Aguri F1 y nel suministru de motores del so sociu oficial Honda.[1]
Les conversaciones pa entamar l'equipu empezaron en febreru de 2005, pero nun foi hasta setiembre cuando los planes empezaron a tomar forma.[2] L'equipu rexistró la so intención d'entrar nel Campeonatu Mundial de Fórmula 1 ante la FIA, la organización que dirixe la Fórmula 1, el 1 de payares (antes de la fecha tope del 15 de payares). Sicasí, el comunicáu oficial de la FIA cola llista d'inscripción pa 2006 confirmó que nun aprobara la entrada de Super Aguri debíu al fallu del equipu en presentar a tiempu la fianza d'entrada de 48 millones de dólares.[3][4] L'equipu volvió solicitar la entrada en 2006 y siguió preparando los coches pa la temporada viniente.[5]
Al perder el rexistru inicial, l'equipu necesitaba convencer a los diez equipos esistentes pa qu'aceptaren unánimemente la so entrada. Paecía que'l equipu Midland taba bloquiando por motivos de posible reducción de los ingresos televisivos, pero finalmente algamóse l'acuerdu necesariu y la entrada del equipu foi confirmada pola FIA'l 26 de xineru de 2006.[6]
Referencies
[editar | editar la fonte]- ↑ «Super Aguri Part 1: Much Aguri About Nothing» (5 de mayu de 2016).
- ↑ «Super Aguri F1 is go!». GrandPrix.com (1 de payares de 2005).
- ↑ «FIA entry list for 2006». Fia.com. Archiváu dende l'orixinal, el 7 de xunu de 2007. Consultáu'l 3 d'ochobre de 2010.
- ↑ «Super Aguri F1 is missing». Grandprix.com (1 d'avientu de 2005). Consultáu'l 3 d'ochobre de 2010.
- ↑ «Super Aguri to re-apply for 2006». British Broadcasting Corporation. 5 d'avientu de 2005. https://news.bbc.co.uk/sport2/hi/motorsport/formula_one/4489686.stm.
- ↑ «FIA Press Release». Fia.com (26 de xineru de 2006). Archiváu dende l'orixinal, el 16 de payares de 2010. Consultáu'l 3 d'ochobre de 2010.
Enllaces esternos
[editar | editar la fonte]
Wikimedia Commons acueye conteníu multimedia sobre Super Aguri F1.
