Storfjorden (Svalbard)

Coordenaes: 77°49′27″N 19°40′50″E / 77.82405°N 19.680569°E / 77.82405; 19.680569
De Wikipedia
Storfjorden (Svalbard)
Situación
PaísBandera de Noruega Noruega
ArchipiélaguBandera de Svalbard Svalbard
Tipu fiordu
Parte de Mar de Barents
Coordenaes 77°49′27″N 19°40′50″E / 77.82405°N 19.680569°E / 77.82405; 19.680569
Storfjorden (Svalbard) alcuéntrase en Svalbard
Storfjorden (Svalbard)
Storfjorden (Svalbard)
Storfjorden (Svalbard) (Svalbard)
Datos
Cambiar los datos en Wikidata

Storfjorden ye un fiordu noruegu o más exactamente una zona marítima asitiada en Svalbard, ente'l Spitsbergen al oeste y Edgeøya y Barentsøya al este.

El Storfjorden mide 132 kilómetros de llargu, lo que lu convierte nel fiordu más llargu del Svalbard.

El fiordu empieza al sur, ente Boltodden sobre Spitsbergen y Kvalpynten sobre Edgeøya (calcáu a partir d'ellí, el fiordu mide 132 km de llargor), pero delles fontes indiquen que'l fiordu empiece más al sur, ente Kikutodden na Tierra de Sørkapp al oeste y l'archipiélagu de los Tusenøyane al sur de Edgeøya al este, entós midiría unos 180 km. Del llau sur de Edgeøya, el Tjuvfjorden entra al nordeste.

La parte más al norte de Storfjorden, que s'asitia ente la Tierra d'Olav V y Barentsøya, llámase Ginevrabotn. Ente Barentsøya y Edgeøya, el Freemansundet cuerre escontra l'este hasta Olgastredet, a Spitsbergen, el Storfjord bordea Heer Land y la Tierra de Sabine.

El Storfjorden llamábase d'antiguo "Wybe Jans Water", del nome del cazador de ballenes frisón "Wybe Jinsz van Stavoren". El fiordu foi mentáu per primer vegada so esti nome en 1620[1]

El 21 de febreru de 2008, el Storfjorden yera l'epicentru del mayor terremotu rexistráu en Noruega, d'una magnitú de 6,2 na escala de Richter (finalmente correxíu a 5.9), que, sicasí, nun causó daños.[2][3]

Referencies[editar | editar la fonte]

  1. «Storfjorden-Svalbard» (noruegu (bokmål)) (17.04.2020). Consultáu'l 5 Payares 2020.
  2. «jordskjelv i Norge» (noruegu (bokmål)). Consultáu'l 5 Payares 2020. en Noruegu.
  3. «Jordskjelv ved Svalbard» (noruegu (bokmål)) (22.02.2008). Consultáu'l 5 Payares 2020., en Noruegu.

Enllaces esternos[editar | editar la fonte]