Star Wars

De Wikipedia
Saltar a: navegación, buscar
Wikipedia:Artículos destacaos
El logotipu de Star Wars.

Star Wars, ye una saga de películes de ciencia ficción creada pol guionista, productor y direutor George Lucas.

Orixe[editar | editar la fonte]

A magar que la más la xente considera a Star Wars como ciencia ficción, George Lucas tien declaráu en munches ocasiones qu'estes películes nun son de «ciencia ficción», principalmente porque la teunoloxía qu'amuesa nun tien base científica. Asina, sedríen d'«aventura épica» y ná más.

Según el propiu George Lucas, la so primera intención foi la de facer una película de Flash Gordon [1], como homenax a los vieyos seriales de ciencia ficción de los años 30, pero Dino De Laurentiis ya adquiriera los drechos pa facela, polo que tuvo que crear los sos propios personaxes, ya incorporar otres influyencies (Kurosawa, Campbell). A pesar d'estos camudamientos, na primera triloxía entá apaecen conceutos tan carauterísticos del serial orixinal de Flash Gordon como'l roxu héroe espacial que llucha xuntu colos rebeldes escontra les mui superiores fuercies d'un tiránicu imperiu, escenarios como la ciudá nes nubes, los cambeos d'escena animaos, o'l fechu d'entamar cada entrega con un testu resume del capítulu anterior moviéndose haza les estrelles. [2]

Star Wars emprimó en 1977, col estrenu de la primera entrega, col títulu simple de Star Wars. A pesar de los problemes que tuvo Lucas pa financiar la película, y de que malpenes s'esperaba recuperar la inversión realizada, foi un tremendu ésitu, especialmente si se sumen les ventes d'artículos rellacionaos. Trés años depués apaez la so segunda parte (The Empire Strikes Back) y, a la fin, la tercer parte (Return of the Jedi), que n'aquel momentu George Lucas consideró como l'últimu filme que fadría de la saga.

Cola fin d'estremar ente la serie completa y la primera película rodada, aprovechóse'l primer reestrenu de Star Wars, en 1981, p'amestar el lletreru «Episode IV: A New Hope» al entamu del testu introductoriu del principiu, sirviendo esti nuevu títulu de magar entós pa identificala. Ansí, pasóse a considerar como'l cuartu capítulu d'una serie a la que-y faltaben entá los trés primeros capítulos. [3] [4]

Lucas aseguróse dende l'entamu de qu'hubiere cómics, noveles ya abondos artículos rellacionaos con esti tema, de primeres pa compensar un posible fracasu económicu de la primera película, y darréu para rentabilizar inda más la saga y satisfacer la demanda. Tovía, anguaño, síguese produciendo toa clas de material d'esti tipu.

Lucas fixo declaraciones contradictories demientres años sobro qué planes tenía pa la saga, llegando a anunciar poco depués del estrenu de Return of the Jedi l'entamu del rodaxe d'un Episodio VII, llueu desmentíu. Tamién se faló de rodar «Les aventures del mozu Obi Wan Kenobi».

A la fin, en 1997, George Lucas reedita les trés películes ameyorando la so calidá visual y sonora, remocicando delles escenes enantes suprimíes y sustituyendo munchos de los efeutos especiales orixinales por animación dixital. A pesar de los rumores de que se camudó'l nome de «Star Wars» del Episodiu I al IV nesta reedición de 1997, la cuarta entrega rotulóse como «Episode IV» yá en 1981, nun llevando nenguna película'l rótulu d'«Episode I» enantes de L'amenaza Pantasma

La reedición yera parte d'un proyeutu a llargu plazu de crear trés nueves películes, que son los antecedentes de les anteriores trés. En 1999 George Lucas dirixe la primera, nomada The Phantom Menace y considerada'l primer episodiu. Posteriormente, y n'intervalos de trés años, apaecen el segundu episodiu, L'ataque de los clones ya'l terceru, La venganza de los Sith. George Lucas tien declarao que nun fadrá más películes de la saga, porque escosaron gran parte de la so vida. Pel momentu, les úniques continuaciones de la saga son les qu'apaecen nes novelas y nos cómics como parte del universu espandíu.

Cosplay asondañando personaxes del universu de Star Wars

Les películes de Star Wars tienen una cierta familiaridá coles de tai chi, asina como cola mitoloxía romana. Esta coincidencia nun ye casual, yá que Lucas, antropólogu de formación, quería crear una mitoloxía moderna sofitada nos estudios del so collaciu y mentor Joseph Campbell.

Ún de los puntos más importantes de les películes de Star Wars ye que Lucas supo crear un mundu enllenu de teunoloxía que paez que fuera usada demientres años y que paecía real, y amestalu con aspeutos tradicionales, como la esistencia de dos órdenes guerreres, los Jedi y los Sith, asina como les sos respeutives filosofíes, l'usu d'armes de contautu como'l sable de lluz, la esistencia d'una república y d'un imperiu, y la política.

Les películes y la televisión[editar | editar la fonte]

L'argumentu de les películes asitiase «desayá, nuna galaxa mui, mui alloñada....» (de la nuesa), ésta fras apaez davezu al entamu de cualesquier hestoria rellacionada. Ellí diose demientres sieglos un enfrentamientu ente'l «llau lluminosu de la Fuercia» (representáu polos Jedi, proteutores de la galaxa) y el «llau escuru» (representáu polos Sith).

En conclusión, la primera triloxía (episodios I, II y III) mos cuenta cómo la República, que ta formada pola mayoría de los sistemes planetarios de la galaxa, s'enfrenta a una terrible guerra, en parte pol remane de Darth Sidious (un misteriosu maestru Sith, que ye parte del llau escuru de la fuercia). Narren el deprendimientu d'un mozu Jedi (Caballeru del llau lluminosu) Anakin Skywalker, y la so perversión al llau escuru, yá qu'esti cai por tentaciones fuertes pal ser humanu, nesti casu los sentimientos humanos. Al empar, narrase la desapaición de la corrompida República Galáctica, y la so sustitución por un Imperiu Galácticu opresor (que remembra a l'Antigua Roma), col so emperador Palpatine (maestru Sith, Darth Sidious) ya'l so aprendiz Darth Vader (Anakin Skywalker). Igualmente esta triloxía llevanos a la reflexón de les tentaciones mas fonderes del amor haza una persona mui averada a nós, y qu'estes nun son realizaes al mou de nuesu. Na triloxía orixinal (Episodios IV, V y VI), los caballeros Jedi foron esterminaos, y namái un pequeñu garapiellu de rebeldes resiste entá al Imperiu. La esistencia d'una terrible arma imperial, la Estrella de la muerte, causa'l reclutamientu d'un mozu Luke Skywalker (fíu d'Anakin) por parte de l'Alianza Rebelde, y el so entrenamientu Jedi por parte d'Obi-Wan Kenobi y posteriormente por Yoda.

Maqueta a escala 1:3 d'un tresporte AT-AT na entrada de Disney's Hollywood Studios

Les películes de la saga tan feches de tal manera que seyan una sola hestoria relatada en seyes episodios:

  1. Star Wars Episode I: The Phantom Menace (19 de mayu de 1999)
  2. Star Wars Episode II: Attack of the Clones (16 de mayu de 2002)
  3. Star Wars Episode III: Revenge of the Sith (19 de mayu de 2005)
  4. Star Wars Episode IV: A New Hope (25 de mayu de 1977)
  5. Star Wars Episode V: The Empire Strikes Back (21 de mayu de 1980)
  6. Star Wars Episode VI: Return of the Jedi (25 de mayu de 1983)

Películes del universu de Star Wars feches por LucasFilm y que tan rellacionaes indireutamente cola saga:

  1. Caravan of Courage: An Ewok Adventure (1984 TV-CINE)
  2. Ewoks: The Battle for Endor (1985- TV)

En televisión:

Futuros proyeutos:

  • Se tien anunciada pal futuru una serie de televisión que va cuntar la hestoria, ente los Episodios III y IV, de dellos personaxes del universu Star Wars.
  • Anuncióse tamién una futura serie animada pa la televisión.
  • Y la posible reedición de la saga en 3D formatu IMAX.

Universu espandíu[editar | editar la fonte]

Tres la triloxía orixinal, l'universu de ficción de Star Wars siguió medrando n'otros medios, principalmente al traviés de noveles y cómics, onde les hestories yeren polo xeneral compatibles, formando una cronoloxía que partía dende miles d'años enantes de les películes fasta los descendientes de los protagonistes d'elles. A esti «universu» qu'enanchaba l'orixinal «oficial» de les películes nómase-y «Universu Espandíu». Desgraciadamente, la mayor parte d'estes hestories son claramente contradictories colos episodios I, II y III, que se ficieron depués, lo que fai que'l so futuru seya inciertu, especialmente depués de l'apaición de cómics qu'enanchen la continuidá d'esos episodios.

Lliteratura[editar | editar la fonte]

Les seyes primeres películes de Star Wars enseñen les bases pa les docenes y docenes de llibros escritos. Munchos de los llibros tan autorizaos por LucasFilm. Les hestories esplicaes nestos llibros enánchense dende enantes de «The Phantom Menace» fasta depués de «Return of the Jedi». La función d'estos llibros ye espander el mundu de Star Wars.

Plaza d'España de Sevilla, que s'usó como base pa los esteriores del Palaciu Real de Naboo nel episodiu de L'Amenaza pantasma

Asina, noveles y cómics enanten l'universu de Star Wars nuna serie d'époques nomaes oficialmente de la siguiente manera tanto polos editores americanos como polos hispanos:

  • Periodu de l'Antigua República: Abarca dellos milenios y describe la hestoria de les antigües guerres ente Siths y Jedis, asina como la so tresformación na Orde Jedi.
  • Era del Surdimientu del Imperiu: Narra los asocedíos tres la «estinción» de los Sith fasta la Guerra de los Clones y la Purga Jedi, l'entamu del Imperiu Galácticu fasta la Guerra Civil Galáctica y l'Episodiu IV.
  • Era de la Rebelión: Narra dende'l cuartu episodiu fasta un añu depués del sestu. Comprende la Guerra Civil Galáctica y la conversión de la Rebelión na Nueva República.
  • Era de la Nueva República: Narra los venti años que vienen depués del episodiu sestu y demientres un gran númberu de noveles amuesase'l resucitar de la República y de los Jedi.
  • Era de la Nueva Orde Jedi: Más de diez años nos que s'acaba la República y nos que la Nueva Orde Jedi ha lluchar por xunir tola galaxa nuna llucha común.
  • Era del Llegáu: Aproximadamente unos cien años nos que se cunta la llucha de la Orde Jedi por torgar una nueva guerra civil, por caltener xunía a la galaxa y por torgar un nuevu Imperiu ya'l retornu del Llau Escuru per aciu de la descendencia de la Familia Skywalker.

Xuegos de Rol[editar | editar la fonte]

Videuxuegos[editar | editar la fonte]

Títulu Añu Plataforma Tipu
The Empire Strikes Back 1982 Atari 2600, Intellivision Arcade
DeadStar Battle 1983 Atari 2600, 5200, ZX Spectrum Arcade
Jedi Arena 1983 Atari 2600, Intellivision Arcade
Star Wars 1983 Recreativa y ordenadores de 8 y 16 bits Arcade
Return of The Jedi 1984 Recreativa y ordenadores de 8 y 16 bits Arcade
The Empire Strikes Back 1985 Recreativa y ordenadores de 8 y 16 bits Arcade
Droids: Scape from Aaron 1988 Spectrum, Amstrad CPC Puzzle
Star Wars (videoxuegu) 1991 NES Arcade
The Empire Strike Back 1991 NES Arcade
Super Star Wars 1992 Super Nintendo Arcade
X-Wing 1993 PC, Mac Simulador de Combate Espacial
X-Wing: Imperial Pursuit (Exp.) 1993 PC, Mac Simulador de Combate Espacial
X-Wing: B-Wing (Exp.) 1993 PC, Mac Simulador de Combate Espacial
Super Empire Strike Back 1993 Super Nintendo Arcade
Star Wars Chess 1993 PC, Sega CD, 3DO Axedrez
Rebel Assault 1993 PC, Mac, Sega CD, 3DO Arcade
Tie Fighter (videojuego) 1994 PC, Mac Simulador de Combate Espacial
Tie Fighter: Defender of the Empire (Exp.) 1994 PC, Mac Simulador de Combate Espacial
Star Wars Screen Entertainment 1994 PC, Mac Salvapantalles
Super Return of The Jedi 1994 PC, Super Nintendo, Gameboy
Star Wars Arcade 1994 Recreativa, Sega 32X Arcade
Dark Forces 1995 PC, Mac Playstation Arcade 3D
Rebel Assault II 1995 PC, Mac Playstation Arcade
Shadows of The Empire 1996 PC, Nintendo 64 Arcade
Yoda Stories 1997 PC, Gameboy Color Aventura
X-Wing vs. Tie Figther 1997 PC Simulador de Combate Espacial
X-Wing vs. Tie Figther: Balance of Power (Exp.) 1997 PC Simulador de Combate Espacial
Jedi Knights: Dark Forces II 1997 PC Arcade 3D
Master of Teräs Kasi 1997 Playstation Arcade de Llucha
Star Wars: Monopoly 1997 PC Xuegu de Tableru
Star Warped 1997 PC
Jedi Knights: Mysteries of The Sith (Exp.) 1998 PC Arcade 3D
Star Wars: Rebellion 1998 PC Estratexa
Star Wars: Behind The Magic 1998 PC Enciclopedia Interautiva
Star Wars: Rogue Squadron 1998 PC, Nintendo 64 Arcade
Star Wars Trilogy 1998 Recreativa Arcade
Star Wars: Droidworks 1998 PC, Mac Xuegu Educativu
X-Wing: Alliance 1999 PC Simulador de Combate Espacial
Star Wars: Episodio I. Racer 1999 PC, Sega Dreamcast, Nintendo 64, Power Mac, Gameboy Color Arcade de Carreres
Star Wars: Episodio I. La Amenaza Fantasma 1999 PC Aventura
Star Wars: Yoda's Challenge 1999 PC, Mac Xuegu Educativu
Star Wars: Anakin's Speedway 1999 PC, Mac Xuegu Educativu
Star Wars: Jar Jar's Journey 1999 PC, Mac Xuegu Educativu
Star Wars: Episodio I. Insider's Guide 1999 PC. Power Mac Enciclopedia Interautiva
Star Wars: Episodio I. Pit Droids 1999 PC, Mac Puzzle
Star Wars: Episodio I. Gungan Frontier 1999 PC, Mac Estratexa
Star Wars: Force Commander 2000 PC, Power Mac Estratexa
Star Wars: Jedi Power Battels 2000 Playstation, Sega Dreamcast, Gameboy Advance Arcade
Star Wars: Demolition 2000 Playstation, Sega Dreamcast Arcade de Vehículos
Star Wars: Episodio I. Battle for Naboo 2000 PC, Nintendo 64 Arcade
Star Wars: Obi Wan's Adventures 2000 Gameboy Color Arcade
Star Wars Math: Jabba's Game Galaxy 2000 PC, Mac Xuegu de Tableru
Star Wars: Early Learning Activity Center 2000 PC, Mac Xuegu de Tableru
Star Wars Race Arcade 2000 Recreativa
Star Wars: Episode I. Starfigther 2001 PC., PS2, Xbox Arcade Espacial
Star Wars: Galactic Battlegrounds 2001 PC, Mac Estratexa
Star Wars: Rogue Squadron II. Rogue Leader 2001 (Nintendo Gamecube) Arcade
Star Wars: Obi Wan 2001 Xbox Arcade
Star Wars: Super Bombad Racing 2001 PS2, Dreamcast Arcade
Star Wars: Racer Revenge 2002 Playstation 2 Arcade
Star Wars: Jedi Starfigther 2002 Playstation 2, Xbox Arcade
Star Wars: Jedi Knigth II. Jedi Outcast 2002 PC, Mac, (Nintendo Gamecube), Xbox Arcade 3D
Star Wars: Galactic Battelgrounds. Clone Campaings (Exp.) 2002 PC, Mac Estratexa
Star Wars: La Guerra de los Clones (Clone Wars) 2002 (Nintendo Gamecube), PS2, Xbox Arcade
Star Wars: Bounty Hunter 2002 PS2, (Nintendo Gamecube) Arcade
Star Wars: Episodio II. El Ataque de los Clones 2002 Gameboy Advance Arcade
Star Wars: Episode II. The New Droid Army 2002 Gameboy Advance Arcade
Star Wars: Star Figther Special Edition 2002 Xbox
Star Wars Galaxies: An Empire Divided 2003 PC Rol Online
Star Wars: Caballeros de la Antigua República 2003 PC, Xbox Rol
Star Wars: Flight of The Falcon 2003 Gameboy Advance Arcade
Star Wars: Jedi Knigth III. Jedi Academy 2003 PC, Xbox Arcade
Star Wars: Rogue Squadron III. Rebel Strike 2003 (Nintendo Gamecube) Arcade
Star Wars: Battlefront 2004 PC, Xbox, PS2 Arcade Multixugador
Star Wars: Republic Commando 2004 PC, Xbox Arcade
Star Wars Galaxies: Jump to Lightspeed (Exp.) 2004 PC Rol Online
Star Wars: Caballeros de la Antigua República II. Los Señores Sith 2005 PC, Xbox Rol
Star Wars Galaxies: Rage of the Wookies (Exp.) 2005 PC
Star Wars: Battlefront II 2005 PC, Xbox, PS2, PSP
Lego Star Wars 2005 PC, Xbox, PS2
Star Wars Galaxies: the total Experience 2005 PC
Star Wars: Episode III. La venganza de los Sith (Revenge of the Sith) 2005 PS2, Xbox, Gameboy Advance, Nintendo DS
Star Wars: Empire at War 2006 PC
Lego Star Wars II 2006 PC, Xbox360, PS2
Star Wars Trilogy: Apprentice of the Force ? GBA
Star Wars: Call the Force ? PC
Star Wars: Starfigther ? PC
Star Wars: Galaxies ? Xbox, PS2

Cronoloxía Star Wars[editar | editar la fonte]

L'universu espandíu ye alimentáu por cómics, noveles, videuxuegos, series de televisión, películes, etc. (Ver Cronoloxía Star Wars pa ver la llinia temporal del universu de Star Wars).

Ésitu comercial[editar | editar la fonte]

El so ésitu foi grande abondo como pa permitir a Lucas crear la so propia productora (Lucasfilm) y una serie d'empreses rellacionaes (LucasArts, Industrial Light & Magic, ya otres). Foron les primeres películes que ficieron usu intensivu del merchandising como fonte de beneficios, estendiéndose aína fuera de lo cinematográficu. Namás salir la primera película, esistíen camisetes, cartelos, taces, cómics, llibros, etc., basaes nos personaxes de la película, y siguen produciéndose anguaño, a pesar de la parada de cuasi venti años ente «Return of the Jedi» y «The Phantom Menace».

Cuando Ronald Reagan presentó la so Iniciativa de Defensa Estratéxica (qu'incluyía'l llanzamientu de satélites capaces de destruyir misiles en plenu vuelu), la prensa dio-y el nomatu de «Star Wars», polo escomanao del proyeutu, qu'enxamás llegó a realizase, anque George W. Bush plantegó un proyeutu d'escudu antimisiles, que ye asemeyáu pero menos ambiciosu.

Los planetes en Star Wars[editar | editar la fonte]

Esteriores del Episodiu IV en Túnez

Tola Saga de les películes, comics, llibros y videoxuegos desendolquense na mesma galaxa (mui, mui alloñada, y fai munchu tiempu). Pa salvar les pergrandes distancies ente estremaos sistemes planetarios, utilizase'l vuelu hiperespacial, desarrolláu miles d'años enantes de la hestoria cuntada nes películes.

Hai una serie de rutes conocíes al traviés del hiperespaciu, lo que fai qu'unos planetes seyan más importantes qu'otros, simplemente por tar nuna d'estes rutes.

Dellos de los millones de planetes que conformen esta galaxa son los que vienen darréu:

Abregado-Rae Adega Agamar Alderaan Almania Alzoc III Ambria Ammuud Ando Anoth
Antar 4 Aquaris Arbra Aridus Arkania Atzerri Bakura Balmorra Barab I Baroonda
Belsavis Bespin Bestine Bilbringi Bimmisaari Bonadan Borleias Bothawui Byss Cato Neimoidia
Carida Carratos Chandrila Cerea Corellia Coruscant Dagobah Dantooine Da Soocha V Dathomir
Dellalt Deralia Dorin Drall Drommund Kaas Duro Edatha Endor Eredenn Eriadu
Etti IV Excarga Felucia Firrerre Fodurant Galantos Gamorr Garos IV Geonosis Glee Anselm
Hapes Haruun Kal Honoghr Hoth Hypori Iktotch Ithor Ilum Joonia J't'p'tan
Krant Kalarba Kamino Kashyyyk Kejim Kessel Khomm Kiffu Korriban Kothlis Kuat Lwhekk
Maanan M'haeli Mimban(Circarpous V) Mon Calamari Mrlsst Munto Codru Muunilinst Mustafar Mygeeto Myrkr Mytus VII
Naboo Nadiem Nal Hutta Nar Shaddaa Nam Chorios Nelvaan Nim Drovis Nkllon N'zoth Onderon
Ord Mantell Ord Sedra Ossus Perasus Polis Massa Pydyr Pzob Rafa V Ralltiir Reytha Rodia
Roon Ryloth Sacorria Saleucami Sarapin Selonia Sullust Taanab Talasea Talus y Tralus
Tatooine Taris Telti Teris Teyr Thyferra Tynna Utapau Umgul Asteroides de Vergesso
Vortex Wayland Yavin Yavin VIII Yavin XIII Ylesia Zhar

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]

Páxines oficiales[editar | editar la fonte]

  • StarWars.com Sitiu oficial sobro les películes y l'universu espandíu (n'inglés)
  • LucasArts Empresa qu'edita los videuxuegos de Star Wars

Páxines con información sobro la saga[editar | editar la fonte]

Direutorios d'enllaces[editar | editar la fonte]