Stéfano Casiraghi

De Wikipedia
Saltar a navegación Saltar a la gueta
Stéfano Casiraghi
Casiraghi.png
Vida
Nacimientu Como Traducir8  de setiembre de 1960
Nacionalidá Bandera d'Italia Italia
Fallecimientu

Montecarlu3  d'ochobre de 1990

(30 años)
Causa de la muerte afogamientu
Familia
Casáu/ada con Carolina de Mónacu  (1983 -  1990)
Fíos/es
Oficiu
Oficiu empresariu y socialité Traducir
IMDb nm2058843
Cambiar los datos en Wikidata

Stéfano Casiraghi (Como, Italia, 8 de setiembre de 1960 - † Mar Mediterraneu, 3 d'ochobre de 1990) foi un empresariu italianu, casáu dende 1983 y hasta la so muerte cola princesa Carolina de Mónaco, fía primoxénita del príncipe Raniero III y de Grace de Mónaco.

Biografía[editar | editar la fonte]

Fíu de Giancarlo Casiraghi y Fernanda Biffi, Stéfano Casiraghi, convertíu nun empresariu multimillonariu, conoció a Carolina de Mónaco en 1982 al traviés d'unos amigos de mancomún. Casiraghi yera trés años menor que la princesa Carolina de Mónaco.

Empezaron una relación. Coincidieren en dalguna ocasión y unos amigos comunes xuntáron-yos un branu. Empezaron a quedar y pa despistar a la prensa Carolina siguía quedando col so gran amigu Robertino Rossellini. Pasaron los meses y ella quedó embarazada. El 29 d'avientu de 1983 contraxeron matrimoniu civil nel Palaciu del Príncipe de Mónaco. La relación con Casiraghi traxo estabilidá emocional a la princesa Carolina y un periodu de sele felicidá familiar; la cual foi una gran alegria pal príncipe Raniero III, quien entá guardaba llutu pola muerte de la so esposa, la princesa Grace de Mónaco.

El 8 de xunu de 1984, nació'l so primer fíu, Andrea Casiraghi. El 3 d'agostu de 1986, nació la so segunda fía, Carlota Casiraghi, de notable paecíu cola so madre. Y el 5 de setiembre de 1987, foi padre, por tercera y última vegada, de Pierre Casiraghi, de notable paecíu col so padre.

Casiraghi foi criticáu pola prensa amarillista pola so forma casual de vistise, la so bonable espontaneidá y simplez personal.

Stéfano Casiraghi, amás d'empresariu, yera deportista d'altu riesgu en competiciones Off-Shore d'embarcaciones d'alta velocidá, afición que nun yera compartida del tou pola so esposa.

Stefano Casiraghi morrió'l 3 d'ochobre de 1990 n'agües de Montecarlo a bordu de la so embarcación Pinot di Pinot, cuando participaba nel mundial de off-shore. Una fola inusitada provocó un entorno violentu de la so embarcación. Patrice Innocenti, el so copilotu, sobrevivió al accidente; pero Stéfano morrió a los pocos minutos del incidente. La noticia devastadora llegó a la princesa Carolina cuando esta asistía a un salón de guapura, y guardó llutu por casi seis años. Asina mesmu foi una gran perda pa Rainero yá que consideraba a Stefano una persona al altor de la so fía Carolina.

Enllaces esternos[editar | editar la fonte]



Stéfano Casiraghi