Spizella atrogularis

De Wikipedia
Saltar a navegación Saltar a la gueta
Spizella atrogularis
Map marker icon – Nicolas Mollet – Birds – Nature – white.png Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Commons-emblem-notice.svg
 

Infobox animalia.png

Gorrión barbinegro
Black-chinned Sparrow (Spizella atrogularis) (16690054929).jpg
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Emberizidae
Xéneru: Spizella
Especie: S. atrogularis
(Cabanis, 1851)
[editar datos en Wikidata]

Spizella atrogularis ye un ave paseriforme de la familia Emberizidae con distribución en zones grebes d'América del Norte (Estaos Xuníos y Méxicu). Ye una especie parcialmente migratoria.

Mide unos 14 cm en promediu. Ye claramente distintu a les demás especies del xéneru Spizella, con dimorfismu sexual. La cabeza y les partes ventrales son dafechu grises, ensin rayes, pero nos machos rescampla'l color negru en gargüelu y zona loreal (ente'l picu y los güeyos). El picu ye color rosa. El llombu, les nales y la cola son, como nes demás especies del xéneru, pardes llistaes con escuru.

Distribúise dende'l suroeste de los Estaos Xuníos hasta'l sur de Méxicu. Les poblaciones norteñas son migratories, ente que una subespecie mexicana ye residente.

Estrémense cuatro subespecies:

  • S.a. caurina. Zona costera de California. De coloración gris más escura, con delles tonalidaes pardes.
  • S. a. cana. Fasteres de montes del sur de California y norte de Baxa California. Más pequeña, cola más curtia y con dalgún matiz pardu nes partes ventrales.
  • S.a. evura. Dende los montes del centru-esti de California hasta Nuevu Méxicu. Coloración más pálida y parche negru del gargüelu más pequeñu.
  • S.a. atrogularis. Residente dende Sonora y Chihuahua a lo llargo del Altiplanu Central hasta Oaxaca. Más escura y col parche negru del gargüelu más evidente que nes subespecies norteñas.

Habita en fasteres de montes y en zones altes grebes y semiáridas, con vexetación arbustiva abondosa, en chaparrales y en campos de Artemisia. Aliméntase principalmente de granes ya inseutos pequeños.

La fema pon ente 3 y 5 güevos de color verde azuláu con llurdios marrones sobre un nial ellaboráu de campera.

Notes[editar | editar la fonte]

Referencies[editar | editar la fonte]

Enllaces esternos[editar | editar la fonte]