Spindalis zena

De Wikipedia
Saltar a navegación Saltar a la gueta
Spindalis zena
Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Cabreru
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Thraupidae
Xéneru: Spindalis
Especie: S. zena
(L., 1758)
Subespecies
  • S. z. benedicti Ridgway, 1885
  • S. z. pretrei (Lesson, 1831)
  • S. z. salvini Cory, 1886
  • S. z. townsendi Ridgway, 1887
  • S. z. zena (L., 1758)
Sinonimia

Tanagra zena L., 1758

Tanagra petrei Lesson, 1831
[editar datos en Wikidata]

Spindalis zena especie d'ave de Cuba (cabreru), La Española (sigua mariella), Xamaica, Puertu Ricu (reina mora), Les Bahames, Gran Cayman y Cozumel perteneciente a la familia Thraupidae del orde Passeriformes.

Nomes[editar | editar la fonte]

Spindalis en griegu ye “ave pelegrina”, zena vien d'un nome de muyer, pretrei vien del llatín dedicáu Pretre” y townsendi “dedicáu Townsend”. N'inglés ye conocida como striped-headed tanager.

Distribución en Cuba[editar | editar la fonte]

En Cuba ye común en toles provincies. Nel sieglu XIX yera abondo abondosu, pero anguaño nun lo ye tantu. Suel tar presente nes llendes de montes frondosos, especialmente los de monte a cualquier altitú. Tamién habita en montes abiertos y espesures.

Descripción[editar | editar la fonte]

Miden unos 15 cm de llargu. El picu ye curtiu y robustu. Tienen dimorfismu sexual. El machu ye bien llamativu. La so cabeza ye de color negru predominante con rayes blanques grueses, unes que parten de cada ñariz y van percima de los güeyos hasta la nuca y otres van dende les comisuras del picu escontra baxo enanchándose hasta'l final del pescuezu, y acompañaes inferiormente por rayes negra, que bordien el gargüelu mariellu. El pechu, la nuca y la rabadilla son de color anaranxáu parduzu, el llombu ye verde-olivo, el banduyu amarellentáu de siguío del pechu vuélvese abuxáu, igual que debaxo de la cola. Les plumes primaries son negres con llurdios blancos na base y cantos blancos amplios. El picu ye pardu-buxu, les pates del mesmu color. Los güeyos casi negros.

La fema ye nel envés olivao-buxu coles rayes de la cabeza namái como bandes clareadas onde nel machu son blanques. El gargüelu y el banduyu son de color pardu-buxu claru, más olivado escontra los lladrales. Les primaries son moriques y namái más clares, olivao-abuxaes onde nel machu son blanques. Tamién puede presentar plumes anaranxaes nos costazos. Los inmaduros son similares a les femes.

El so cantar ye infrecuente, poco intensu, pero enllargáu. Ye una repetición desordenada de soníos agudos y runfíos. Más de cutiu tamién fai chirridos agudos ya intensos. Aliméntase de pequeñes frutes, granes ya insectos.

Nial[editar | editar la fonte]

Añeren ente febreru y xunetu. Faen nial en forma de copa en cañes bien altes d'árboles o parrotales. Ponen 2 o 3 güevos blancos con llurdios de color castañu o corites, bien separaes. La dimensión promediu del güevu ye de 2,2 cm de llongura por 1,5 cm d'anchu.

Ave en cautiverio[editar | editar la fonte]

Como ave de xaula ye bien apreciada pola guapura del plumaxe del machu.

Subespecies[editar | editar la fonte]

Ver tamién[editar | editar la fonte]

Referencies[editar | editar la fonte]

  • García, F. (1987). Les Aves de Cuba. Especies reinales. Subespecies reinales. Tomos I ya II. Editorial Xente Nuevo, L'Habana. 207 pp.
  • Garrido, O.H.; Kirkconnell, A. (2000). Birds of Cuba. Helm Field Guides, Londres. 253 pp.