Sofía Castañón

De Wikipedia
Saltar a navegación Saltar a la gueta
Artículu revisáu
Sofía Castañón
Sofía Castañón.jpg
Escudo de España (mazonado).svg
diputada d'España

4 xineru 2016 - 3 mayu 2016
Distritu: Asturies
Eleiciones: Eleiciones xenerales d'España de 2015
Escudo de España (mazonado).svg
diputada d'España

13 xunetu 2016 - 21 mayu 2019
Distritu: Asturies
Eleiciones: eleiciones xenerales d'España de 2016
Escudo de España (mazonado).svg
diputada d'España

17 mayu 2019 -
Distritu: Asturies
Eleiciones: elecciones al Congreso de los Diputados de abril de 2019 Traducir
Vida
Nacimientu

Xixón1  de payares de 1983

(35 años)
Nacionalidá Bandera d'España España
Estudios
Estudios Universidá d'Uviéu
Llingües castellanu
asturianu
Oficiu
Oficiu escritora, periodista y política
Llugares de trabayu Madrid
Creencies
Partíu políticu Podemos
Unidas Podemos Traducir
IMDb nm4701124
www.sofiacastanon.es/
Cambiar los datos en Wikidata

Sofía Fernández Castañón (1  de payares de 1983Xixón), conocida como Sofía Castañón, ye una poeta, escritora, realizadora audiovisual y política española. Trabayó en prensa escrita, televisión y radio y recibíu dellos premios de poesía. Dende xineru de 2016 ye diputada de Podemos per Asturies na XI y XII Llexislatures del Congresu, anguaño voceru de la Comisión d'Igualdá y vocal de la Subcomisión de Pactu d'Estáu en materia de Violencia de Xéneru. El 18 de febreru de 2017 foi escoyida secretaria de Feminismos Interseccional y LGTBI de la Executiva de Podemos. Dende febreru de 2017 ye miembru del Conseyu Estatal de Podemos.

Trayeutoria profesional[editar | editar la fonte]

Unu de los sos güelos yera capataz de mines y la so familia vien de la Cuenca del Caudal.[1] Fía de la escritora asturiana Laura Castañón creció arrodiada de llibros.[2] Cursó estudios de filoloxía hispánica na Universidá d'Uviéu[3] y compaxina la so actividá poética pola que recibió dellos premios col so trabayu periodísticu y con talleres d'escritura creativa.[4] Tien publicaos dellos llibros de poesía en castellanu y asturianu, polos que recibió premios como l'Asturies Xoven en 2006, Pablo García Baena de Poesía Nueva en 2007 o Nené Losada Rico en 2009.

En 2009-2010 foi becaria de creación del Conceyu de Madrid na Residencia d'Estudiantes y foi una de les poetes «Voz + Joven 2010» de «La Casa Encendida».

En 2010-2011 dirixó l'espaciu radiofónicu El sillón Voltaire en Radio del Círculu de Belles Artes de Madrid.

De 2012 a 2015 coordinó clubes de llectura municipales en Xixón ya impartió talleres de creación lliteraria y narrativa audiovisual amás de participar nel colectivu humorísticu Fundición Príncipe d'Astucies (agora Fundición Princesa d'Astucies).

Participa na productora audiovisual «Señor Paraguas» na que robló videoclips, documentales y videoarte, centrándose na cultura dende'l compromisu social y políticu.

Con esta productora en 2014 robló'l so primer llargumetraxe como direutora, el documental Se dice poeta, una mirada de xéneru al panorama poéticu contemporaneu. Nél, Sofía Castañón entrevista a 21 muyeres nacíes ente 1974 y 1989 pa falar de la so rellación cola poesía, la crítica y l'espardimientu de la so obra. Tomando como puntu de partida la entruga sobre por qué puede preferise'l términu poetisa si la definición de la pallabra poeta abarca tantu a homes como a muyeres, esti documental propón una reflexón de xéneru sobre'l panorama poéticu actual n'España.[5] En medios de comunicación trabayó en TLG, Localia, TeleAsturias.

Pa la Canal de televisión públicu del Principáu d'Asturies (TPA) dirixó la colección "Dicires", un diccionariu visual d'asturianu en 120 clips. Tamién robló artículos ente otros medios n'El Comercio, La Corriente Alterna, La Nueva España, Hesperya, Diagonal y el Huffington Post.[6]

Trayeutoria política[editar | editar la fonte]

De xineru de 2015 hasta febreru de 2017 foi Miembru del Conseyu Ciudadanu de Podemos Xixón. En xunetu de 2015 allegó nes primaries estatales de Podemos na llista promovida pola direición nacional de Pablo Iglesias y que s'impunxo a la llista alternativa plantegada dende les agrupaciones d'Asturies y Andalucía. Resultó la candidata más votada con 36.685 sofitos.[7]

Mientres la Sesión Constitutiva del Congresu de la XI Llexislatura utilizó l'asturianu pa prometer el so cargu cola siguiente fórmula:

"Prometo acatar esta Constitución y trabayar pa cambiala. Pola alcordanza de les nueses güeles, pol futuru de los nuesos fíos. Nunca más un país ensin la so xente y los sos pueblos".[8]

(Madrid, 13 de xineru de 2016)

Volvió ser candidata nes eleiciones xenerales de xunetu de 2016 y revalidó el so escañu nel Congresu de Diputaos onde na actualidá ye vocera de la Comisión d'Igualdá y vocal de la Subcomisión de Pactu d'Estáu en materia de Violencia de Xéneru.[9]

Na xunta de Vistalegre II foi candidata na llista de Pablo Iglesias y foi escoyida miembru del Conseyu Ciudadanu Estatal de Podemos quedando nel puestu 14 con 3.574.113 puntos (28,79%).[10]

El 18 de febreru de 2017 foi escoyida Secretaria de Feminismos Interseccional y LGTBI, un cuidao que hasta agora nun esistía na Executiva de Podemos y que nel Conseyu Ciudadanu desempeñaba Clara Serra.[11]

Nes eleiciones xenerales del añu 2019 encabezó nuevamente la llista d'Unidas Podemos al Congresu, por Asturies, y resultó elexida pal cargu.

Publicaciones[editar | editar la fonte]

Poesía[editar | editar la fonte]

Castellanu[editar | editar la fonte]

  • Animales interiores (Premio Asturias Joven 2006, Trabe 2007),
  • Últimas cartas a Kansas (Premio Pablo García Baena 2007, La Bella Varsovia 2008),
  • La noche así (Ya lo dijo Casimiro Parker, 2012),
  • La otra hija (Suburbia Ediciones, 2013)
  • Prohibido silbar (Baile del Sol, 2014)

Asturianu[editar | editar la fonte]

  • Tiempu de render (Premiu Nené Losada 2009, Trabe 2010)
  • Destruimientu del xardín (Hesperya, 2012)

Antoloxíes[editar | editar la fonte]

  • Hank Over/Resaca (Caballo de Troya, 2008)
  • 23 Pandoras (Baile del Sol, 2009)
  • Poetas asturianos para el s.xxi (Trea, 2009)
  • Por partida doble (Trabe, 2009)
  • El libro del voyeur (Ediciones del Viento, 2010)
  • Esto no rima (Origami, 2012)
  • Gente de Nod (KRK, 2016)

Plaquettes[editar | editar la fonte]

  • La sombra de Peter Pan (2009)
  • Culpa de Pavlov (Premio Jóvenes Creadores del Ayto. de Madrid 2008, Colección Resurrección 2012).

Documentales[editar | editar la fonte]

  • Se dice poeta (2014). Directora

Premios[editar | editar la fonte]

  • 2006 Asturias Joven de Poesía
  • 2006 Premio Astragal 2006
  • 2007 Pablo García Baena de Poesía Joven
  • 2009 Nené Losada Rico
  • 2010 Voz + Joven de La Casa Encendida.
  • 2012 Premio Astragal. Paraíso Postal.
  • 2014 VIII Cortometrajes por la igualdad

Referencies[editar | editar la fonte]

Enllaces esternos[editar | editar la fonte]