Sodalita

De Wikipedia
Saltar a navegación Saltar a la gueta
Sodalita

La sodalita ye un mineral del grupu VIII (silicatos), según la clasificación de Strunz, de fórmula química Na8Al6Si6O24Cl2. La sodalita ye interesante nel ámbitu del coleicionismu por cuenta de que nun ye bono d'atopar na naturaleza exemplares bien cristalizaos y con una acusada tresparencia. Ta considerada una xema.

Etimoloxía[editar | editar la fonte]

El nome de sodalita significa "piedra de sodiu" y foi-y impuestu a esti mineral por cuenta de qu'en la so composición química presenta un altu conteníu en sodiu. Ye tamién llamada, con frecuencia, piedra sodálite.

Coloración y aspeutu[editar | editar la fonte]

Lo que más llama l'atención de la sodalita ye la bella coloración que presenta en delles ocasiones. Ésta sueli ser, xeneralmente, de tonos azules o lila claro, y estos exemplares son los más apreciaos polos coleccionistes. Tamién ye posible topar sodalita de color blancu, gris o verde, lo qu'amonta'l so valor coleicionista al poder disponer d'amueses variaes del mesmu mineral. Más allá del so color, los exemplares más espectaculares de sodalita son los qu'apaecen en forma de cristales dodecaédricos, bien raros, que la so tresparencia resulta variable. Sicasí, lo más frecuente ye atopar esti mineral en forma de mases amorfes y opaques que, eso sí, caltienen la so bella coloración anque non la interesante estructura cristalina.

Minerales rellacionaos[editar | editar la fonte]

La sodalita pertenez al grupu de los feldespatoides. Son minerales con una composición química bien paecida a los feldespatos, pero nos que'l conteníu en xil ye menor. El gran paecíu ente dalgunos d'estos minerales fai que los exemplares de sodalita que nun tien la bella coloración azulada carauterística sían difíciles d'estremar d'otros feldespatoides al pie de los que suel apaecer.

Hackmanita[editar | editar la fonte]

Esiste una variedá de sodalita que recibe'l nome de hackmanita. Tratase d'un mineral cola mesma composición química que la sodalita pero na que, amás, intervien l'azufre. Afayose nuna mina del valle de Tawa, na península de Kola, Rusia, pero darréu atopáronse n'otres llocalidaes d'Afganistán, Canadá, Groenlandia, Guinea, Bolivia, Perú y Estaos Xuníos

Xemoloxía y aplicaciones[editar | editar la fonte]

Les carauterístiques físiques de la sodalita nun fueron lo suficientemente valoraes como pa incluyir a esta xema en grupu de les piedres precioses. Sicasí, delles pieces trabayaes con sodalita consiguen efeutos d'innegable guapura.

Aplicaciones xemolóxiques y ornamentales[editar | editar la fonte]

Por cuenta de la so guapa coloración, variable nos distintos exemplares, la sodalita emplegase na fabricación de collares, pindios y pulseres, según pa la d'estauínes o d'elementos d'arte industrial. Les talles más habituales son n'esfera ó en cabujón, salvu nos escasos exemplares tresparentes ó con rellumu vítreu que s'atopen, a los que se-y aplica la talla en facetes col fin de sacar el máximu partíu a la so lluminosidá.


Aplicaciones industriales[editar | editar la fonte]

Pigmentu azul[editar | editar la fonte]

Les propiedaes físiques de la sodalita, tantu la coloración como la cristalización, dexaron el so emplegu como fonte de pigmentos. El polvu de sodalita entemecíu con una sustanza como la caseína, produz una masa de color azul que les sos propiedaes óptiques son bien cimeres a les que tienen pigmentos sintéticos de los que s'empleguen davezu na actualidá. El rellumu y la testura carauterísticos d'estos pigmentos naturales faen que cunte con una lluminosidá bien especial, magar que nun ye posible atopar nenguna diferencia basándose nes teoríes de el color.

(El párrafu anterior ye incorrectu, cuidao que #el color del polvu de la sodalita ye BLANCO! L'autor tien de confundise con otru mineral azul, el lapislázuli —mineralógicamente «lazurita»—, procedente de Chile y Afganistán.)

Nesi mesmu casu, amás de la sodalita, atópense otros minerales como'l lapislázuli ó la azurita.

Rellación errónea de la sodalita col lapislázuli[editar | editar la fonte]

Por cuenta de el so aspeutu, la sodalita puede llegar a confundise col lapislázuli, especialmente cuando aquélla preséntase en forma d'exemplares masivos. En dellos casos llegóse a afirmar que la sodalita ye un componente del lapislázuli, error que de xuru se debe a la presencia de lazurita ente los componentes d'esti postreru.

Referencies[editar | editar la fonte]