Sigmund Freud
Sigismund Schlomo Freud (Freiberg, 6 de mayu de 1856 - Londres, 23 de setiembre de 1939), más conocíu como Sigmund Freud, foi un mélicu neurólogu austriacu y el principal impulsor del sicoanálisis. Entamó la so carrera intersándose pola hipnosis y el so usu pa tratar enfermos mentales. Más tarde, anque caltuvo na terapia dellos aspeutos d'esa téunica, reemplazó la hipnosis pola asociación llibre y l'análisis de los suaños pa desendolcar lo que, anguaño, conozse como «la cura la fala». Too esto foi conformándose nel puntu de partida del sicoanálisis. Freud interesóse polo qu'entós llamábase histeria (güei trestornu de conversión) y na neurosis (anguaño clasificación escartada pola siquiatría, y apaez na nosoloxía sicoanalítica reclasificada embaxo estremaes denominaciones: afeiciones sicosomátiques, neurosis y sicosis).
Les teoríes de Sigmund Freud y el tratamientu que-yos daba a los sos pacientes causaron un gran alderique na Viena del sieglu XIX y el discutiniu sobre les mesmes entá continúa anguaño. Les sos idees son bramente discutíes y criticaes, y la so obra interprétase más bien como perteneciente al campu de la lliteratura y la cultura. Amás, esiste un ampliu debate sobre si'l sicoanálisis y los tratamientos que se-y asocien pertenecen al ámbitu la ciencia.
Freud morrió en 1939 por una sobredosis de morfina inyectada por un collaciu a pidimientu del propiu Freud, que nun podía tolerar los dolores del cáncer que padecía.
Referencies[editar | editar la fonte]
- The Wolf-Man: conversations with Freud's patient sixty years later, Karin Obholzer.
- Decadencia y Caída del Imperio Freudiano, J. Eysenck [1].
Enllaces esternos[editar | editar la fonte]
Vida y Obra de Sigmund Freud- Diccionariu de sicoanálisis
International Network of Freud Critics- Sigmund Freud - birthplace PRIBOR in Czech language
