Sidrería

De Wikipedia
Sidrería d'Astigarraga (Guipúzcoa, País Vascu).

Una sidrería ye'l local por antonomasia de consumu de sidra n'Asturies, pudiendo en dellos casos asimilase al chigre, magar ésti postreru ye más xenéricu y refierse a los locales de menor categoría. Tamién se llama asina al llugar onde se produz y embotella la sidra nel País Vascu. El nome n'euskera ye Sagardotegi o sagardotegia.

Escanciando sidra de Asturies

N'Asturies el consumu de sidra acomuña a la cultura d'ociu, modificándose grandemente los vezos de consumu nos últimos años. Les tradicionales sidreríes con serrín nel suelu dieron pasu a establecimientos coles meyores condiciones, magar un pocu desnaturalizados en dellos casos. Por cuenta de la forma tradicional d'echar (echar) la sidra n'Asturies, los locales tienen sitios habilitaos pa echar enriba y nun arramar líquidu pel suelu, o más apocayá escanciadores mecánicos. Esisten delles zones de sidreríes nes principales ciudaes asturianes, como Gascona n'Uviéu, Cimadevilla en Xixón y Sabugo n'Avilés, amás de cientos de locales nel restu de contornes d'Asturies.

La tradición vasca demanda que los catadores de sidra interesaos na so compra llevaren comida a la sidrería pa realizar la cata y comer daqué, lo que más palantre se convirtió nun establecimientu onde se tastiaba y comíase. Anguaño esa tradición caltiénse, anque les sidreríes adoptaron un talante comercial más cercanu a un restorán col so propiu menú. El menú nes sidreríes consta d'un primer platu que suel ser tortiella de bacaláu o de bacaláu con pimientos; de segundu platu suel haber chuleta de güe acompañáu d'ensalaes y de postre quesu (de normal Quesu Idiazábal), marmiellu y nueces. Tou esto siempres acompañáu pola sidra. Sicasí, en delles sidreríes en cuenta de cocinase les mesmes chuletes del establecimientu, pueden siguise llevando chuletones por que les faigan a la parrilla nel establecimientu.


Referencies[editar | editar la fonte]

Enllaces esternos[editar | editar la fonte]