Sher 25

De Wikipedia
Saltar a navegación Saltar a la gueta
Ficha d'oxetu celesteSher 25
Datos d'observación
Ascensión reuta (α) 168,78185169871 °[2]
Declinación (δ) −61,25489130426 °[2]
Magnitú aparente (V) 12,27 (banda V)
Constelación Carina[4]
Velocidá de rotación 65 km/s
Parallax 0,0723 mas[2]
Otros nomes
Cambiar los datos en Wikidata

Coordenaes: Sky map 11h 15m 7.644s, -61° 15 17.609

Sher 25 (NGC 3603 25)[5] ye una estrella asitiada a unos 20.000 años lluz de distancia en NGC 3603, rexón HII na constelación de Carina. Foi identificada per vegada primera por D. Sher en 1965.[6] Ye considerada una de les principales candidates pa esplotar como supernova nun futuru próximu.[7]

De magnitú aparente +12,2, Sher 25 ta clasificada como una superxigante azul de tipu espectral B1.5Iab.[5] Con una masa de cerca de 60 mases solares y una lluminosidá equivalente a 300.000 soles, ta arrodiada por una nebulosa d'emisión que contién un aniellu ecuatorial y probablemente unos filamentos bipolares de fluxu molecular, similar en morfoloxía, masa y cinemática a la envoltura visible güei en redol a SN 1987A.[8] La mesma estrella recuerda a Sanduleak -69° 202a, la proxenitora de la supernova SN 1987A, asocedida na Gran Nube de Magallanes.[9]

La semeyanza ente les nebuloses suxure que l'estáu evolutivu de Sher 25 pue ser similar al de la proxenitora de SN 1987A. Sicasí, esisten diferencies ente les nebuloses, implicando hestories evolutives desiguales, que pueden atribuyise a les distintes bayures ente les poblaciones nueves de la Gran Nube de Magallanes y de la Vía Lláctea, según a diferencies ente la masa de dambes estrelles. Sher 25 paez tar nuna fase evolutiva abondo estable mientres les décades pasaes; igualmente, la proxenitora de SN 1987A tampoco destacó como una estrella variable enantes de la so esplosión.[10] En contra de lo que se pensó nun principiu, créese que Sher 25 nun pasó pola fase de superxigante colorada, evolucionando direutamente dende la secuencia principal a superxigante azul. La nebulosa que la arrodia foi probablemente espulsada mientres esta última etapa.[8]

Ver tamién[editar | editar la fonte]

Referencies[editar | editar la fonte]

Coordenaes: Sky map 11h 15m 7.644s, -61° 15 17.609