Serifos

De Wikipedia
Saltar a navegación Saltar a la gueta
Chora

Serifos[1], Serifo o Serifa (en griegu Σέριφος, Sérifos; en llatín Seriphos o Seriphus) ye una pequeña islla griega del mar Exéu, alcontrada nes Cícladas occidentales, al sur de la islla de Citnos y al noroeste de la de Sifnos. Tien una superficie d'unos 70 km² y ta a unos 170 km del Pireo. La islla alcuéntrase poblada dende l'Antigüedá, onde se topaba una ciudá del so mesmu nome. Na actualidá la capital tien tamién el mesmu nome de Serifos.

Mitoloxía[editar | editar la fonte]

Cuando Acrisio foi alvertíu por un oráculu de qu'el so nietu mataríalu, echó a la so fía (Dánae) y al so nietu Perseo al debalu al mar nuna arca de madera. Foi na islla de Sérifos onde atoparon abelugu. Según Pausanias, Perseo yera especialmente veneráu en Sérifos.[2]

Historia[editar | editar la fonte]

La islla foi colonizada polos xonios d'Atenes y foi de les poques islles que refugó sometese a Xerxes I nel 480 a. C[3].

Perteneció a la lliga de Delos cuidao que apaez en llistes de tributos a Atenes ente los años 451/0 y 416/5 a. C.[4]

Foi una islla bien pocu importante y los romanos utilizaronla como llugar de destierru.

La ciudá moderna ta na mariña este, próxima a l'antigua y llegó a tener más de 2.000 habitantes. De la ciudá antigua queden dellos restos.

Los mineros, fuelga de 1916[editar | editar la fonte]

En 1916 los mineros fixeron fuelga y l'estáu griegu a pidimientu del propietariu (la familia alemana Groman) unvió a la guardia nacional. Los soldaos dispararon a los mineros y mataron a cuatro, pero'l restu y les sos muyeres atacáron-yos y mataron a toos y proclamaron la República soviética. Unes selmanes dempués fuercies militares griegues recuperaron el control, pero los mineros llograron meyores condiciones llaborales y la xornada de 8 hores.

Comunidaes locales[editar | editar la fonte]

  • Galani
  • Kallitsos
  • Koutalas
  • Livadi Serifou
  • Mega Chorio
  • Mega Livadi
  • Panagia
  • Serifos
Vista panorámica de Serifos, Leivadhion y Chora

Referencies[editar | editar la fonte]

  1. «Recomendación: nombres de islas griegas» (español). Fundéu BBVA (30 d'avientu de 2015).
  2. Pausanias II,18,1.
  3. Heródoto VIII,46; VIII,48.
  4. Serifos
    GR Serifos.PNG
    Datos
    Autor Mogens Herman Hansen & Thomas Heine Nielsen
    Cambiar los datos en Wikidata