Sistema semipresidencialista

De Wikipedia
(Redirixío dende Semipresidencialismu)
Sistema semipresidencialista
forma de gobiernu
República
Cambiar los datos en Wikidata
Los sistemes semipresidencialistes apaecen en mariellu.

El sistema semipresidencialista, semipresidencialismu, democracia semipresidencialista o república semipresidencial, ye un sistema d'organización política parllamentaria na que'l primer ministru y el presidente son participantes activos de les funciones diaries del gobiernu. Estrémase del sistema parllamentariu en que'l presidente ye elixíu por votu popular y nun ye namái una figura representativa ceremonial. D'otra miente, sepártase del sistema presidencialista yá qu'esiste'l conceutu de primer ministru, con responsabilidaes énte la caña llexislativa del gobiernu.

Los poderes del presidente y del primer ministru xébrense de manera distinta en cada país qu'emplega esta mena d'organización política. Por exemplu, en Francia, el presidente ye responsable de los asuntos estranxeros mientres que'l primer ministru ye'l responsable de los asuntos nacionales. Nesti casu, sicasí, la división de poderes ente'l primer ministru y el presidente nun se menta na constitución, sinón que ye una convención política. , en Finlandia, el sistema políticu del que remanez el sistema francés, la división de poderes ta espresada nidiamente na constitución: "les polítiques estranxeres son encabezes pol presidente en cooperación col gabinete".

Los sistemes semipresidencialistes pueden tener periodos de cohabitación, nos que'l primer ministru y presidente son elixíos de manera separtada y de partíos rivales. Ello permite la creación d'un sistema efectivu de verificación y balance, común al sistema presidencialista. D'otra miente, tamién puede crear una fuerte tensión política ente los dos partíos nel poder.

Dellos estaos con sistemes semipresidencialistes son: Exiptu, Finlandia, Paquistán, Portugal, Rumanía, Rusia y Taiwán ente otros. Austria ya Irlanda, según les sos constituciones, otorguen inclusive más poderes a los presidentes. Sicasí, los presidentes, por tradición, nun los utilicen, y funcionen de facto como sistemes parllamentarios.

Ver tamién[editar | editar la fonte]


Referencies[editar | editar la fonte]

Enllaces esternos[editar | editar la fonte]