Semeyanza léxica

De Wikipedia

En llingüística la semeyanza léxica ye la midida de grau de semeyanza ente series de pallabres pertenecientes a dos llinguaxes distintos. Una semeyanza léxica de 1 (o 100 %) correspondería a un recurrente total ente los vocabularios, ente que 0 significa que nun hai pallabres comunes.

Hai delles maneres de definir la simitud léxica y los resultaos varien consecuentemente. Por casu, el métodu de Ethnologue consiste en comparar un conxuntu estandarizado de llistes de pallabres y a cuntar les formes que presenten una semeyanza al empar na forma y nel significáu. Utilizando un tal métodu, l'inglés foi evaluáu, presentando una semeyanza léxica del 60 % col alemán y del 27 % col francés.

La semeyanza léxica pue ser utilizada pa evaluar el grau de rellación xenética ente dos llinguaxes. De los porcentaxes cimeros al 85 % indiquen davezu que dambos idiomes comparaos son probablemente dialeutos emparentaos. Esti casu darse ente l'castellán y el portugués que la so semeyanza léxica supera'l 89 %[1]

La semeyanza léxica constitúi solo una indicación de la inteligibilidad mutua de los dos llinguaxes, yá que esta postrera depende tamién del grau de semeyanza, fonética, morfolóxica y sintáctica. Por casu, la semeyanza léxica ente'l francés y l'inglés ye considerable nos campos léxicos relativos a la cultura, ente que la so similaridad ye acutada más cuando se trata de pallabres de base (en términos de función). Contra la interinteligibilidad, la semeyanza léxica nun pue ser simétrica.

Llingües indoeuropees[editar | editar la fonte]

Nel siguiente cuadru preséntense dellos valores de semeyanza léxica daes ente algunes llingües, publicaes por Ethnologue.[2]

Lang.code

Llingua 1↓

Coeficientes de semeyanza léxica
- - Catalán Inglés Francés Alemán Italianu Portugués Rumanu Romanche Rusu Sardu Español
cat Catalán 1 - 0.85 - 0.87 0.85 0.73 0.76 - 0.76 0.85
eng Inglés - 1 0.27 0.60 - - - - 0.24 - 0.25
fra Francés 0.85 0.27 1 0.29 0.89 0.75 0.75 0.78 - 0.80 0.75
deu Alemán - 0.60 0.29 1 - - - - - - -
ita Italianu 0.87 - 0.89 - 1 - 0.77 0.78 - 0.85 0.82
por Portugués 0.85 - 0.75 - - 1 0.72 0.74 - - 0.89
ron Rumanu 0.73 - 0.75 - 0.77 0.72 1 0.72 - 0.74 0.71
roh Romanche 0.76 - 0.78 - 0.78 0.74 0.72 1 - 0.74 0.74
rus Rusu - 0.24 - - - - - - 1 - -
srd Sardu 0.76 - 0.80 - 0.85 - 0.74 0.74 - 1 0.76
spa Español 0.85 0.25 0.75 - 0.82 0.89 0.71 0.74 - 0.76 1
- - Catalán Inglés Francés Alemán Italianu Portugués Rumanu Romanche Rusu Sardu Español
Llingua 2 → cat eng fra deu ita por ron roh rus srd spa

Referencies[editar | editar la fonte]