Selmana Santa de Villaviciosa

De Wikipedia
Saltar a navegación Saltar a la gueta
Selmana Santa de Villaviciosa
Ámbitu Relixosu
Ubicación Villaviciosa, Principáu d'Asturies
País España
Fecha Dende'l Domingu de Ramos hasta'l Domingu de Pascua
Participantes Confrería de Jesús Nazarenu
Sitiu web
[editar datos en Wikidata]

La Selmana Santa de Villaviciosa ye una de les principales celebraciones culturales y relixoses y turístiques del conceyu asturianu de Villaviciosa. Tien los sos oríxenes nel sieglu XVII, concretamente nel añu 1668, siendo una de les celebraciones de Selmana Santa mas antigües d'Asturies. Amás, ta considerada una Fiesta d'Interés Turísticu del Principáu d'Asturies.

En 1668, dos flaires dominicos d'Uviéu fundan en Villaviciosa la Confrería del Santu Nome de Jesús Nazarenu para entamar los actos de la Selmana Santa na capital maliayesa. Esta Confrería entama les celebraciones relixoses dende entós y cuenta anguaño con 1800 cofrades.

Trátense d'unos actos bien solemnes y sobries, qu'acueyen a munches persones tantu del conceyu como d'Asturies. Les sos procesiones asocédense ente'l Domingu de Ramos hasta'l Domingu de Pascua. En total hai siete procesiones, siendo les mas importantes les del Miércoles y Vienres Santu, que percuerren el cascu antiguu de Villaviciosa. En 2006 inauguróse na villa'l Muséu de la Selmana Santa, nel que tán espuestes les principales imaxes que percuerren na Selmana Santa de Villaviciosa.

Confrería[editar | editar la fonte]

Logo de la Confrería del Santu Nome de Jesús Nazarenu

En Villaviciosa atópase namás la Confrería del Santu Nome de Jesús Nazarenu. Data de 1668, cuando los flaires dominicos uvieínos Luis de Llano y Sebastián de Romero. En 1696 yá hai constancia de procesiones na villa. Adulces fuéronse añediendo nueves imaxes de cultu que procesionaban les cais maliayeses. Mientres la Guerra Civil, la confrería perdió numberoses imaxes, anque nos años 40 incorporáronse otres nueves.[1]

Actos y procesiones[editar | editar la fonte]

Día Actu/Procesión
Domingo de Ramos Bendición de ramos y procesión
Llunes Santu
Martes Santu Procesión del Silenciu
Miércoles Santu Procesión del Alcuentru
Xueves Santu Procesión del Calvariu
Vienres Santu El Desenclavo y procesión del Santu Alcuentru
Sábadu Santu Procesión de la Soledá
Domingo de Pascua Procesión del Resucitáu con María

Referencies[editar | editar la fonte]

  1. «Historia | Semana Santa de Villaviciosa». semanasantadevillaviciosa.com. Consultáu'l 2022-04-09.