Segundu Deceniu Internacional de los Pueblos Indíxenes del Mundu

Segundu Deceniu Internacional de los Pueblos Indíxenes del Mundu
Periodu de celebración	2005 - 2014
Llugar de celebración	Decenio Internacional
	[editar datos en Wikidata]

L'Asamblea Xeneral de les Naciones Xuníes proclamó'l deceniu 2005 - 2014 Segundu Deceniu Internacional de los Pueblos Indíxenes del Mundu.

Celebración[editar | editar la fonte]

L'Asamblea Xeneral de les Naciones Xuníes na Resolvimientu 59/174 proclamó'l deceniu 2005 - 2014 Segundu Deceniu Internacional de los Pueblos Indíxenes del Mundu.^[1]

El 16 d'avientu de 2005, l'Asamblea Xeneral aprobó'l Programa d'Aición pal Segundu Deceniu Internacional de les Poblaciones Indíxenes del Mundu (documentu A/60/270, secc. II), y el lema “Alianza pa l'aición y la dignidá” (resolución 60/142. L'Asamblea encamentó a la comunidá internacional polo xeneral a apurrir sofitu financieru al Programa d'Aición, ente otres coses per aciu aportaciones al Fondu de Contribuciones Voluntaries pal Segundu Deceniu, y encamentó a tolos gobiernos y organizaciones indíxenes interesaos a qu'adoptaren les midíes necesaries pa facilitar l'aprobación lo más llueu del proyeutu de declaración de les Naciones Xuníes sobre los derechos de los pueblos indíxenes.
L'Asamblea proclamó'l primer Deceniu Internacional de los Pueblos Indíxenes del Mundu'l 21 d'avientu de 1993, con mires a fortalecer la cooperación internacional pa la solución de los problemes a que s'enfrenten los pueblos indíxenes n'esferes como los derechos humanos, el mediu ambiente, el desenvolvimientu, la educación y la salú (resolución 48/163). L'Asamblea proclamó'l Segundu Deceniu Internacional el 20 d'avientu de 2004, cola meta de siguir fortaleciendo la cooperación internacional nestes esferes, incluyíu'l desenvolvimientu económico y social (resolución 59/174). Pidió al Secretariu Xeneral que nomara Coordinador del Segundu Deceniu al Secretariu Xeneral Axuntu d'Asuntos Económicos y Sociales y convidó a los gobiernos a que velaren por que les actividaes y los oxetivos del Segundu Deceniu planiárense y executaren en plena consulta y collaboración colos pueblos indíxenes.

Organización de les Naciones Xuníes