Scorpaena scrofa (tiñosu)

De Wikipedia
Saltar a navegación Saltar a la gueta
Commons-emblem-notice.svg
 

Infobox animalia.png

Tiñosu
(Scorpaena scrofa)
Grosserdrachenkopf-02.jpg
Clasificación científica
Superreinu: Eukaryota
Reinu: Animalia
Subreinu: Eumetazoa
Superfilu: Deuterostomia
Filu: Chordata
Clas: Actinopterygii
Orde: Scorpaeniformes
Familia: Scorpaenidae
Xéneru: Scorpaena
Especie: S. scrofa
Linnaeus, 1758
[editar datos en Wikidata]

El Scorpaena scrofa, comúnmente llamáu tiñosu[1][2], y tamién cabrachu[3][4], ye un pexe de la familia de los escorpénidos de color coloráu y cubiertu d'espines. El so pesu puede llegar hasta casi los 3 kg pero son raros los exemplares de más de 1,5-2 kg. Especie demersal sobre fondos roca, de fango y algues, de 0 a 370 metros (sobretoo de 20 a 100 m). Aliméntase de pexes pequeños, crustáceos y moluscos. La reproducción tien llugar de mayu a agostu.

Alcuéntrase en tol Mediterraneu, sacante nel mar Negru y nel Atlánticu Oriental, dende les Islles britániques hasta Senegal.

Péscase, principalmente, con llinies de mano, tresmallos, palangres de fondu y al arrastre.

Scorpaena Scrofa

N'Asturies (a lo menos na parte de Villaviciosa) nómase tamién como tiñosu a la Scorpaena Porcus, ye perparecia a la Scrofa, cola cabeza más robusta y de menor talla. Algamando a lo más los 30 cms. La so carne ye menos apreciada, sobretoo n'otres partes d'España onde'l Cabracho suel consumise a la plancha ente que el Rascacio solo s'usa pa calderetes y guisaos.

La estadística pesquera d'Asturies[5] da los valores que vienen darréu relativos a les captures y ventes de tiñosu rulaos nel Principáu:

Estadística de la pesca de Tiñosu
Añu Pesu Importe Preciu Mediu
2004 14.674,45 Kg 102.792,64 € 7,00 €/Kg
2005 28.454,08 Kg 215.365,78 € 7,57 €/Kg
2006 28.468,23 Kg 216.658,20 € 7,61 €/Kg
2007 16.655,66 Kg 149.946,36 € 9,00 €/Kg
2008 32.829,35 Kg 222.489,71 € 6,78 €/Kg
2009 20.026,62 Kg 160.610,77 € 8,02 €/Kg
2010 43.851,29 Kg 301.441,25 € 6,87 €/Kg
2011 20.729,95 Kg 162.219,42 € 7,83 €/Kg
2012 23.198,80 Kg 187.688,61 € 8,09 €/Kg



Referencies[editar | editar la fonte]

  1. Esti términu apaez nel Diccionariu de l'Academia de la Llingua Asturiana. Ver: tiñosu
  2. Ramón d'Andrés (2021). Diccionariu de consultes llingüístiques del asturianu (n'asturianu). Uviéu: Ediciones Trabe.
  3. El Diccionario General de la Lengua Asturiana tien una definición pa cabrachu.
  4. Diccionariu Etimolóxicu de la Llingua Asturiana, Xosé Lluis García Arias, Academia de la Llingua Asturiana & Universidá d'Uviéu, Uviéu, 2018, tomu II, ISBN 978-84-8168-557-2.
  5. Estadística de la Direición Xeneral de Pesca Marítima del Principáu d'Asturies