Scomberesox saurus
Scomberesox saurus alpabarda  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Actinopterygii | |
| Orde: | Beloniformes | |
| Familia: | Scomberesocidae | |
| Xéneru: | Scomberesox | |
| Especie: |
S. saurus (Walbaum, 1792) | |
| Subespecies | ||
| Sinonimia | ||
Scomberesox forsteri Valenciennes, 1846 | ||
| Consultes | ||
| [editar datos en Wikidata] | ||
L'alpabarda[1], aguya[2], pabarda[3] o potacarra[4] (Scomberesox saurus) ye una especie de pexe beloniforme de la familia Scomberesocidae.[5]
Descripción[editar | editar la fonte]
Tien el cuerpu allargáu, colos quexales llargos y finos y dientes pequeños.[6] Tantu l'aleta dorsal como l'anal atópense asitiaes na parte posterior del cuerpu, y detrás presenta espines pequeñes.[7] L'aleta caudal tien forma aforquetada, con llóbulos de tamañu desigual.[7] La coloración dorsal ye olivácea o azulada, cola zona ventral con rellumu plateáu o doráu.[6] El llargor máximu rexistráu ye de 50 cm nos machos adultos.[8]
Nome común[editar | editar la fonte]
Esta especie ye conocida nel dominiu llingüísticu asturlleonés colos siguientes nomes comunes: alpabarda[1], aguya[2], pabarda[3] y potacarra[4].
Distribución[editar | editar la fonte]
Ye un pexe marín propiu del océanu Árticu y l'Atlánticu Norte, atopándose nes mariñes d'Islandia, Noruega, Dinamarca, Islles Britániques, nel mar Bálticu y el Mediterraneu, y Marruecos, según nel golfu de San Llorienzo, Canadá hasta Carolina del Norte ya islles Bermudes.[8]
Comportamientu[editar | editar la fonte]
Ye un pexe gregariu y peláxico que s'atopa davezu cerca de la superficie de l'agua.[6] Cuando s'atopa en peligru y ye escorríu por otros pexes da reblincones fuera de l'agua.[8]
L'esgüeve tien llugar n'alta mar a principios del branu.[6] Los güevos son peláxicos, miden unos 2 mm. y tienen ríxidos y finos filamentos.[7]
La so alimentación faila a base de güevos de pexes, pexes pequeños y zooplancton.[8]
Subespecies[editar | editar la fonte]
Reconócense les siguientes subespecies:[5]
- Scomberesox saurus saurus (Walbaum, 1792)
- Scomberesox saurus scombroides Richardson, 1843
Referencies[editar | editar la fonte]
- ↑ 1,0 1,1 «Diccionariu de la Llingua Asturiana» (asturianu) (15 avientu 2000). Consultáu'l 24 xunetu 2023.
- ↑ 2,0 2,1 «Diccionariu de la Llingua Asturiana» (asturianu) (15 avientu 2000). Consultáu'l 24 xunetu 2023.
- ↑ 3,0 3,1 «Diccionariu de la Llingua Asturiana» (asturianu) (15 avientu 2000). Consultáu'l 24 xunetu 2023.
- ↑ 4,0 4,1 «Diccionariu de la Llingua Asturiana» (asturianu) (15 avientu 2000). Consultáu'l 24 xunetu 2023.
- ↑ 5,0 5,1 Sistema Integráu d'Información Taxonómica. «Scomberesox saurus (TSN 165612)» (inglés).
- ↑ 6,0 6,1 6,2 6,3 Terofal, F. y Militz, C. (2005).
- ↑ 7,0 7,1 7,2 Corbera, J., Sabatés, A. y Garcia-Rubies, A. (1996).
- ↑ 8,0 8,1 8,2 8,3 FishBase (2010). «Scomberesox saurus saurus (Walbaum, 1792)». Consultáu'l 12 de setiembre de 2011.
Enllaces esternos[editar | editar la fonte]
Wikimedia Commons acueye conteníu multimedia sobre Scomberesox saurus 
.
 |
Wikispecies tien un artículu sobre Scomberesox saurus. |
| Control d'autoridaes |
|
|---|
Datos: Q1886478- Multimedia: Scomberesox saurus
Especies: Scomberesox saurus