Satyrium ilicis

De Wikipedia
Saltar a: navegación, buscar
Commons-emblem-notice.svg
 
Satyrium ilicis
Lycaenidae - Satyrium ilicis.JPG
Satyrum ilicis sobre una flor de zarzamora.
Clasificación científica
Reinu: Animalia
Filu: Arthropoda
Subfilu: Hexapoda
Clas: Insecta
Orde: Lepidoptera
Suborde: Glossata
Infraorde: Heteroneura
(ensin clasif.): Ditrysia
Superfamilia: Papilionoideas
Familia: Lycaenidae
Subfamilia: Theclinae
Tribu: Eumaeini
Xéneru: Satyrium
Especie: S. ilicis
Esper, 1779
[editar datos en Wikidata]

La Satyrium ilicis ye una pequeña caparina marrón de la familia Lycaenidae que vive nes carbayeres y encinales del occidente euroasiáticu. Foi descrita por Eugenius Johann Christoph Esper en 1779 como Papilio ilicis.[1][2][3]

Descripción[editar | editar la fonte]

Son pequenes, de casi 3 a 3,5 cm de valumbu, nales anteriores ente 14 y 16 mm, más grandes les femes que los machos. L'anversu de les nales de los machos presenten un color marrón escuru, con una pequena llurdia androconial escura casi inapreciable nes nales anteriores y nes posteriores un llurdiu naranxa nel vértiz añal y un apéndiz caudal blancuciu en V2. Les anteriores de les femes suel tener un gran llurdiu postdiscal naranxa o ocre. L'aviesu en dambos sexos ye tamién de color marrón, anque más claru, con una llinia discontinua bicolor —blancu y marrón— na zona postdiscal de les nales anteriores. Nes posteriores, amás d'esa mesma llinia na zona postdiscal, tien cinco lúnules anaranxaes submarxinales bordiaes de negru.

Como'l restu d'especies de la so familia les gates son daqué esplanaes, con finos pelos, cabeza retráctil y aspeutu de llimiagu.

Les imagos presenten nes sos cabeces palpos llargos y blancos, güeyos grandes y escuros y antenes anillaes en blancu. Dambos sexos tienen trés pares de pates funcionales pa caminar o garrase, con nales fuertes y bien proporcionaes que-yos dexen volar rápido, posándose en bebezones o llamargues nos calorosos díes de branu.

Ciclu biolóxicu[editar | editar la fonte]

Ye una especie univoltina, superando la diapausa n'estáu de güevu. Les canesbes eclosionen de primeres de la primavera y empiecen a alimentase de les fueyes de encina o carbayu, dende la nervadura central escontra la periferia. Tamién pueden alimentase d'espín cerval o de zrezal de recímanos. Ye mirmecófila cola especie Camponotus aethiops. A finales de la primavera tresformase en pupa. Los imagos vuelen de primeres del branu, nos meses de xunu y xunetu, cuando se reproducen y depositen los güevos.

Distribución y hábitat[editar | editar la fonte]

Pueden se rvistes en poblaciones esvalixaes pero abondosos en encinales, carbayeres y monte baxu, según n'araxales secos cubiertos de maleza y en fasteres pindies ente carbayeres, dende baxa altitú hasta los 1500 m.

Tien una distribución eurasiática occidental. Ocupa toa Europa, dende los países bálticos y sur de Suecia hasta la península ibérica, Asia Menor y El Líbanu; faltando de les islles, tantu mediterránees como atlántiques; na península ibérica ye más abondosa nos encinales y carbayeres de los Pirineos y cornisa Cantábrica, norte del Sistema Ibéricu, norte y suroeste de Portugal y norte del Sistema Penibéticu, anque pue ser atopada tamién en zones entemedies.

Sinonimia[editar | editar la fonte]

  • Papilio ilicis Esper, 1779;
  • Papilio lynceus Fabricius, 1787
  • Thecla caudatula Zeller, 1847
  • Thecla bischoffii Gerhard, 1850
  • Thecla bischoffii cilicica (Holtz, 1897)
  • Thecla syra Pfeiffer, 1932
  • Thecla syra pinoptas (Zerny, 1932)

Referencies[editar | editar la fonte]

  1. (n'ingles) [1] Saturium ilicis
  2. (en castellán) [2] Satyrium ilicis
  3. (n'ingles) [3] Styrium ilicis Lepidoptera and their ecology

Enllaces esternos[editar | editar la fonte]