Sarpa salpa (Saboga)

Saboga
Estáu de caltenimientu
	; Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Actinopterygii
Orde:	Perciformes
Familia:	Sparidae
Xéneru:	Sarpa; Smith, 1938
Especie:	S. salpa; Linneo, 1758
Consultes
	[editar datos en Wikidata]

La saboga (Sarpa salpa) ye una especie de pexe perciforme de la familia Sparidae.

Carauterístiques[editar | editar la fonte]

Cuerpu oval-oblongu, estruyíu. Cabeza pequeña y focicu chatu. Boca pequeña, terminal, con llabios gordos. Aletes dorsal y anal pocu elevaes y con radios espiniformes delgaos. Caudal aforquetada. El color ye gris azulao con 10 o 11 típiques rayes llonxitudinales doraes con reflexos naranxes. La cabeza ye más escura y el banduyu más claru. Na base de les aletes pectorales hai una mancha pequeña negra. Les aletes son abuxaes. Puede algamar 50 cm de llargu.

Vezos[editar | editar la fonte]

Vive en bálamos nos que los sos miembros se caltienen bien arrexuntaos y muévense de forma coordinada.

La especie ye hermafrodita proterándrica y reproduzse en primavera y seronda. Los individuos nuevos son sobremanera carnívoros, pero los adultos son de los pocos pexes herbívoros, y aliméntense casi puramente d'algues (por casu, Ulva lactuca y algues pardes como Lavrencia pinnatifida, anguaño empezaron a comer la "Caulerpa", alga invasora del Mediterraneu), que «pacen» nes roques o sobre les fueyes de posidonias. Vive ente 2 y 100 m, raru a los 200 m de fondura.

Pesca[editar | editar la fonte]

D'interés baxo. A nun pol tamañu que pueden algamar y que n'agües abiertes pueden resultar fuínes.

En Marruecos péscase a caña o con tresmallos pegaos a la mariña. Illegalmente síguese emplegando la pesca a la dinamita, con graves impautos nel ecosistema

A la menor señal de peligru, el bálamu enteru de sabogues va echar a nalar rápido y ensin pensalo. van facer como si d'un únicu individuu se tratara, toos al unísonu y p'haza una mesma direición.

Nestos casos, na pesca con arpón, el mayor error ye'l de tirar a bultu, yá que casi con total seguridá vamos fallar nel nuesu intentu.

Lo más fayadizo ye intentar escoyer un exemplar, el que más cerca s'atope y vamos centrar nél el nuesu tiru.

Si somos quien a mancar a unu, ésti va reaccionar enérxicamente. Pue que trate d'enroscase, y nesi casu la so recuperación va ser fácil por demás, porque, ensin los sos compañeros, una saboga alcuéntrase totalmente desamparada y el mieu termina por inmovilizala.

Calidá de la so carne[editar | editar la fonte]

Va dende una calidá regular hasta malo, por cuenta de la so alimentación herbívoro que-y da un estrañu sabor a la carne. Sicasí, si se cora'l pexe de recién pescáu, pierde esi sabor tan desagradable.

Comercialmente alcuéntrase como besugu americanu y dacuando preséntenlu cola falsa denominación de dorada, besugu o otros. Nun ye afayadizu pal fornu porque s'abre por demás.

El consumu de la so carne puede producir allucinaciones pos esti pexe puede alimentase d'algues tóxiques que los sos alcaloides pueden pasar a la so carne.^[2]

Referencies[editar | editar la fonte]

↑ Russell, B., Pollard, D., Mann, B.Q., Buxton, C.D. y Carpenter, K.E. (2014). «Sarpa salpa. The IUCN Red List of Threatened Species.» (inglés). Llista Roxa d'especies amenazaes de la UICN 2015.2.. Consultáu'l 8 de setiembre de 2015.
↑ Fish that triggers hallucinations found off British coast.

Enllaces esternos[editar | editar la fonte]

[1] Russell, B., Pollard, D., Mann, B.Q., Buxton, C.D. y Carpenter, K.E. (2014). «Sarpa salpa. The IUCN Red List of Threatened Species.» (inglés). Llista Roxa d'especies amenazaes de la UICN 2015.2.. Consultáu'l 8 de setiembre de 2015.

[dt-2] Fish that triggers hallucinations found off British coast.

[1]

[2]