Sara Llana

De Wikipedia
Sara Llana
Vida
Nacimientu Lleón, 21 d'agostu de 1997 (26 años)
Nacionalidá España
Estudios
Llingües falaes castellanu
Oficiu
Oficiu ximnasta rítmica
Cambiar los datos en Wikidata

Sara Llana García (21 d'agostu de 1997, Lleón) ye una ximnasta rítmica española qu'anguaño compite na selección nacional en modalidá individual. Participó en 4 Mundiales (Esmirna 2014, Stuttgart 2015, Pésaro 2017 y Sofía 2018), y dos Europeos (Nizhni Nóvgorod 2012 como júnior y Budapest 2017 como sénior), siempres como individual del equipu español al pie de ximnastes como Carolina Rodríguez, Natalia García, Polina Berezina, Andrea Pozu o Mónica Alonso.

Llogró delles medayes internacionales y consiguió ser 4 vegaes campeona d'España n'individual y 5 vegaes nel conxuntu del Club Ritmu.

Biografía deportiva[editar | editar la fonte]

Entamos[editar | editar la fonte]

Sara empezó a practicar esti deporte con 6 años nel colexu. A los 10 años entró nel Club Ritmu, en 2008 formando parte del conxuntu y en 2009 como individual. Dende 2012 viaxa alredor del mundu baxu la tutela de la so entrenadora Ruth Fernández y de la so compañera la ximnasta olímpica Carolina Rodríguez. Anque Llana empezó entrenando poques hores, anguaño dedíca-y cuatro hores y media los díes que tien colexu y los díes que nun va a clas entrena siete o ocho hores.[1]

Etapa na selección nacional[editar | editar la fonte]

2012[editar | editar la fonte]

CAR de Llión, llugar onde entrena Sara col Club Ritmu.

En xunu de 2012, con 14 años, participó nel Européu de Nizhni Nóvgorod como júnior, realizando l'exerciciu de maces. Amás, primeramente disputó'l tornéu internacional de Benidorm, onde foi subcampeona por equipos, amás de medaya de plata en maces y medaya de bronce na categoría de pelota.

2013[editar | editar la fonte]

Para 2013 participó nel tornéu internacional Memorial Ángel Córdoba, onde consiguió llevase la medaya de plata en maces y aru, y foi subcampeona na categoría júnior. Tamién llogró llevase colgada la medaya de bronce en pelota. Amás, esi añu compitió nel tornéu internacional Gymnasiade de Brasilia, nel que quedó 4ª clasificada na categoría júnior, según nos distintos aparatos: aru, pelota y cinta.

2014[editar | editar la fonte]

En 2014 disputó'l Mundial de Esmirna al pie de Carolina Rodríguez, participando n'aru y pelota.[2] Amás, esi añu apostó estos torneos:

  • Grand Prix de Jolón: nesti tornéu, Llana solamente llogró consiguir una 8ª posición na categoría júnior.
  • Tornéu internacional de Lisboa: Llana consiguió la 1ᵉʳ posición n'aru, maces y pelota y una 3ᵉʳ posición en cinta, lo que lu llevó a llograr la 1ª plaza na clasificación xeneral.
  • Tornéu internacional de Masters d'Ámsterdam: Sara llogró la medaya de plata en maza, y la de bronce en cinta, siendo amás 4ª cuarta n'aru, lo que la llevó a quedar 4ª na clasificación xeneral.

En payares de 2014 participó nel Euskalgym de Vitoria.

2015[editar | editar la fonte]

En 2015, en siendo bronce nel Campeonatu d'España tres Natalia García y la so compañera nel Club Ritmu, Carolina Rodríguez, participó al pie de otros trés ximnastes españoles nel so segundu Mundial, el de Stuttgart. Nesti campeonatu realizó namái l'exerciciu de maces. Nesi momentu taba recuperándose d'una mancadura na manzorga que condicionó parte de la so preparación pa la temporada.[3][4] Participó amás na Copa del Mundu de Budapest (Hungría), onde foi 26ª. Amás, disputó estos torneos:

  • Grand Prix de Jolón: quedó 4ª clasificada en pelota, cinta, aru y maces, lo que-y dio la 5ª posición na xeneral.
  • Tornéu internacional Oliveira Do Bairro: Llana llogró la medaya d'oru en cinta, pelota y maces, y consiguió la 1ᵉʳ posición xeneral.
  • Tornéu internacional de Esmirna: Sara, llogró una única medaya nesti tornéu, la de plata en maces. Foi 4ª n'aru, cinta, y na clasificación xeneral.
  • Tornéu internacional Lucky Ladies (Las Vegas): la llionesa llogró la 3º plaza col so exerciciu de cinta, según el 4ᵘ puestu na xeneral y el restu d'aparatos: maces, pelota y aru.
  • Tornéu internacional Asker (Noruega): llogró les medayes de plata na xeneral y nos 4 aparatos: maces, aru, cinta y pelota.

En payares de 2015 volvió participar nel Euskalgym de Vitoria.

2016[editar | editar la fonte]

Para 2016 participó nel tornéu internacional MTM Liubliana, onde consiguió la 7ª posición na final d'aru, la 8ª en pelota y la 6ª en maces, según el 7ᵘ puestu na clasificación xeneral. Igualmente nel Grand Prix de Moscú foi 22ª, mesmu puestu que llogró na Copa del Mundu de Lisboa. N'ochobre de 2016 actuó nel Euskalgym de Vitoria.

2017[editar | editar la fonte]

Sara en el Campeonato de España Individual] en Guadalajara] (2018).

En mayu de 2017 apostó'l so primer Européu como sénior, el de Budapest, llogrando la 12ª plaza por equipos al pie de Natalia García y Polina Berezina. Pa xunu foi subcampeona d'España en categoría d'honor nel Campeonatu d'España Individual celebráu en Valencia, siendo superada por Polina Berezina. N'agostu disputó al pie de la so compañera de la selección Polina Berezina el so tercer Mundial, el de Pésaro, onde foi 40ª na xeneral tres algamar una nota de 53,650 ente los cuatro exercicios. Nesta competición compitió con una quebra nel pie esquierdu y una dermatitis.[5] En payares de 2017 participó nel Euskalgym de Vitoria.

2018[editar | editar la fonte]

Para marzu de 2018 ocupó'l 45ᵘ puestu na xeneral de la Copa del Mundu de Sofía. En mayu participó na Copa del Mundu de Guadalaxara, siendo 22ª na xeneral individual. Para xunu, en Guadalaxara, foi subcampeona d'España na categoría d'honor en Guadalaxara per segundu añu consecutivu, siendo superada nuevamente por Polina Berezina, amás de ser oru en maces, aru y pelota, y plata en cinta. Nos Xuegos Mediterráneos de Tarragona llogró'l 7ᵘ puestu. A mediaos de setiembre disputó'l Mundial de Sofía. Nel mesmu llogró la 17ª posición por equipos al pie de Polina Berezina, María Añó y Noa Ros, y la 62ª na xeneral individual. El 1 d'avientu proclamóse, al pie de les sos compañeres del Club Ritmu, campeona na Fase Final de la 1ᵉʳ División de la Lliga de Clubes Iberdrola, que se celebró en Cartaxena.[6]

2019

Mientres los días 16 y 17 de marzuo de 2019, celebróse nel [./https://es.wikipedia.org/wiki/Pabell%C3%B3n_Siglo_XXI Pabellón Siglo XXI] de [./https://es.wikipedia.org/wiki/Zaragoza Zaragoza] la 1ª Fase de la Liga de Clubes [./https://es.wikipedia.org/wiki/Iberdrola Iberdrola] de [./https://es.wikipedia.org/wiki/Gimnasia_r%C3%ADtmica gimnasia rítmica]. L'equipo del [./https://es.wikipedia.org/wiki/Club_Ritmo Club Ritmo] tuvo formao por Carla Vilasánchez (cuerda), Paula Serrano (manes llibres y aru), Sol Andrea (cinta), y Sara Llana (pelota y maces). Llana contribuyó a que'l Ritmo finalizase la competición logrando l'oru por equipos en 1ᵉʳ División.[7][8]

Música de los exercicios[editar | editar la fonte]

Añu Aparatos Música
2010 - 2012 (Individual infantil y júnior) Aru «Fandangu for Elise», una adautación de Para Elisa de Ludwig van Beethoven por Gustavo Montesano y la Royal Philharmonic Orchestra.
2013 - 2014 Cinta «Because You Loved Me» de Céline Dion.
2013 - 2015 Aru «1917» de Mecano.
2013 - 2016 Pelota «The Journey» de Greg Maroney.
2014 - 2015 Maces Versión de «Gabriel's Oboe» per Yo-Yo Ma, tema orixinal de la banda sonora de La misión, compuesta por Ennio Morricone.
2015 Exerciciu d'exhibición (Maces) «Chandelier» de Sia.
2015 - 2017 Cinta «Song for Sara» de Greg Baker.
2015 - 2018 Aru «La prima lluz (In the Morning Light)» de Yanni.
2016 - 2017 Maces «Brave Heart» de Jean-Philippe Rio-Py.
2017 - 2018 Pelota «Image Without Reflection» de The Funk on Me.
2018 Maces «Skeletons» de Drehz, y «Axios», «Warthog» y «K.I.A.», de la banda sonora de Halo 4: Forward Unto Dawn, compuesta por Nathan Lanier.
2018 Cinta «The First Was a Death Woman» de Edo Notarloberti.[9]

Premios, reconocencies y distinciones[editar | editar la fonte]

  • Placa na categoría de Ximnasia Rítmica na VIII Gala de Ximnasia de Castiella y Llión (2015)[10]
  • Mención Especial na categoría de Ximnasia Rítmica na IX Gala de Ximnasia de Castiella y Llión (2016)[11]
  • Miss Espresión nel tornéu internacional Summer Stars de Sangalhos (2016)[12]
  • Premiu na categoría de Ximnasia Rítmica na X Gala de Ximnasia de Castiella y Llión (2016)
  • Premiu na categoría de Ximnasia Internacional na X Gala de Ximnasia de Castiella y Llión (2016)[13]
  • Meyor Ximnasta na XI Gala de Ximnasia de Castiella y Llión (2017)
  • Trofeu Iberdrola nel XLIV Campeonatu d'España Individual en Guadalaxara (2018)

Filmografía[editar | editar la fonte]

Programes de televisión[editar | editar la fonte]

Programes de televisión
Añu Títulu Cadena Notes
2016 Reiniciando #0 Apaición en reportaxe «Deporte d'élite»[14]
2018 MasterChef Celebrity La 1 de TVE Comensal[15]

Publicidá[editar | editar la fonte]

  • Spot de la piquera «Sensación» de Dvillena, entós patrocinaor de la RFEG (2014).[16]
  • Spot de Navidá para Dvillena, entós patrocinaor de la RFEG (2015).[17]

Referencies[editar | editar la fonte]

  1. ↑ marca.com (ed.): «Sara Llana: "Cuando me dijeron que iba al Mundial, me emocioné"» (castellanu) (19 de setiembre de 2014). Consultáu'l 10 de marzu de 2017.
  2. ↑ (en castellanu) Carolina y Sara, sello leonés en la élite mundial. http://www.diariodeleon.es/noticias/deportes/carolina-sara-sello-leones-elite-mundial_921188.html. Consultáu'l 24 de febreru de 2017. 
  3. ↑ marca.com (ed.): «Stuttgart reparte los primeros billetes de la rítmica para Río» (castellanu) (3 de setiembre de 2015). Consultáu'l 24 de febreru de 2017.
  4. ↑ Sara Llana busca en mundial de Stuttgart "experiencia" para grandes citas. http://www.mundodeportivo.com/otros-deportes/20150903/201520245319/sara-llana-busca-en-mundial-de-stuttgart-experiencia-para-grandes-citas.html. Consultáu'l 24 de febreru de 2017. 
  5. ↑ leonoticias.com (ed.): «Sara Llana compitió con una fractura y dermatitis, según su entrenadora» (1 de setiembre de 2017). Consultáu'l 1 de setiembre de 2017.
  6. ↑ rfegimnasia.es (ed.): «El Club Ritmo, campeón de la final de la Liga Iberdrola 2018» (castellanu) (2 d'avientu de 2018). Consultáu'l 2 d'avientu de 2018.
  7. ↑ mundodeportivo.com (ed.): «El Club Ritmo León inicia la reconquista del título con un primer puesto» (17 de marzu de 2019). Consultáu'l 18 de marzu de 2019.
  8. ↑ practicodeporte.com (ed.): «Club Ritmo, campeón en la primera fase de la Liga Iberdrola» (17 de marzu de 2019). Consultáu'l 18 de marzu de 2019.
  9. ↑ rgforum.no (ed.): «Música usada por Sara Llana en los ejercicios de gimnasia rítmica» (inglés). Consultáu'l 31 de mayu de 2018.
  10. ↑ tribunaavila.com (ed.): «La VIII Gala de Gimnasia Rítmica de Castilla y León renocone el trabajo de 141 deportistas, y la labor de numerosos colaboradores» (11 de xineru de 2015). Consultáu'l 16 de mayu de 2017.
  11. ↑ bierzotv.com (ed.): «Pepa Rodríguez homenajeada en la IX Gala de Gimnasia de Castilla y León» (9 de xineru de 2016). Consultáu'l 16 de mayu de 2017.
  12. ↑ (en castellanu) El Ritmo triunfa en Portugal. 11 de xunetu de 2016. http://www.leonoticias.com/deportes/mas-deportes/201607/11/ritmo-triunfa-portugal-20160711145158.html. Consultáu'l 2 de marzu de 2017. 
  13. ↑ desdesoria.es (ed.): «La X Gala de Gimnasia de Castilla y León premia en la Audiencia a 125 deportistas, 40 de ellos sorianos» (19 d'avientu de 2016). Consultáu'l 18 d'avientu de 2017.
  14. ↑ youtube.com (ed.): «Reiniciando - Deporte de Élite (Programa Completo)» (16 de xunu de 2016). Consultáu'l 14 de febreru de 2018.
  15. ↑ rtve.es (ed.): «MasterChef Celebrity 3 - Programa 5» (7 d'ochobre de 2018). Consultáu'l 8 d'ochobre de 2018.
  16. ↑ youtube.com (ed.): «Spot de la puntera «Sensación» de Dvillena» (29 d'ochobre de 2014). Consultáu'l 3 d'avientu de 2017.
  17. ↑ youtube.com (ed.): «Spot de Navidad para Dvillena» (21 d'avientu de 2015). Consultáu'l 3 d'avientu de 2017.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Sara_Llana&oldid=4143262»