Santiao d'Ambiedes

De Wikipedia
Saltar a navegación Saltar a la gueta

Santiao d'Ambiedes (Ambiedes en castellanu) ye una parroquia del conceyu asturianu de Gozón. Ocupa, colos sos 13,42 km² de terrenu llanu, la fastera suroccidental del conceyu. Comprende seis nucleos de población: El Valle (nel que s'asitia la ilesia parroquial, d'estilu historicista), Barreo, Iboya, Perdones, La Piñera y Vardasquera. Nellos viven (INE, 2008) 670 persones.

Dientro del so territoriu s'alcuentra l'embalse de La Granda. Con una superficie de cuenca de 1,25 km², foi construyíu en 1956 pa dar serviciu a la fábrica d'ENSIDESA (güei Arcelor Mittal) que hai a la vera d'él. Nuna de les sos orielles s'atopa La Residencia La Granda, que ye la sé de los cursos qu'organiza, tolos veranos, la Escuela Asturiana de Estudios Hispánicos.

Flag of Asturias (indoor).svg Parroquies de Gozón Gozon flag.svg
Bañugues | Bocines | Cardo | Eres | Llaviana | Lluanco | Mazaneda | Samartín de Podes | Santiao d'Ambiedes | Santolaya | Verdicio | Viodo | Vioño



Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.