Santantolín (parroquia)
 | Esti artículu tien ensin revisar la toponimia. Iguándola aidarás a meyorar la Wikipedia. |
 Santantolín | |
|---|---|
.jpg) | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Ibias |
| Tipu d'entidá | parroquia d'Asturies |
| Xeografía | |
| Coordenaes | 43°02′19″N 6°52′12″W / 43.0385°N 6.86994°O |
  Santantolín Santantolín (Asturies) | |
| Superficie | 24.99 km² |
| Altitú | 263 m[1] |
| Llenda con | Marentes, Seroiro, Cecos y Sena |
| Demografía | |
| Población | 283 hab. (2024) |
| Porcentaxe | 25.77% de Ibias |
| Densidá | 11,32 hab/km² |
| Más información | |
| Estaya horaria | UTC+01:00 |
 | |
Santantolín ye una villa y una parroquia del conceyu d'Ibias, onde s'asitia la capital del mesmu, nel suroccidente d'Asturies. Foi nomada Pueblu Exemplar en 1999 polos príncipes d'Asturies. Ta allugada ente les reserves naturales de Los Ancares y Munieḷḷos, a 149 quilómetros d'Uviéu, y tien una estensión de 24,99 km²[2] y una población de 283 habitantes (2024)[3].
La villa de Santantolín ye la capital del conceyu d'Ibias, y tien 190 vecinos. Les sos víes de comunicación correspuéndense coles d'un territoriu de montaña al tar Ibias arrodiáu de cumes penriba de los 1.000 metros. Les carreteres principales son: AS-210, AS-211, AS-212 y AS-29. La capital de la Comunidá, Uviéu, ta a unos 150 km., unes dos hores y cuartu de trayeutu en coche.
El topónimu Santantolín recuerda el cultu local a SANCTUM ANTONINUM, qu'emparenta con otros exemplos asturianos como Sanantolín en Llanes. Al mesmu tiempu dase l'étimu Santo Antolín, pero que se refier aparentemente al patronu y en consecuencia a la fiesta llocal nel so honor, una y bones en Santantolín cellébrense les fiestes de Santo Antolín.
Ún de los monumentos de rellumu de la villa ye la ilesia parroquial de Santantolín d'Ibias, d'una sola nave con bóveda de cañón, ábside semicircular abovedáu y techume de madera. La nave ta separtada del presbiteriu por un arcu de mediu puntu pergrande. L’ábside divídese en dos zones separtaes por llinies d'impostes. Nel esterior destaca'l pórticu, con unes columnes delgaes qu'arranquen dende una pequeña muria. Tanto l'edificiu como'l muru esterior tán techaos de pizarra. La fachada principal tien forma d'espadaña de tres pisos, nel primeru ta la puerta y nel terceru'l campanariu. Entamose a facer nel sieglu XI anque hasta llegar al edificiu d'anguaño foron necesaries delles reformes y amiestos qu'entamaron nel sieglu XIII y finaron al rodiu del XIX. En cuantes a la decoración interior, ye de sorrayar la conservación de los frescos orxinales llaterales y el principal tapáu pol retablu del altar.
La sienda l'oru
[editar | editar la fonte]Una de les principales rutes de monte del conceyu ye la sienda l'oru, que pretende amosar la güelga dexada polos romanos pa la estracción del oru. L'entamu ta en Santantolín y pasa pelos pueblos de Cecos y Vilamayor. Ta sita a la vera de les escavaciones de la dómina romana camuflaes ente la trupa vexetación. Una parte de la ruta ye per onde baxaba l'agua emplegada pal procesu d'esplotación del mineral. Siguiendo'l cursu del ríu llégase a la propiedá privada conocida como Caseríu de la Pena'l Corvo que ye un conxuntu de vivienda, cuadra, horru (construyíu en 1814), molín d'agua y capiella.
Xeografía
[editar | editar la fonte]Llocalidaes
[editar | editar la fonte]| Nᵘ | Nome
|
Población | % población Santantolín (parroquia) |
|---|---|---|---|
| 1 | Caldevila
|
7 | 2,472,47%
|
| 2 | Cuantas
|
20 | 7,077,07% |
| 3 | Ferreira
|
16 | 5,655,65% |
| 4 | Folgoso
|
20 | 7,077,07% |
| 5 | Liares
|
8 | 2,832,83% |
| 6 | Montillo
|
5 | 1,771,77% |
| 7 | Peneda
|
4 | 1,411,41% |
| 8 | Piñeira
|
13 | 4,594,59% |
| 9 | Santantolín
|
190 | 67,1467,14% |
Referencies
[editar | editar la fonte]- ↑ Afirmao en: Q107986385. Editorial: Institutu Xeográficu Nacional d'España.
- ↑ Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.
- ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
Enllaces esternos
[editar | editar la fonte]
Wikimedia Commons acueye conteníu multimedia sobre Santantolín.
.svg){kind=small} |
Parroquies d'Ibias | |
|---|---|---|
| Cecos | Os Coutos | A Estierna | Marentes | Piliceira | San Cremente | Santantolín | Sena | Seroiro | Taladriz | Tormaleo | ||
Datos: Q2219222- Multimedia: San Antolín de Ibias