Santa María de Castañéu

De Wikipedia
Saltar a navegación Saltar a la gueta
Santa María de Castañéu
Cambiar los datos en Wikidata

Santa María de Castañéu ye'l templu o ilesia de la Parroquia de Castañéu de Miranda nel Conceyu de Balmonte d'Asturies. Preside el so altar mayor una imaxen de la Virxe del Rosariu sedente. L'edificiu compónse de dos cuerpos diferenciaos volumétricamente. El primer cuerpo, o principal, sitúase nel extremu norte del conxuntu edificau. Ye la parte construída más antigua y a la vez de meyor traza, conservándose volumétricamente intacta. Compónse d'un cuerpo de forma llixeramente rectangular, casi cuadrau, cubiertu per una bóveda de cañón fecha'n sillares de piedra, que a la so vez descansa sobre unes muries perimetrales de mampostería. Estes muries remátense nos sos requexos con sillares de piedra. Hay una imposta corría de sillares que sirve de transición ente les muries y la bóveda. Esti cuerpu principal ábrese al sur a traviés d'un arcu de mediu puntu executáu con doveles de sillares de piedra caliar. Pe la so forma y tipoloxía constructives que obsérvense, puede aventurase que la construcción data del sieglu XVII e inicialmente non tendría cuerpos añadíos, polo que seguramente encontremosnos ante una ermita de carauter votivo. Adosau a esti cuerpo principal y por prolongación de les sos muries llaterales alcuéntrase un anexu cuya envolvente coincide per extensión col orixinal. Esti cuerpo alberga la sacristía de la ilesia actual y probablemente non existiera nun principiu, a tenor de la existencia d'un pequeñu furacu a mou de ventana qu'alcuéntrase nel testeru norte del cuerpo que denominaramos principal y que inicialmente dexaría entrar lluz del exterior.

Referencies[editar | editar la fonte]

Enllaces esternos[editar | editar la fonte]