Santa María d'Oubona

De Wikipedia
Saltar a navegación Saltar a la gueta
Santa María d'Oubona
Bien d'Interés Cultural
Iglesia monasterio obona.JPG
Llocalización
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuTinéu
Coordenaes 43°20′31″N 6°28′47″O / 43.3419°N 6.4797°O / 43.3419; -6.4797Coordenaes: 43°20′31″N 6°28′47″O / 43.3419°N 6.4797°O / 43.3419; -6.4797
Santa María d'Oubona is located in Asturies
Santa María d'Oubona
Santa María d'Oubona
Santa María d'Oubona (Asturies)
Arquiteutura
Estilu arquiteutura románica
Patrimoniu
BIC RI-51-0004645
Cambiar los datos en Wikidata

El monasteriu de Santa María la Real d'Oubona, ye un templu benedictín allugáu nel pueblu d'Oubona, nel conceyu de Tinéu, n'Asturies. Foi declaráu Monumentu Nacional nel añu 1982.

Monasteriu de Santa María d'Oubona

L'antiguu templu que taba asitiáu nel llugar qu'ocupa'l monasteriu d'anguañu créese que foi aniciáu pol príncipe Adelgaster, fíu bastardu del Rei d'Asturies Silu y la so muyer Brunilde el 17 de xineru de 780.

La so construcción entama nel sieglu XIII, siendo construyía nel estilu románicu, respetando los parámetros del Císter. La esistencia d'una comuña monacal tien el so entamu cimeru nel sieglu XI, fechu reflexáu en documentos qu'indiquen el so pasu a la dependencia del monasteriu de Courias neses feches. El monasteriu yera un centru de gran poder económicu y cultural. Los monxos desendolcaron les teuniques agrícoles y ganaderes. Nes sos clases impartíense lleiciones de llatín, filosofía y teoloxía.

La ilesia ye grande siendo la so ornamentación sobria. Tien trés naves, la central, más alta sofitada en columnes y trés absides circulares. Abellúgase dientro un Cristu románicu del sieglu XII. El claustru ye postreru, d'estilu barrocu.

El claustru y les habitaciones de los monxos son güei ruines, del sieglu XVIII, anque nun lleganon a acabase. Equí alcuéntrase la referencia más antiga alrodiu la sidra d'Asturies[1].

El monasteriu algamó bien d'importancia na ruta Xacobea interior. Nesa dómina, los pelegrinos yeren aidaos ya auxiliaos polos monxos nel so camín cabu Santiagu de Compostela. Hai documentos nos que'l rei de Llión Alfonsu IX, que-y dio la Carta Puebla a Tinéu nel 1214 amenazaba a tolos que torgaren el camín de los pelegrinos per esti llugar.

Referencies[editar | editar la fonte]

  1. Nun documentu de la dómina indícase que los siervos del monasteriu deberíen recibir sicere si potest ese, sidra si fuera posible

Enllaces esternos[editar | editar la fonte]