Sandra Mason

De Wikipedia
Saltar a navegación Saltar a la gueta
Sandra MasonPicto infobox character.png
Sandra of Barbados.jpg
Anexo:Gobernadores Generales de Barbados (es) Traducir

8 xineru 2018 - 30 payares 2021
Presidenta de Barbados (es) Traducir

30 payares 2021 -
Vida
Nacimientu

Parroquia de Saint Philip (es) Traducir17  de xineru de 1949

(73 años)
Nacionalidá Bandera de Barbados Barbados
Estudios
Estudios University of Windsor Faculty of Law (en) Traducir
Universidá de les Indies Occidentales
Oficiu xuezapolítica
Premios
Cambiar los datos en Wikidata

Sandra Mason (17  de xineru de 1949Parroquia de Saint Philip (es) Traducir) ye una abogada, xueza y política barbadiana, presidenta de Barbados dende'l 30 de payares de 2021.[1][2] Exerció como gobernadora xeneral de Barbados dende'l 8 de xineru de 2018 hasta'l 29 de payares de 2021, fecha en qu'asumió la presidencia de Barbados, dempués de que Barbados se convirtiera nuna república.[3] Tamién desempeñó'l so llabor como xueza del Tribunal d'Apellaciones de Barbados, embaxadora en Venezuela y presidenta del Comité de los Derechos del Neñu de Naciones Xuníes. Foi elixida presidenta de Barbados el 20 d'ochobre de 2021, y asumió les sos funciones el 30 de payares de 2021.[4]

Biografía[editar | editar la fonte]

Primeros años[editar | editar la fonte]

Dempués de completar la so educación, empezó a enseñar na escuela secundaria Princess Margaret en 1968. Al añu siguiente, empezó a trabayar en Barclays Bank como emplegada. Matriculóse na Universidá de les Indies Occidentales (UWI), llogrando la so llicenciatura en Derechu.[5] Foi una de les primeres graduaes de la Facultá de Derechu d'UWI, en Cave Hill, completando la so educación en 1973. Foi almitida nel colexu d'abogaos pa empezar les sos práutiques el 10 de payares de 1975, convirtiéndose na primer muyer miembru del Barbados Bar Association.

Carrera[editar | editar la fonte]

En 1975, trabayó na Alministración de Fideicomisos pa Barclays y tresfirióse a dellos puestos distintos dientro de la compañía hasta 1977. En 1978, empezó a trabayar como maxistrada de la Corte Xuvenil y Familiar y al empar como tutora en derechu de familia n'UWI. Dexó de dar clases en 1983 y siguió como maxistrada. En 1988, completó en Londres un cursu sobro Alministración Xudicial.[6]

Trabayó nel Comité de los Derechos del Neñu de la Organización de les Naciones Xuníes dende la so creación en 1991 hasta 1999, ocupando'l cargu de vicepresidenta dende 1993 hasta 1995 y presidenta dende 1997 hasta 1999.[7]

Ente 1991 y 1992 destacó como presidenta y foi una de les dos muyeres nomaes pa la comisión de 13 miembros de CARICOM encargada d'evaluar la integración rexonal.[8] Dexó'l tribunal de familia en 1992 pa desempeñase como embaxadora en Venezuela, siendo la primer muyer maxistrada de Barbados n'ocupar el puestu. En volviendo al país en 1994 foi nomada maxistrada principal y en 1997 convirtióse na Secretaria del Tribunal Supremu.

En 2000, completó estudios sobro resolución alternativa de conflictos na Universidá de Windsor na ciudá canadiana de Windsor (Ontario) y depués completó una beca col Commonwealth Judicial Education Institute en Halifax (Nueva Escocia), en 2001, y tamién un cursu en resolución alternativa de conflictos n'UWI. Siguió desempeñándose na Corte Suprema hasta 2005, cuando foi nomada asesora de la Reina nel Colexu d'Abogaos de Barbados.[9]

En 2008 xuró como xueza d'apellaciones, convirtiéndose na primer muyer en sirvir na Corte d'Apellaciones de Barbados.[10] Mientres trés díes en 2012, convirtióse en gobernadora xeneral interina y al otru añu foi la primera barbadiana nomada miembru del Tribunal d'Arbitraxe de la Secretaría del Commonwealth (CSAT). El Tribunal opera ente los miembros de la Mancomunidá de Naciones pa resolver les cuestiones relatives a los discutinios contractuales. Con esi cargu, Loop News nómala una de les 10 muyeres más poderoses de Barbados.

En 2017, foi designada como la octava gobernadora xeneral de Barbaos, empecipiando'l so períodu'l 8 de xineru de 2018. Coles mesmes, foi nomada dama de la gran cruz de la Orde de San Miguel y San Xurde. Tamién recibió la Orde de la Dama de San Andrés.

Bibliografía[editar | editar la fonte]

Referencies[editar | editar la fonte]

  1. «Sandra Prunella Mason». St. Michael, Barbados: Caribbean Elections (2015). Archiváu dende l'orixinal, el 1 d'avientu de 2015. Consultáu'l 1 d'avientu de 2015.
  2. «Barbados elige a su primera presidenta, en reemplazo de la reina Isabel II» (castellanu). CNN (2021-10-22). Consultáu'l 2021-11-08.
  3. NEW G-G NAMED - The Barbados Advocate.
  4. «Barbados inicia su salida de la monarquía británica y elige a su primera presidenta». France 24 (2021-10-22). Consultáu'l 2021-11-08.
  5. «Sandra Prunella Mason». St. Michael, Barbados: Caribbean Elections (2015). Archiváu dende l'orixinal, el 1 d'avientu de 2015. Consultáu'l 1 d'avientu de 2015.
  6. «Sandra Prunella Mason». St. Michael, Barbados: Caribbean Elections (2015). Archiváu dende l'orixinal, el 1 d'avientu de 2015. Consultáu'l 1 d'avientu de 2015.
  7. Erickson, Cohen y Hart, 2001.
  8. «Sandra Prunella Mason». St. Michael, Barbados: Caribbean Elections (2015). Archiváu dende l'orixinal, el 1 d'avientu de 2015. Consultáu'l 1 d'avientu de 2015.
  9. «Sandra Prunella Mason». St. Michael, Barbados: Caribbean Elections (2015). Archiváu dende l'orixinal, el 1 d'avientu de 2015. Consultáu'l 1 d'avientu de 2015.
  10. «Sandra Prunella Mason». St. Michael, Barbados: Caribbean Elections (2015). Archiváu dende l'orixinal, el 1 d'avientu de 2015. Consultáu'l 1 d'avientu de 2015.

Enllaces esternos[editar | editar la fonte]