Sandmännchen

De Wikipedia
Saltar a navegación Saltar a la gueta
Sandmännchen
Bundesarchiv Bild 183-1984-1126-312, Sandmännchen, 25. Geburtstag.jpg
Datos
Xéneru segundu
País d'orixe Plantía:Xeodatos República Democrática Alemana
Idioma orixinal alemán
Duración 10 min.
Primer emisión 22  de payares de 1959
Emisora orixinal Deutscher Fernsehfunk Traducir y Sábadu
Cambiar los datos en Wikidata

Sandmännchen (alemán, lliteralmente homín de sable) ye una famosa serie de televisión alemana pa neños. Ta basada nel suxetu del Sandman (lliteralmente home de sable), una figura de cuentu que echaba sable máxicu a los güeyos de los neños pa que se duerman. Los episodios emitiéronse dende 1959 diariamente en delles canales de televisión alemanes sobre los seis o siete de la tarde y yeren cuentos pa dormir. El borrador escribiólo Ilse Obrig y Johanna Schüppel en 1959. Mientres la separación d'Alemaña esistieron dos versiones del Sandmännchen.

Historia[editar | editar la fonte]

Ilse Obrig yá realizara un programa de cuentos pa dormir nuna emisora de radiu de la Alemaña Oriental. En 1958 convirtióse nun programa de televisión que foi emitíu pola DFF, la televisión nacional d'Alemaña Oriental. Dempués de qu'Ilse Obrig camudara d'emisora y empezara a trabayar pa SFB, la emisora de Berlín Oeste n'Alemaña Occidental, ocurrióse-y la idea de la figura Sandmännchen. Xunto l'autora y diseñadora de muñeques Johanne Schüppel, diseñó la figura y trazó la estructura de la serie.

Enantes de que'l programa fora llanzáu, la televisión d'Alemaña Oriental diose cuenta de la idea y copióla. Finalmente llograron llanzar el Sandmännchens Gruß für Kinder (Saludu del Sandmännchen pa neños) n'Alemaña Oriental el 22 de payares de 1959, nueve díes enantes que n'Alemaña Occidental (1 d'avientu).

Los dos versiones del mesmu programa foron emitíes hasta la Reunificación alemana en 1990. La emisión del Sandmännchen n'Alemaña Oriental suspendióse, pero volvió empezar poco dempués por protestes de los espectadores. Por mor de la unificación de les canales públiques de los dos estaos alemanes, les series Sandmännchen del este y del oeste foron unificaes tamién. Dende 1991 una versión común coles carauterístiques de la versión oriental foi emitida en toa Alemaña.

Estructura y Realización[editar | editar la fonte]

Cada episodiu empieza con un saludu del Sandmännchen que cuenta la hestoria a los neños. Dempués de la hestoria'l Sandmännchen aparez de nuevu y manda a los neños a la cama, usando'l so sable máxicu y cantando una añada.

Enllaces esternos[editar | editar la fonte]

Páxina oficial (alemán)
Artículu sobre'l Sandmännchen con soníos y imáxenes orixinales (alemán)