San Fliz (parroquia)

San Fliz
Alministración
País	España
Autonomía	Principáu d'Asturies
Provincia	provincia d'Asturies
Conceyu	Tinéu
Partíu xudicial	Tinéu
Tipu d'entidá	parroquia d'Asturies
Xeografía
Coordenaes	43°16′03″N 6°32′05″W
San Fliz San Fliz (Asturies)
Altitú	552 m
Llenda con	San Fagondu, Arganza, Ḷḷinares, Viḷḷabaser y La Puela
Demografía
Población	179 hab. (2020)
Porcentaxe	2.02% de Tinéu
Más información
Estaya horaria	UTC+01:00

San Fliz ye una parroquia que ta asitiada nel términu municipal de Tinéu nel Principáu d'Asturies.

Datos básicos

• La distancia a la capital del conceyu ye 23 quilómetros. Ye'l centru neurálxicu d'esta zona.
• Cuenta con una superficie total de 13,72 quilómetros cuadraos.
• Celébrase la fiesta del Sacramentu na primer selmana d'agostu.

Demografía

Cuenta con 215 habitantes con una densidá de población de 20,3 habitantes per km cuadráu. Esta parroquia ta sufriendo un rápidu avieyamientu de la población.

Llocalidaes

Nᵘ	Nome	Población	% población San Fliz (parroquia)
1	Ablaneda		n/d
2	Agoveda		n/d
3	Cabanas		n/d
4	Eiros		n/d
5	Ḷḷau		n/d
6	La Piñera		n/d
7	San Fliz		n/d
8	Sucarrera		n/d
9	Tamayanes de Baxu		n/d
10	Tamayanes d'Arriba		n/d

Sitios

Ablaneda

• Casa Inaciu
• Casa'l Cuartu

Agoveda

• Casa Burón
• Casa Joselón
• Casa'l Cristu

Cabanas

• Casa'l Camineru

Eiros

• Casa Manolitu

La Piñera

• Casa Meru
• Casa Omar
• Casa Pepón

San Fliz

• Casa Tere
• Casa'l Guarda
• La Casilla

Tamayanes de Baxu

• El Campu San Ḷḷourienzu

Tamayanes d'Arriba

• El Parador

Economía llocal

Esti llugar dedícase principalmente a l'agricultura y a la ganadería. Cabo destacar:

Patrimoniu per llugar

Nel pueblu de Cabanas destaca la ermita de "Santa Águeda" con imáxenes del sieglu XV. Hasta va pocos años propiedá de casa "L'Inquisidor", con escudu blasón, tamién cabo mentar la casa d'ésti tamién conocida como del Estudiante" foi solar del canónigu xesuita Frai Pedro de Cabanas nel sieglu XVI.

Arrodia la casona un reciu muriu con anchu portón que s'abre al interior pel llau sur. Les parés del edificiu de gruesos murios bien construyíos, na segunda metá del sieglu XIX.La piedra y l'escudu que s'asitia agora na fachada que mira escontra'l suroeste, pertenecía a una primitiva edificación asitiada agora a unos 25 metros de l'actual. Ye una casona rural d'una sola planta na que se distribúin seis habitaciones espacioses, la llariega con accesu a un gran comedor.La base ocúpenla les cortes a un solu andar.L'escudu pinta l'apellíu FRANCOS.

Na aldea de La Piñeira cabo destacar el monumentu natural conocíu como "La sufreral de la Piñeira".

Na llocalidá de Eiros destaca la so ermita y cuntaba tamién col monumentu natural llamáu "Fayona de Eiros"(anguaño inesistente). Yera una faya perteneciente a la familia de Fagus sylvatica que tenía un altor de 28 metros, una copa de 30 metros, un diámetru de tueru de 4,45 metros y la so edá créese que devasa llargamente los 200 años. Foi declarada monumentu natural el día 27 d'abril de 1995.

Nel llugar de Ḷḷau'l monumentu más importante ye la ermita de San José.

Enllaces esternos

• Datos: Q7414198