Samuel de Luque

Samuel de Luque
Vida
Nacimientu	Madrid, 12 d'abril de 1989 (34 años)
Nacionalidá	España
Residencia	Andorra
Estudios
Llingües falaes	castellanu
Oficiu	celebridá, youtuber, Minecraft YouTuber (en)
Premios	ver Play Button de Diamante ;
IMDb	nm14292897

Samuel de Luque (12 d'abril de 1989, Madrid) conocíu popularmente como "Vegetta777" ye un youtuber, escritor y enfermeru español conocíu polos sos gameplays de Minecraft y poles sos collaboraciones con otros youtubers de fala hispana. Anguaño ye'l segundu youtuber español con más xente soscrito, con alredor de 30.000.000 de siguidores na so canal.^[4]^[5]

Biografía[editar | editar la fonte]

Samuel de Luque naz en Madrid y mora anguaño n'Andorra. Mientres la so infancia estudia n'Alcorcón y s'interesa polos videoxuegos y pol anime Dragon Ball, del cual va surdir más tarde'l so pseudónimu. Descubre'l mundu de YouTube dempués de titulase n'enfermería y defensa personal, mientres estudiaba pa les oposiciones.^[6]

Entama a xubir conteníu a la plataforma multimedia'l dia 21 de febreru de 2012. Nun principiu espublizaba vídeos pregrabaos de shooters, como Modern Warfare, y demostraciones (demos), como un hobbie y con una finalidá didáctica. En mayu d'aquel mesmu añu, va espublizar el so primer videu de Minecraft y entama a comentar les partides en directu, nesta ocasión col oxetivu d'entretener.

Carrera[editar | editar la fonte]

La temática principal de los sos vídeos son los gameplays comentaos, trataos d'una forma humorística, y los walkthroughs, enfocaos más como tutoriales. Esti creador de conteníu, a pesar de que centra'l so trabayu na rede, llegó a un públicu más ampliu coles sos noveles infantiles. Suel comentar na so canal de YouTube, nos sos vídeos y streamings, que nun-y gusta la fama, polo que non fai entevistes si nun ye necesario. Fizo dalgunes por acontecimientos especiales y comerciales, como la salida del so primer llibru o la noticia de qu'él y el so compañeru, Willyrex, acomuñárense a la empresa MADLionsEC.

N'avientu del 2014 sacó'l so primer videoxuegu colos sos compañeros Willyrex y bysTaXx, cola collaboración del desarrollador de videoxuegos español O-Play Online, "KarmaRun”. Este ye un xuegu, inspiráu na estética de Minecraft, de carrera siguida con más de 40 niveles, paeciendo a xuegos como Subway Surfers. Dos años más tarde, la pareya anunció qu'estrenaríen un nuevu xuegu, “Zoo Evolution”, inspiráu na xugabilidá de xuegos como Zoo Tycoon.

En marzu del 2015 sacó a la venta, xunto col so amigu y compañeru Willyrex, el so primer llibru «Wigetta», dirixíu principalmente a los sos siguidores. Ye una novela de xéneru fantásticu, inspirada nos mundos de Minecraft, ún de los videoxuegos más famosos de les sos canales. Tuvo éxitu enforma, polo que la pareya siguió ampliando esta saga hasta anguaño, llegando al númberu de quince exemplares.

En 2018 anunció que yera sociu mayoritariu de la empresa d'E-Sports española MADLionsEC, xunto con Willyrex.

Obres[editar | editar la fonte]

- Wigetta: Un viaje mágico (2015)
- Wigetta y el báculo dorado (Xineru de 2016)
- Wigetta y el antídoto secreto (Mayu de 2016)
- Wigetta y los gusanos guasones (Payares de 2016)
- Wigetta en las Dinolimpiadas (Marzu de 2017)
- Wigetta en el planeta Mimisikú (Xunetu de 2017)
- Wigetta y los secretos del cuerpo humano (Xunu de 2018)
- Wigetta y el tesoro de Chocatuspalmas (Agostu de 2018)
- Mi primer Wigetta. ¿Quién ha puesto este huevo? (Ochobre de 2018)
- Wigetta y el cuento jamás contado (Ochobre de 2018)
- Wigetta y la isla de Mumúchumu (Payares de 2018)
- Wigetta y la momia de Ra-mon (Abril de 2019)
- Wigetta y el mundo de Trotuman (Payares de 2019)
- Wigetta. Viegetta y Babyrex (2021)

Referencies[editar | editar la fonte]

↑ URL de la referencia: https://es.famousbirthdays.com/people/vegetta777.html. Data de consulta: 12 abril 2022.
↑ URL de la referencia: https://www.famousbirthdays.com/people/vegetta777.html. Apaez como: Vegetta777.
↑ URL de la referencia: https://esports.as.com/bonus/influencers/vegetta777/. Data de consulta: 22 abril 2022.
↑ «Ranking de Youtubers españoles con más siguidores».
↑ «Quiénes son los 50 Youtubers más seguidos de España (2020)».
↑ Plantía:Rcita web

Enllaces esternos[editar | editar la fonte]

[152ba9c8e980c399311e91f03cfd32a2f3d2d9cf-1] URL de la referencia: https://es.famousbirthdays.com/people/vegetta777.html. Data de consulta: 12 abril 2022.

[4892d18ba50fd0f19f84950f6a3e020ecd0a9c4f-2] URL de la referencia: https://www.famousbirthdays.com/people/vegetta777.html. Apaez como: Vegetta777.

[ad81bad6240ecd096428821c8197e9ba5483a156-3] URL de la referencia: https://esports.as.com/bonus/influencers/vegetta777/. Data de consulta: 22 abril 2022.

[4] «Ranking de Youtubers españoles con más siguidores».

[5] «Quiénes son los 50 Youtubers más seguidos de España (2020)».

[6] Plantía:Rcita web

[1]

[2]

[3]

[4]

[5]

[6]