Saltar al conteníu

Samuel Eto'o

De Wikipedia
Samuel Eto'o
presidente

11 avientu 2021 -
Vida
Nacimientu Douala, 10 de marzu de 1981[1] (44 años)
Nacionalidá España (2007–)[2]
Bandera de Camerún Camerún [2]
Familia
Hermanos/es
Estudios
Llingües falaes francés[3]
Oficiu
Oficiu futbolista
Trayeutoria
  Equipu
2018–2019 Qatar SC (en) Traducir 17(6)
2018–2018 Konyaspor (en) Traducir 13(6)
2015–2018 Antalyaspor (en) Traducir 73(44)
2015–2015 U.C. Sampdoria (en) Traducir 18(2)
2014–2015 Everton Football Club 14(3)
2013–2014 Chelsea Football Club 21(9)
2011–2013 FC Anzhí Majachkalá 53(25)
2009–2011 Football Club Internazionale Milano 67(33)
2004–2009 Futbol Club Barcelona 144(108)
2000–2004 Real Club Deportivo Mallorca 120(48)
2000–2000→cesión a  Real Club Deportivo Mallorca 19(6)
1999–1999→cesión a  Reial Club Deportiu Espanyol 0(0)
1997–2000 Real Madrid Club de Fútbol 3(0)
1997–1998→cesión a  Club Deportivo Leganés 30(4)
1996–1997 Real Madrid Castilla
  Seleición nacional
1997–2014   seleición masculina de fútbol de Camerún 118(56)
Posición o especialidá delanteru
Pesu 75 kg
Altor 180 cm
Premios
Seudónimos La pantera negra
El lleó indomable
IMDb nm2067634
samueletoo-officiel.com
Cambiar los datos en Wikidata

Samuel Eto'o (10 de marzu de 1981, Douala) ye un ex-futbolista de Camerún y España que xugaba de delanteru. Ye'l presidente de la Federación Camerunesa de Fútbol. Suél considerase como ún de los meyores delanteros de tolos tiempos y unu de los más grandes xugadores africanos de la historia.[5]

Con gran talentu dende mozu, Eto'o fichó por Real Madrid con 16 años. Por cuenta de la competencia nel so puestu con xugadores más esperimentaos, pasó por delles cesiones enantes de fichar pol RCD Mallorca en 2000, onde marcó 70 goles, récord del club.[6] El so gran rendimientu llevólu a fichar pol FC Barcelona en 2004, onde anotó 130 goles en cinco temporaes y convirtióse nel xugador africanu con más apaiciones na La Lliga.[7] Ganó La Lliga tres veces y foi pieza clave nel ataque del Barça xunto a Ronaldinho, ganando la Final de la Lliga de Campeones de la UEFA 2006, onde marcó, y formando parte del tridente con Lionel Messi y Thierry Henry que ganó la Final de la Lliga de Campeones de la UEFA 2009, marcando tamién. Ye'l segundu xugador na historia en marcar en dos finales de la Lliga de Campeones de la UEFA. En Barcelona, Eto'o foi terceru nel Xugador Mundial de la FIFA en 2005 ya incluyíu nel FIFA FIFPro World XI en 2005 y 2006.

Fichó pol Inter de Milán na temporada 2009-10, onde se convirtió nel primer xugador en ganar dos tripletes continentales consecutivos con Barcelona ya Inter. Ye'l cuartu xugador en la historia de la Champions en ganar el troféu dos años seguidos con equipos distintos, tres Marcel Desailly, Paulo Sousa y Gerard Piqué.[8] Dempués pasó por Anzhi Makhachkala, Chelsea, Everton y Sampdoria, y atopó de nuevu gran forma nel Süper Lig con Antalyaspor, onde marcó 44 goles en 76 partíos. En 2015 recibió'l Premiu Golden Foot.

Ganó'l Xugador Africanu del Añu en cuatro ocasiones (récor), en 2003, 2004, 2005 y 2010.[9] Como miembru de la Seleición nacional de fútbol de Camerún, Eto'o formó parte del equipu que ganó la Medaya d'oru nos Xuegos Olímpicos de Sydney 2000. Tamién ganó la Copa Africana de Naciones en 2000 y 2002. Participó en cuatro Copes Mundiales de la FIFA y seis Copes Africanes de Naciones. Ye'l máximu goleador históricu de la Copa África con 18 goles, y ye'l máximu goleador históricu de Camerún y el terceru con más partíos internacionales, con 56 goles en 118 apariciones.[10] Eto'o anunció la so retirada del fútbol internacional n'agostu de 2014.

Vida personal

[editar | editar la fonte]

Eto'o ye natural de Nkon, un suburbiu de Yaoundé. Tien dos hermanos que tamién son futbolistes: David y Étienne. Eto'o tien cuatro fíos: Maelle, Étienne, Siena y Lynn. Casóse col so amor de mocedá, Georgette, el 6 de xunetu de 2007. Georgette ye la madre de Siena y Lynn, que viven con ella en París.[11] El 17 d'ochobre de 2007, consiguió la nacionalidá española.[12]

El 9 de payares de 2020, Eto'o sufrió un accidente de tráficu cuando'l so vehículu 4×4 chocó de frente con un autobús. Informóse que Eto'o nun sufrió daños. El conductor del autobús intentó fuxir del llugar pero foi deteníu y lleváu a una comisaría.[13]

Eto'o foi nomáu paramount chief en Kaffu Bullom, un chiefdom (entidá alministativa) de Sierra Leona, en payares de 2015. Visitaba Sierra Leona como parte del programa de la FIFA "11 for Health and 11 against Ebola".[14]

Tamién ye seguidor del club francés Paris Saint-Germain.[15]

Eto'o sufrió abusos racistes en dellos partíos como visitante a lo llargo de la so carrera. Ye unu de los xugadores contemporáneos de perfil altu que reaccionaron a estos abusos amenazando con abandonar el campu y pronunciándose públicamente sobre les sos esperiencies.

En febreru de 2005, nun partíu como visitante contra'l Real Zaragoza, Eto'o foi oxetu d'insultos racistes por parte d'aficionaos zaragozanos, qu'empezaron a facer cantares imitando a monos cada vegada que tenía'l balón. L'árbitru Fernando Carmona Méndez, sicasí, nun fixo mención de los incidentes nel so informe del partíu, comentando namái que'l comportamientu del públicu yera "normal"; dos de los agresores fueron deteníos y recibieron una prohibición de cinco meses ensin asistir a eventos deportivos en siendo identificaos pola policía gracies a otros espectadores.[16][17] Eto'o declaró dempués que la sanción yera insuficiente y que La Romareda tendría que zarrase al menos un añu, pero'l so entrenador Frank Rijkaard, d'orixe surinamés, díxo-y que se centrara nel fútbol y dexara de falar del incidente. Enfadau de nuevu polos cantares racistes de los aficionaos zaragozanos la temporada siguiente, Eto'o intentó abandonar el campu en señal de protesta.[18] Los sos compañeros convenciéronlu pa siguir xugando.

Tres sufrir abusos racistes de forma regular por parte d'una parte del públicu español, Eto'o dexó de llevar a la so familia a los partíos. Declaró: "Ye daqué que me afectó personalmente. Creo que los xugadores, dirixentes y medios tienen que xunise pa que naide se sienta despreciáu pol color de la piel. Agora mesmo prefiero que los mios fíos nun vaigan a los partíos. Na grada tienen qu'escuchar coses que ye difícil esplicar a un neñu. Ye meyor que nun tean espuestos a ello."[19]

El 17 d'ochobre de 2010, nun partíu de la Serie A contra'l Cagliari, tres namái tres minutos de xuegu, l'árbitru detuvo'l partíu pa dar un avisu a dellos aficionaos qu'entonaben cantares racistes contra Eto'o. En reanudándose'l xuegu, el restu del estadiu cantó en voz alta pa tapar los cantares racistes y evitar la suspensión del partíu. L'Inter ganó 1–0 con gol d'Eto'o nel minutu 39.[20]

Referencies

[editar | editar la fonte]
  1. ↑ URL de la referencia: http://www.espnfc.com/player/11718/samuel-etoo. Editorial: ESPN.
  2. 1 2 «Eto'o given dual citizenship». Major League Soccer (23 xineru 2010). «Barcelona's Cameroon international striker Samuel Eto'o has been granted dual Spanish citizenship.»
  3. ↑ Afirmao en: autoridaes BNF. Identificador BnF: 161384375. Data de consulta: 13 setiembre 2023. Autor: Biblioteca Nacional de Francia. Llingua de la obra o nome: francés.
  4. ↑ «Рамазан Абдулатипов вручил Самуэлю Это`О орден "За заслуги перед Республикой Дагестан"». Archiváu dende l'orixinal, el 4 marzu 2016. Consultáu'l 2 agostu 2018.
  5. ↑ Delles fontes:
  6. ↑ O'Brien, Jon (xunetu de 2023). «La Liga 2003-04». When Saturday Comes:  p. 46.
  7. ↑ Minshull, Phil (5 de mayu de 2008). «Eto'o sets La Liga record». BBC Sport. https://news.bbc.co.uk/sport2/hi/football/africa/7383851.stm. Consultáu'l 5 de mayu de 2008.
  8. ↑ «FCBarcelona.cat». fcbarcelona.com. Archiváu dende l'orixinal, el 31 de xunetu de 2012.
  9. ↑ «Cameroon’s Samuel Eto’o, the pride of AFCON host city Douala» (inglés). Consultáu'l 24 de febreru de 2022.
  10. ↑ «Samuel Eto'o Fils - Century of International Appearances». RSSSF. Archiváu dende l'orixinal, el 4 de marzu de 2016. Consultáu'l 3 de xunu de 2016.
  11. ↑ «Samuel Eto'o and his sweetheart were now one in spirit through wedding». Samuel Etoo (4 d'ochobre de 2007). Archiváu dende l'orixinal, el 26 d'abril de 2009. Consultáu'l 18 de mayu de 2009.
  12. ↑ «Soccer-Barcelona's Eto'o granted dual nationality». Reuters. 17 d'ochobre de 2007. https://www.reuters.com/article/soccer-spain-barcelona-etoo-idUKL1767424320071017. Consultáu'l 11 d'avientu de 2021.
  13. ↑ «Eto'o unhurt after car crash» (n'inglés). BBC Sport. https://www.bbc.co.uk/sport/africa/54873025. Consultáu'l 9 de payares de 2020.
  14. ↑ «Samuel Eto'o Crowned "Head Of Chief" In Kaffu Bullom». Tolulope. Archiváu dende l'orixinal, el 10 de marzu de 2016. Consultáu'l 28 de febreru de 2016.
  15. ↑ «Maintenant, Eto'o est un fervent supporter du PSG» (francés). Consultáu'l 22 de xunu de 2021.
  16. ↑ «Eto'o responds to racist abuse». BBC Sport. 13 de febreru de 2005. https://news.bbc.co.uk/sport1/hi/football/africa/4261881.stm. Consultáu'l 26 de payares de 2008.
  17. ↑ «Two fined for Eto'o taunts». BBC Sport. 17 d'avientu de 2004. https://news.bbc.co.uk/sport1/hi/football/africa/4104067.stm.
  18. ↑ «The Ugly Game». Time. 26 de marzu de 2006. http://www.time.com/time/magazine/article/0,9171,901060403-1176955,00.html. Consultáu'l 28 de xunu de 2007.
  19. ↑ «Racism forces Eto'o to keep kids away from games». Soccernet. ESPN (4 d'abril de 2007). Archiváu dende l'orixinal, el 8 d'agostu de 2009. Consultáu'l 26 de payares de 2008.
  20. ↑ «Cagliari vs. Internazionale - Football Match Report - October 17, 2010 - ESPN». Archiváu dende l'orixinal, el 27 d-abril de 2018.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Samuel_Eto%27o&oldid=4440202»