Samantha Gilabert

Samantha Gilabert
Vida
Nacimientu	Beniarrés, 6 de febreru de 1994 (30 años)
Nacionalidá	España
Familia
Pareyes	Flavio
Estudios
Llingües falaes	catalán
Oficiu	cantante
	Participante Operación Triunfo 2020 (es) ;
Miembru de	Cactus Troop (es)
Xéneru artísticu	electropop (es) ; rap; pop
Discográfica	Música Global; Universal Music Group
IMDb	nm11268569

Samantha Gilabert Garrido (6 de febreru de 1994, Beniarrés), más conocida como Samantha, ye una cantante española. Diose a conocer col so grupu musical Cactus y como concursante na oncena edición del concursu de televisión Operación Triunfo 2020.

N'agostu del 2020, el so segundu senciellu, Quiero que vuelvas, consiguió ser númberu 1 en ventes dixitales en cinco países hispanofalantes. La versión valenciana, más íntima, del mesmu cantar, Espere que tornes, tamién llogró asitiase al númberu 1 de ventes. Tamién publicó'l poemariu Temps (Tiempu) el 2015 y El mio Abellugu nel 2021.^[2]

Biografía[editar | editar la fonte]

Fía de familia trabayadora, nació en Beniarrés un pequeñu pueblu de la provincia d'Alicante. Dende pequeña siempres suañara con ser cantante, magar les torgues del camín. Na etapa de l'adolescencia detectáron-y hipoacúsia neurosensorial, pero eso nunca-y torgó escorrer el so suañu.^[3] Estudió llinguaxe musical, pianu, el Grau Medio d'Alministración y el Grau Cimeru de Turismu. Sol influxu de Cai 13 y Orxata sound system, formó'l grupu de rap y «electro-urban» de la escena alternativa valenciana «Cactus», col cual publicó dos trabayos discográficos cola producción de Mark Dasousa y que la dexó tocar en festivales cómo'l Festivern.^[4] Nel so primer videoclip, «Cactustyle», con un estilismu acordies con la imaxe tresgresora y macarra del cantar, Samantha apaeció con un bate de béisbol con clavos, coyendo la personalidá de Harley Quinn, cómpliz y amante del personaxe Joker.^[5]

Na gala d'inauguración d'Operación Triunfo 2020 cantó una versión de la tema clásica «Que tinguem sort», de Lluís Llach, una reivindicación llingüística en catalán.^[6]^[7]

N'abril del 2020 llanzó'l so primer senciellu llamáu "Ensin más" que llogró más d'un millón de reproducciones en tan solo cuatro díes. Darréu n'agostu d'ese mesmu añu salió al mercáu'l so primer senciellu sol sellu discográficu d'Universal Music Spain, tema que foi traducíu selmanes más tarde al valencianu.

El 13 de payares del 2020 ve la lluz "Nada" el primer EP en solitariu de l'alicantina, asitiándose na so primer selmana nel Top 3 de ventes dixitales d'España. Esti trabayu discográficu inclúi ocho cantares ente les que s'atopa "Un mizcu", una collaboración col dúu Lérica.

El 4 de marzu del 2021 publicóse "El mio Abellugu" el segundu poemariu de la moza cantante, onde podemos afayar la so faceta más intima yá que se traten de relatos qu'escribió mientres la so estancia na academia d'Operación Triunfo 2020 , la cuarentena y la so nueva vida na capital española.

En 2021 foi miembru del xuráu del programa d'À Punt Duel de veus, xunto con Eugeni Alemany y Sole Giménez.

Nel Festival d'Eurovisión 2021 foi miembru del xuráu profesional d'España, xunto con Nerea Rodríguez, Antonio Güesu, María Peláe y David Santisteban.^[8]

Operación Triunfo[editar | editar la fonte]

El 12 de xineru del 2020 daba empiezu la oncena edición del conocíu programa Operación Triunfo (España) y Samantha era una de les 18 aspirantes a entrar a la prestixosa academia de música, pero nun foi hasta'l día 13 que pudimos ver a esta cantante na pequeña pantalla yá que foi la postrera en demostrar el so talentu sobro l'escenariu. Apaeció cantando "Que tinguem sort" de Lluís Llach, cantar que delles vegaes mentó que ye bien especial para ella. El xuráu nun tuvo nenguna dulda y foi de les primeres escoyíes pa formar parte de los 16 concursantes.

Na primer gala tocó-y defender al pie de el so compañeru Javy Ramirez el cantar "Te espero aquí" de Pablo López (cantante) y Georgina. Na segunda gala interpretó "Mediterráneo" de Joan Manuel Serrat xunto a Jesús Rendón. Na tercer gala cantó al pie de Eva Barreiro el famosu cantar "Maniac" de Michael Sembello, esa nueche hubo una gran discutiniu poles palabres usaes por unu de los xuraos para nomar a la concursante y por ello la selmana siguiente decidió pidi-y esculpes. Na cuarta gala interpretó " Call me maybe" de Carly Rai Jepsen xunto a el so compañeru Flavio (cantante), esa gala convirtióse na favorita del públicu recibiendo asina'l privilexu d'escoyer el compañeru y cantar de la siguiente gala. La quinta gala compartió con Hugo Cobo ya interpretaron el cantar "Vas a quedarte" de Aitana (cantante). Na sesta gala pudo reparase el desparpajo y gracia de la moza cantante, tantu mientres la so interpretación de " La lista de la compra" de La Cabra Mecánica al pie de Rafa Romera, como na entrevista previa a actuar con Roberto Lleal. La séptima gala foi la primera, dempués de la gala 0, na qu'interpretó una tema solista "Human" de Christina Perri. La octava gala foi un tanto distinta una y bones esa mesma mañana Samantha sufrió un pequeñu accidente nuna de les clases de interpretacción, faciendo que se tuviera que mover en siella de ruedes, de toes formes la cantante y la so compañera Anaju defendieron esa nueche'l cantar " Girls just wanna have fun" de Cyndi Lauper. La novena gala realizóse dende l'academia por cuenta de la situación de la COVID-19, con Roberto Lleal dende la so casa y los profesores como únicu públicu, Samantha interpretó "Milionària" de Rosalía (cantante), nesa gala Samantha volvió convertise na favorita del públicu y polo tanto la única en selo dos vegaes na so edición, rebiendo el privilexu de tener una cena cola persona qu'ella quixera, privilexu que nun pudo esfrutar hasta meses más tarde.

El 16 de marzu Noemí Galera infórma-yos la decisión de cerrar temporalmente l'academia d'Operación Triunfo 2020 por cuenta de la situación cola COVID-19. Dende casa los nueve concursantes restantes siguen preparando cantares selmanales que se xubieron a la canal d'Operación Triunfo 2020.

Ente toa esta situación Samantha llanza'l so primer single en solitariu, llamáu "Sin más" y que foi perbién acoyíu por tolos sos fans.

El 13 de mayu retómase l'actividá na academia, y Samantha ye la primer concursante n'entrar y recibir con muncha euforia al restu de los sos compañeros.

Na décima gala interpretó "Sueños rotos" de La Quinta Estación. Tuvo que defender "Freed from desire" de Gala Rizzatto na oncena gala. La doceava gala yera decisiva yá que se xugaba'l pase a la final y decidió interpretar "Something's got a hold on me" de Christina Aguilera, amás tamién realizó l'únicu tríu de la edición al pie de Nia Correia y Anaju, qu'interpretaron "R.I.P." de Rita Ora, Anitta (cantante) y Sofía Reyes. Esa gala foi la postrera como concursante para la valenciana yá que foi espulsada al pie de Maialen pol mozu murcianu Flavio (cantante).

Na gala final magar yá tar espulsada, la cantante foi una de les grandes protagonistes poles sos intervenciones mientres l'intre de la gala y sobremanera por exercer como presentadora del programa mientres unos minutos na emotiva despidida del presentador Roberto Lleal, amás interpretó al pie de tolos sos compañeros "Sal de mi" y "Díselo a la vida" y diose a conocer que trabayaría cola discográfica Universal Music Spain y cola empresa de management Música Global.

Obres[editar | editar la fonte]

Temps (2015) , primer poemariu publicáu pola moza alicantina, trátase de poemes escritos en prosa sobro les sos propies vivencies onde fala de los sos amigos, del amor...
El mio Abellugu (2021), segundu poemariu publicáu pola alicantina, trátase de poemes escritos en prosa sobro les sos propies vivencies mientres l'academia, el confinamientu y la so nueva vida na capital española.

Discografía[editar | editar la fonte]


Con Cactus

Cactus (Halley Supernova, 2018)

Roma (Halley Supernova, 2019)

En solitariu

Sin más (senciellu, 2020)^[9]
Espere que tornes (Música Global y Universal Music Spain, Senciellu, 2020)^[10]^[11]
Nada (Música Global y Universal Music Spain, EP, 2020)^[12]
Ja non fa mal xunto La Fúmiga ( Senciellu, 2021)
Mar de dudas (Música Global y Universal Music Spain, Senciellu, 2021)
La Partida (Música Global y Universal Music Spain, Senciellu, 2021)
MiTierra adaptación al valencianu del cantar de Nino Bravo (À Punt, Senciellu, 2021)
Dinamita campaña contra'l bullying para Eurovision junior (RTVE, Senciellu, 2021)
Arribar adaptación al valencianu de The climb de Miley Cyrus para'l discu de La Marató de TV3 (La Marató de TV3, Senciellu, 2021)

Referencies[editar | editar la fonte]

↑ URL de la referencia: https://www.tresdeu.com/2018/02/cactus-projecte-macarra.html.
↑ Librería Proteo (ed.): «Temps de Samantha Gilabert Garrido» (3 feb 2020). Consultáu'l 2021-11-10.
↑ El Nacional (ed.): «El tatuatge increïble i emotiu de Samantha, la indepe sorda que guanyarà OT» (16 gen 2020). Consultáu'l 2020-02-09.
↑ Enderrock (ed.): «Si volem arribar a ser un país normal, hem de començar a fer música normal» (8 gen 2020). Consultáu'l 2020-02-09.
↑ Fuset, Joan (21 feb 2018). Tresdeu (ed.): «Cactus, el nou projecte macarra i comercial». Consultáu'l 2020-02-09.
↑ NacióDigital (ed.): «Una alacantina canta una cançó de Lluís Llach a «Operación Triunfo»» (13 gen 2020). Consultáu'l 2020-02-09.
↑ Pérez, Moisés (3 feb 2020). El Temps (ed.): «Samantha, la veu transgressora d'OT». Consultáu'l 2020-02-09.
↑ RTVE.es (2021-05-23). «Eurovisión 2021 | Así es el jurado español en el Festival» (castellanu). Consultáu'l 2021-05-27.
↑ RTVE (ed.): «OT 2020 | "Sin más", de Samantha, mejor estreno de los singles de OT 2020» (2020-04-24). Consultáu'l 2020-05-29.
↑ «Samantha presenta el seu primer single en català, 'Espere que tornes'» (catalán). Consultáu'l 2020-09-18.
↑ «Así suena 'Quiero que vuelvas', el single de Samantha tras salir 'OT 2020'» (castellanu). Consultáu'l 2020-08-27.
↑ «Samantha se lanza con "Nada"» (castellanu) (2020-10-20). Consultáu'l 2020-10-27.

Enllaces esternos[editar | editar la fonte]

[1937e01e0e528eae6176a3c06a45add51a48f53a-1] URL de la referencia: https://www.tresdeu.com/2018/02/cactus-projecte-macarra.html.

[2] Librería Proteo (ed.): «Temps de Samantha Gilabert Garrido» (3 feb 2020). Consultáu'l 2021-11-10.

[3] El Nacional (ed.): «El tatuatge increïble i emotiu de Samantha, la indepe sorda que guanyarà OT» (16 gen 2020). Consultáu'l 2020-02-09.

[:1-4] Enderrock (ed.): «Si volem arribar a ser un país normal, hem de començar a fer música normal» (8 gen 2020). Consultáu'l 2020-02-09.

[5] Fuset, Joan (21 feb 2018). Tresdeu (ed.): «Cactus, el nou projecte macarra i comercial». Consultáu'l 2020-02-09.

[6] NacióDigital (ed.): «Una alacantina canta una cançó de Lluís Llach a «Operación Triunfo»» (13 gen 2020). Consultáu'l 2020-02-09.

[:0-7] Pérez, Moisés (3 feb 2020). El Temps (ed.): «Samantha, la veu transgressora d'OT». Consultáu'l 2020-02-09.

[8] RTVE.es (2021-05-23). «Eurovisión 2021 | Así es el jurado español en el Festival» (castellanu). Consultáu'l 2021-05-27.

[9] RTVE (ed.): «OT 2020 | "Sin más", de Samantha, mejor estreno de los singles de OT 2020» (2020-04-24). Consultáu'l 2020-05-29.

[10] «Samantha presenta el seu primer single en català, 'Espere que tornes'» (catalán). Consultáu'l 2020-09-18.

[11] «Así suena 'Quiero que vuelvas', el single de Samantha tras salir 'OT 2020'» (castellanu). Consultáu'l 2020-08-27.

[12] «Samantha se lanza con "Nada"» (castellanu) (2020-10-20). Consultáu'l 2020-10-27.

[1]

[2]

[3]

[4]

[5]

[6]

[7]

[8]

[9]

[10]

[11]

[12]