Sam Jones III

De Wikipedia
Saltar a navegación Saltar a la gueta
Sam Jones III
Sam Jones III
Vida
Nacimientu

Boston29  d'abril de 1983

(36 años)
Nacionalidá Bandera de Estaos Xuníos d'América Estaos Xuníos
Oficiu
Oficiu actor, actor de televisión, actor de cine y narcotraficante
IMDb nm0427389
Cambiar los datos en Wikidata

Samuel L. Jones III (Boston, Massachusetts, Estaos Xuníos; 29 d'abril de 1979) ye un actor estauxunidense. Más conocíu por interpretar el papel de Pete Ross na serie de televisión Smallville.

Biografía[editar | editar la fonte]

Mientres la so mocedá actuó en dellos comerciales locales, pero foi tando en Los Angeles, de vacaciones con un amigu, cuando decidió que la so carrera seria l'actuación, por ello, dempués de graduase, Sam foi vivise a Hollywood pa siguir el so suañu y convertilo en realidá. El so primer papel foi como convidáu nel programa NYPD Blue, nel cual interpreto un mozu problemáticu que roba una pistola y l'oculta nel trubiecu de la so fía. De magar, la so carrera empezó a crecer. Les sos apaiciones inclúin una participación en CSI, onde interpreta a un mozu que mata por fuercia a una moza, entós repara como'l so güelu echa la culpa.

Tamién apaeció en Judging Amy, como un mozu del cual abusen sexualmente. Jones tamién apaeció en dos episodios de la nueva serie The Nightmare Room, que tresmítese por WB Kids. En 2002 terminó de grabar actuaciones en dos películes, Zigzag, onde interpreta a un mozu autista de 15 años, y Snipes na cual interpreta a un padre adictu al crack, asina mesmu, foi convidáu a interpretar dellos personaxes en delles series de televisión. La so actuación como Pete Ross, el meyor amigu de Clark Kent nel drama d'aición y aventures de Warner Chanel Smallville marca'l so debú como protagonista nuna serie.

Sam tuvo un papel recurrente n'ER interpretando'l papel del fíu de Danny Glover y l'hermanu de Mekhi Phifer. Tamién protagoniza la película fecha pa televisión For One Night, estrenada en Lifetime en febreru de 2006 y va apaecer en “7th Heaven” de WB.

El vive anguaño en Los Angeles y cuando nun ta trabayando, Jones pasa'l so tiempu llibre xugando baloncestu.

Sam Jones empezó la primer temporada de la serie Blue Mountain State como unu de los sos protagonistes pero'l so papel foi esaniciáu pa la segunda temporada por cuenta de los sos problemes llegales.[1]

Arrestu[editar | editar la fonte]

N'ochobre de 2009 Jones foi deteníu por axentes de la DEA por cargos de tráficu de drogues. Foi acusáu de posesión de drogues con mires de tráficar con elles.[2] El 16 d'avientu de 2010 declaróse culpable de combalechadura pa vender más de 10.000 pastillas de oxicodona. Jones foi la "conexón en Hollywood" d'un casu de compra illegal y distribución de la droga, acordies con los documentos presentaos nel Tribunal del Distritu d'Estaos Xuníos. Por estos cargos se enfretaba a 20 años nuna prisión federal.[3]

El 22 de xunu de 2011 foi sentenciáu a 366 díes nuna prisión federal, recibiendo la indulxencia del xuez debíu al "papel secundariu" que representaba na trama. Los fiscales federales solicitaren en primer instancia una pena de prisión de cinco años.[4] El 6 d'avientu de 2011 empezó a cumplir la so condena na prisión Lompoc Correctional Complex de California. Darréu foi treslladáu a una instalación correccional federal en Long Beach, tamién en California. La fecha de puesta en llibertá prevista ye'l 12 d'ochobre de 2012.[5]

Referencies[editar | editar la fonte]

Enllaces esternos[editar | editar la fonte]