Salmo (xéneru)

De Wikipedia
Saltar a navegación Saltar a la gueta
Commons-emblem-notice.svg
 
Salmo
Salmo salar.jpg
Salmón del Atlánticu (Salmo salar)
Clasificación científica
Dominiu: Eukaryota
Reinu: Animalia
Filu: Chordata
Subfilu: Vertebrata
Clas: Actinopterygii
Superorde: Protacanthopterygii
Orde: Salmoniformes
Familia: Salmonidae
Subfamilia: Salmoninae
Xéneru: Salmo
Linnaeus, 1758
Especies
ver testu
Sinonimia

Acantholingua (Hadzisce, 1960)

Salmothymus (Berg, 1908)
[editar datos en Wikidata]

Salmón (Salmo spp.) ye'l nome común de delles especies de pexes de la familia Salmonidae. Les truches pertenecen a la mesma familia. Los salmones viven nos océanos Pacíficu y Atlánticu.

Los salmones son anádromos: ñacen n'agües dulces, migren al océanu y tornen a les agües dulces pa procrear. Atribúise-yos la capacidá de tornar al mesmu sitiu au ñacieren pa reproducise y los estudios recientes amosen que a lo menos un 90% de los salmones que resalven una corriente nacieron n'ella. Nun se sabe cómo s'alden, pero pue que'l finu sen del olfatu reconoza la química del so ríu natal.

El Salmón n'Asturies[editar | editar la fonte]

Los ríos salmoneros n'Asturies son el ríu Sella, y el Narcea. Anguaño, namái n'Asturies, pésquense más salmones qu'en tola península Ibérica. N'otra dómina el númberu de captures n'Asturies yera descomanada. Les fontes apunten a que nel sieglu XVIII capturábense en Ribeseya, demientres la costera más de 12.000 salmones, cola particularidá de qu'entós llamentábense les autoridaes de Marina y el Gremiu de Mareantes, pola decadencia que s'albidraba nos ríos. Esta decadencia siguió medrando: en 1824 namái se pescaron 1.500 exemplares, cifra a la que nun se llegó postreramente demientres munchos años, namái en rares ocasiones.

Esisten dellos documentos nos que'l cotarru vecinal de San Pedro de Villanueva, nel conceyu de Cangues d'Onís, pautaben facer dellos servicios al cenobiu benedictín pero con condiciones, una de les cuales yera que nun-yos daríen salmón na comida más de dos vegaes per selmana. Condiciones asemeyaes imponíen los obreros que trabayaben n'otres villes ribereñes, como La Pola de Llaviana o Cangas del Narcea

Como comida[editar | editar la fonte]

El salmón ye un alimentu habitual y razonablemente sanu pol so altu conteníu en proteínes, ácidos grasos omega-3, y rellativamente baxu conteníu en grasa.

Según informes de la revista Science los salmones de criaderu puen tener altos conteníos de dioxines. Los niveles de PCB (Bifeníl Policlorináu) puen ser hasta 8 vegaes más altos nos criyaos que nos xabaces y el conteníu n'Omega-3 pue ser menor. Pesie a esto, l'autoridá d'alimentación Británica (FSA) recomienda'l consumu, inclusu de salmón criáu darréu que los sos beneficios superen los riesgos. Per otra parte, el salmón ye ún de los pescaos menos afeutaos pol mercuriu.

El salmón afumáu ye una de les preparaciones más comunes. Magar que dende que se cría ye tamién avezao tomalu frescu, enantes de la so criyanza na piscicultura yera un artículu de lluxu. Otra preparación frecuente ye'l salmón marináu.

Especies[editar | editar la fonte]

Esisten les siguientes especies válides nesti xéneru:

Especies atlántiques[editar | editar la fonte]

  • Otra especie atlántica, Salmo trutta, suel clasificase como trucha, pesie a ser un pariente más averáu del salmón atlánticu que nenguna de les especies del Pacíficu.

Ver tamién[editar | editar la fonte]

Referencies[editar | editar la fonte]

  1. 1,0 1,1 Turan, D., Kottelat, M. y Engin, S., 2009. "Two new species of trouts, resident and migratory, sympatric in streams of northern Anatolia (Salmoniformes: Salmonidae)". Ichthyol. Explor. Freshwaters, Vol. 20, No. 4, pp.333-364

Enllaces esternos[editar | editar la fonte]