Sabrina Bryan

Sabrina Bryan
Vida
Nacimientu	Yorba Linda (es) , 16 de setiembre de 1984 (39 años)
Nacionalidá	Estaos Xuníos
Llingua materna	inglés
Estudios
Estudios	Esperanza High School (en) ; Chapman University (en)
Llingües falaes	inglés
Oficiu	actriz, cantante, música, coreógrafa, baillarina, actriz de televisión, actriz de cine, diseñadora de moda
Miembru de	The Cheetah Girls
Xéneru artísticu	pop
Instrumentu musical	voz
Discográfica	Walt Disney Records
IMDb	nm0117009
	sabrinabryan.com

Reba Sabrina Hinojosa (16 de setiembre de 1984, Yorba Linda ^(es) ), conocida como Sabrina Bryan, ye una actriz, baillarina y cantante d'Estaos Xuníos d'ascendencia hispanoamericana.

Biografía[editar | editar la fonte]

Sabrina Bryan nació en Yorba Linda, California, siendo la segunda fía de Alfred Hinojosa, un hispanu-mexicanu, y de Kathy, una d'Estaos Xuníos de raigaños alemanes y indies, más concretamente de la tribu de los Cheroqui. Vivió humildemente y ensin grandes luxos, afirmando siempres que se sentía bien arguyosa de tener ascendencia hispana y que nunca intentó despintalo. Ye tradición en casa del so padre axuntase los domingos a comer tamales, platu típicu mexicanu. Vive nuna casona de Los Angeles xunto a la so pareya, Mark Ballas.

Cambéu d'apellíu[editar | editar la fonte]

En 2007 empezó un procesu llegal pa camudar el so apellíu pol so hermanu Bryan, nacíu años primero que ella y a quien nunca llegó a conocer, qu'en siendo sometíu a tres ciruxíes finó a los pocos meses por una malformación cardiaca. <<Tenía un buecu nel corazón>>, dixo ente llárimes nuna entrevista a la revista People. <<Dacuando yo y la mio familia miramos semeyes sos y emocionamos. Dacuando pienso que, si yo naciera nel so llugar, pasaríame a mi. Pero lo que más me apena, ensin dulda, ye nun poder conocelu. Xusto por eso adopté'l so nome como'l mio nuevu apellíu. Pensé qu'usar el so nome yera una manera d'enllargar la so vida a midida que yo espolletara como actriz>>.

Carrera profesional[editar | editar la fonte]

Sabrina Bryan participó en diverses series de televisión, anque les sos apaición más importantes fueron en The Bold and the Beautiful, y en The Cheetah Girls. Amás Bryan interpretó la tema BYou para Radio Disney y fixo un CD/DVD del mesmu nome, que contién pasos de baille Hip-Hop y exercicios de fitness pa caltenese en forma. El DVD/CD contién un track esclusivu de Bryan, cantáu en Spanglish, tituláu "Vamos". Tamién fixo l'ésitu de Disney "Move It!".

The Cheetah Girls[editar | editar la fonte]

Debíu al ésitu de la película de Disney The Cheetah Girls, Sabrina y les sos compañeres Kiely Williams y Adrienne Bailon fundaron la banda The Cheetah Girls, aun así, la so otra compañera Raven-Symoné decidió siguir cola so carrera de cantante en solitariu. En payares de 2005 el grupu grabó'l CD Cheetah-licious Christmas. Tres l'estrenu de The Cheetah Girls 2, Bryan y el so grupu grabaron el discu The Cheetah Girls 2 y realizaron una esitosa xira mundial.

Tres el términu de la xira'l grupu volvió axuntase pa grabar el nuevu CD de la banda, tituláu TCG (The.Cheetah.Girls).

Dancing With The Stars[editar | editar la fonte]

Bryan compitió na 5 ª temporada de Dancing with the Stars. Sabrina y la so pareya de baille profesional, Mark Ballas, recibieron una puntuación de 26 puntos de 30, la puntuación más alta llograda por un concursante na primer selmana del programa.

Filmografía[editar | editar la fonte]

Añu	Película	Personaxe	Notes
1996	Mrs. Santa Claus	Fritzie	Personaxe principal. Película
1999	King's Pawn	Kelly	Personaxe principal. Película pa TV
2000	Driving Me Crazy	Terry	Personaxe principal. Película pa TV
2001	Grounded for Life	Suzy	Estrella convidada, 1 episodiu.
2001	The Jersey	Angelina Renard	Estrella convidada, 1 episodiu.
2001	The Geena Davis Show	Tina	Estrella convidada, 1 episodiu.
2002	The Bold & The Beautiful	Alisa Cordova	Estrella convidada, 7 episodios, serie de TV
2003	The Cheetah Girls	Dorinda Thomas	Protagonista. Película pa TV Disney Channel
2006	The Cheetah Girls 2: When In Spain	Dorinda Thomas	Protagonista. Película pa TV Disney Channel
2007	The Suite Life of Zack & Cody	Ella mesma Estrella convidada, 1 episodiu, serie de TV Disney Channel
2007—2012	Dancing with the Stars	Ella mesma	Concursante, Reality Show ABC, Xunto a Mark Ballas
2008	Mostly Ghostly	Barbie	Protagonista, pelicula
2008	The Cheetah Girls: One World	Dorinda Thomas	Protagonista. Película pa TV Disney Channel
2009	Help Me, Help You	Sandy	Personaxe principal. Película
2010—2012	Pecezuelos	Pamela Hamster	Estrella convidada, 3 episodios serie de TV Disney Channel
2013	Supah Ninjas	Andrea	Estrella convidada, 1 episodiu, serie de TV Nickelodeon
2013	Par de Reyes	Stacey	Estrella convidada, 7 episodios, serie de TV Disney XD

Referencies[editar | editar la fonte]

Enllaces esternos[editar | editar la fonte]

Páxina web oficial (n'inglés)
Sabrina Bryan na Internet Movie Database (n'inglés)
Sabrina Bryan n'AllMovie (n'inglés)
Sabrina Bryan en Facebook
Sabrina Bryan n'Instagram