Isabel II d'España

De Wikipedia
(Redirixío dende Sabela II d'España)
Isabel II d'España
Rei d'España

29 setiembre 1833 - 30 setiembre 1868
Fernando VII d'España - Amadéu I d'España
jefe de Estado de España (es) Traducir

29 setiembre 1833 - 30 setiembre 1868
Gran Mayestru de la Orde de Santiago

Vida
Nacimientu Madrid[1]10 d'ochobre de 1830[2]
Nacionalidá España
Muerte París[1]9 d'abril de 1904[3] (73 años)
Sepultura Cripta Real del Monesteriu d'El Escorial
Familia
Padre Fernando VII d'España
Madre María Cristina de Borbón-Dos Sicilies
Casada con Franciscu d'Asís de Borbón (1846 – 1902)[4]
Fíos/es
Hermanos/es
Familia
Pueblu Casa los Borbones n'España
Estudios
Llingües falaes castellanu
Oficiu gobernante
Premios
Influyencies Sor Patrocinio (es) Traducir
Creencies
Relixón Ilesia Católica
Cambiar los datos en Wikidata

Isabel II d'España (10 d'ochobre de 1830Madrid – 9 d'abril de 1904París), llamada «la de los Murnios Destinos» o «la Reina Castiza», foi reina d'España ente 1833 y 1868, gracies a la derogación del Reglamentu de sucesión de 1713 (comúnmente denomináu «Llei Sálica» anque, técnicamente, nun lo fora) per mediu de la Pragmática Sanción de 1830.[5] Esto provocó la insurxencia del infante Carlos María Isidro, hermanu de Fernando VII y tíu d'Isabel II, quien, sofitáu polos grupos los denominaos «carlistes», yá intentara proclamase rei mientres l'agonía de Fernando.

Biografía[editar | editar la fonte]

Minoría d'edá[editar | editar la fonte]

Isabel II neña, por Carlos Luis de Ribera, Muséu del Prado (en depósitu nel Muséu del Romanticismu). Oleu sobro llenzu.

La futura Isabel II yera fía del rei Fernando VII y de la so cuarta esposa, María Cristina de Borbón-Dos Sicilias. El so padre había estáu casáu enantes en trés causes, pero nenguna de les sos esposes diéra-y descendencia que pudiera asocede-y. En previsión d'una eventual falta de descendencia directa masculina, el 29 de marzu de 1830, el rei Fernando VII, en desterciu del so hermanu Carlos María Isidro, promulgó la Pragmática Sanción de 1830.[6][7][8] Esta Llei llindose a publicar el testu aprobáu poles Cortes en 1789, conocíu como la Pragmática Sanción de 1789, y que, restaurando'l sistema de sucesión tradicional n'España, dexaba a la so descendencia femenina asocede-y tres el so fallecimientu, si'l soberanu finaba ensin fíos varones. El monarca solo tuvo dos fíes, Isabel y la so hermana, la infanta Luisa Fernanda, nacida en 1832.

Nació'l 10 d'ochobre de 1830 nel Palaciu Real de Madrid. Foi bautizada na capiya del mesmu a otru día de la so nacencia, siendo los sos padrinos los sos güelos: el rei de les Dos Sicilias, Francisco I y la so esposa María Sabela de Borbón.[9] Tres ello, el 13 d'ochobre de 1830 y acordies cola Pragmática Sanción de 1830, el so padre mandó que, hasta la eventual nacencia d'un fíu varón, guardó a la infanta heredera los honores de correspondientes a los príncipes d'Asturies. El 20 de xunu de 1833, foi xurada como princesa heredera na ilesia de San Jerónimo'l Real de Madrid, llugar tradicional de xurar de los príncipes d'Asturies.

Isabel II xubió al tronu d'España'l 29 de setiembre de 1833 tres la muerte del so padre, ensin cumplir inda los trés años d'edá, motivu pol cual foi necesariu nomar a la so madre rexente del reinu.

La so nacencia y posterior ascensión al tronu provocó l'entamu d'un llargu conflictu dinásticu, pos el so tíu, l'infante Carlos María Isidro de Borbón, hasta entós primero na sucesión a la corona, nun aceptó qu'Isabel fora nomada Princesa d'Asturies y depués Reina d'España. La oposición del infante Carlos a la Pragmática Sanción condució a esti al exiliu nel estranxeru. La división ente isabelinos y carlistes acabó provocando la Primer Guerra Carlista.

Reináu[editar | editar la fonte]

Mientres el reináu d'Isabel II, España modernizóse notablemente gracies al tendíu de munches llinies de ferrocarril, siendo la primera na península la que conectaba Mataró con Barcelona. La creación de la rede ferroviaria sirvió a munchos personaxes de la clase dominante p'arriquecese, como la madre de la mesma reina, María Cristina, o'l Marqués de Salamanca, un banqueru malagueñu que non solo llogró cola aquiescencia de la Corona y el Parlamentu tou una serie de concesiones (129 millones de subvención en 1853-1854), sinón que, coles mesmes, vendió al gobiernu la llinia Madrid-Aranxuez por más de 60 millones y volviola a recibir d'ésti n'arrendamientu, ensin llicitación previa, por un millón y mediu al añu, que nunca llegó a pagar.

La fiebre especuladora tenía poco que ver cola realidá del país. El balance de lo realizáu hasta 1856 amenorgabase a la llinia Barcelona-Mataró (1848), la de Madrid-Aranxuez (qu'a lo último yera un negociu priváu del Marqués de Salamanca), la de Xixón-Llangréu (un negociu priváu del Duque de Riánsares, home de la reina María Cristina) y la de Valencia-Xátiva. Amás, la difícil orografía española obligó a adoptar un anchu de vía distintu al européu y abandonóse l'adecuación d'una rede de caminos que facilitara l'accesu a les estaciones, lo que, sumáu a les elevaes tarifes del tresporte ferroviariu, condució bien llueu a les perdes nel negociu. Lleváronse a cabu tamién importantes obres hidráuliques como la Canal d'Isabel II, impulsáu polos ministros Juan Bravo Murillo y Manuel Alonso Martínez.

La Reina de los murnios destinos, como tamién foi llamada, tuvo que faer frente a la Revolución de 1868 (conocida como La Gloriosa), que la obligó a abandonar España en tren dende San Sebastián onde braniaba.[10]

Isabel II se exilió en Francia, onde recibió l'amparu de Napoleón III y Eugenia de Montijo, y estableció la so residencia nel parisín Palaciu de Castiella hasta la so muerte; el 25 de xunu de 1870 abdicó en París en favor del so fíu, el futuru Alfonso XII.

Mentanto, gracies al sofitu de dellos grupos nel gobiernu, el príncipe Amadéu de Saboya, miembru de la familia real italiana, foi escoyíu pa reemplazala nel tronu como Amadéu I d'España; Amadeo yera fíu de Víctor Manuel II, rei d'Italia dende 1861 y perteneciente a la Casa de Saboya, y de María Adelaida d'Austria (bisnieta de Carlos III d'España).


Predecesor:
Fernandu VII
Princesa d'Asturies
1830-1833
Sucesora:
Sabela de Borbón
Predecesor:
Fernandu VII

Reina d'España

1833-1868
Sucesor:
Pascual Madoz Ibáñez
(Presidente de la Xunta Provisional Revolucionaria)
Predecesora:
Ella misma
(como reina reinante)
Reina titular d'España
1868-1870
Sucesor:
Alfonso de Borbón y Borbón

Referencies[editar | editar la fonte]

  1. 1,0 1,1 Afirmao en: Gemeinsame Normdatei. Data de consulta: 24 xunu 2015. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: Gemeinsame Normdatei. Identificador GND: 119560119. Data de consulta: 15 ochobre 2015. Llingua de la obra o nome: alemán. Autor: Biblioteca Nacional d'Alemaña.
  3. Afirmao en: Encyclopædia Britannica Online. Identificador Encyclopædia Britannica Online: biography/Isabella-II-queen-of-Spain. Apaez como: Isabella II. Data de consulta: 9 ochobre 2017. Llingua de la obra o nome: inglés.
  4. Identificador de persona en The Peerage: p10189.htm#i101886. Data de consulta: 7 agostu 2020.
  5. «Edición del domingo, 10 abril 1904, página 7 - Hemeroteca - Lavanguardia.es». Lavanguardia.es (10 de abril de 1904). Consultáu'l 12 de abril de 2016.
  6. «Pragmática sanción en fuerza de ley decretada por el señor Rey Don Carlos IV á petición de las cortes del año de 1789, y mandada publicar por S. M. reinante para la observancia perpetua de la ley 2ª, título 15, partida 2ª, que establece la sucesión regular en la corona de España. Publicación.». Gaceta de Madrid. 3 de abril de 1830. https://www.boe.es/datos/pdfs/BOE//1830/040/A00167-00168.pdf. 
  7. «Pragmática sanción en fuerza de ley decretada por el señor Rey Don Carlos IV á petición de las Cortes del año de 1789, y mandada publicar por S. M. reinante para la observancia perpetua de la ley 2ª, título 15, partida 2ª, que establece la sucesión regular en la corona de España. Corrección.». Gaceta de Madrid. 6 de abril de 1830. https://www.boe.es/datos/pdfs/BOE//1830/041/A00171-00172.pdf. 
  8. «Real decreto anulando el decreto que derogaba la pragmática sanción de 29 de marzo de 1830, decretada á petición de las Cortes de 1789, para restablecer la sucesión regular en la corona de España.». Gaceta de Madrid. 1 de enero de 1833. https://www.boe.es/datos/pdfs/BOE//1833/001/A00001-00001.pdf. 
  9. Siendo representados respectivamente por el infante Francisco de Paula y su mujer Luisa Carlota de las Dos Sicilias
  10. El Diario Montañés (22 de julio de 2008): «Isabel II: 'la de los tristes destinos'»

Enllaces esternos[editar | editar la fonte]


Predecesor:
Fernandu VII
Reina d'España
1833 - 1868
Socesor:
Pascual Madoz Ibáñez Presidente de la Xunta Nacional Revolucionaria