Sabel de Fausta

Sabel de Fausta
Vida
Nacimientu	Xixón, 1934 (89/90 años)
Nacionalidá	España
Estudios
Llingües falaes	asturianu
Oficiu	escritora

Sabel de Fausta (1934, Xixón) ye l'alcuñu de la escritora xixonesa Isabel López Labrada. Périta pola Escuela de Comerciu de Xixón nel ámbitu lliterariu ye autodidacta, entamando a escribir nos años ochenta, cuando fixo un cursu d'asturianu na Universidá Popular de Xixón, que ponía'l cantautor y escritor Carlos Rubiera. Dende entós entamó a asoleyar la so obra narrativa y tamién poética en revistes como Lletres Asturianes, Lliteratura, etc.

Apaez en dos ediciones de los volúmenes colectivos Coples del Antroxu (1983 y 1984) y tien editaos trés llibros, el primeru, infantil, con dos rellatos, Mercáu de vida, mercáu de muerte y Esperteyu (Academia de la Llingua Asturiana, 1987), un conxuntu de narraciones, El tren de medianueche y otros cuentos (Trabe, 1996) y el volume poéticu Na solombra del silenciu (Trabe, 2007).

A lo llargo de la so carrera como escritora algamó dellos premios como'l de Llectures pa Rapazos de l’Academia de la Llingua en 1987 y participó n'eventos lliterarios dando a conocer la so obra n'Asturies y pa los asturianos nel esterior.

Enllaces esternos

• Datos: Q118383824