Sabel Tuñón Ces
 | Esti artículu o seición necesita correxise urxentemente. Tien fallos na redaición, la gramática o la ortografía que precisen meyorase. |
Sabel Tuñón Ces | |
|---|---|
| Vida | |
| Nacimientu | Xixón, 1963 (60/61 años) |
| Nacionalidá |
 España |
| Llingua materna | asturianu |
| Estudios | |
| Llingües falaes |
asturianu castellanu |
| Oficiu | escritora |
 | |
Sabel Tuñón Ces (1963, Xixón) ye una escritora asturiana.
Actividá lliteraria y activismu cultural[editar | editar la fonte]
Sabel Tuñón ye activista n'asociaciones ciudadanes, culturales y polítiques[1]. Foi cofundadora del Partíu Asturianista y nos 80 tuvo na asociación Andecha Asturianista. Na actualidá ye miembru d'El Garrapiellu y directiva d'Iniciativa pol Asturianu.
Autora de cuentos pa neños y neñes de 0 a 3 años, amás d'otros trabayos, como un llibru sobre Andrés Solar o una guía sobro la parroquia de Deva y microrrellatos asoleyaos en prensa y antoloxíes como Cuántu carbón saldría y Muyeres escritores. Nel ámbitu políticu, formó parte de la candidatura del Bloque por Asturies-Unidá Nacionalista Asturiana (UNA) pa Xixón en 2011 y nel movimientu vecinal foi primero vicepresidentes y dempués presidenta de l'Asociación de Vecinos de Vega-La Camocha de 2002 a 2010. Amás foi líder del movimientu de mas y pas d'alumnos del IES Jacinto Benavente per más de diceséis años, un centru que foi punteru nel usu del asturianu y la difusión de la cultura asturiana.
Con Takeshi Moritaku tien tamién ellaboráu'l primer diccionariu asturianu-xaponés/xaponés-asturianu con 2.800 entraes, y a lo cabero, con una trescripción fonética de les pallabres. Por embargu, nun ta asoleyáu entovía.
Sabel Tuñón y Takeshi Moritaku conociéronse en Xixón en 2002. Él, xaponés, vieno a Asturies pa un intercambiu, dar clases de cultura xaponesa nun institutu y, a la vez, deprender castellán. Agospióse na casa de Sabel Tuñón: onde se fala asturianu y al xoven Takechi Moritaku prestó-y más l'asturianu, tanto asina que aparcó'l castellanu, en cuenta d'ello y a lo cabero diéron-y el preste na «prueba de conocencia de la llingua asturiana»[2].
Anguaño ye guia Direutora d'Ociu y Vagar y Anamidora Sociocultural, amás d'otres actividaes como dar clases d' asturianu.. Ye tamién miembru de l'actual xunta direutiva d'Iniciativa pol Asturianu (Vocalía de Voluntariáu)[3].
Obres[editar | editar la fonte]
- Animalaes (Ámbitu, 2007)[4]
- La primavera (Ámbitu)
- Los animales (Ámbitu)
- Kiko Perico (Ámbitu)
- Animalinos (Ámbitu)
- Deva peles siendes d'Andrés Solar Santurio (Conceyu de Xixón, 2005)
- Diccionariu asturianu-xaponés (ensin espublizar)
Referencies[editar | editar la fonte]
Enllaces esternos[editar | editar la fonte]
| Control d'autoridaes |
|
|---|
Datos: Q42909138