S Antliae

De Wikipedia
Saltar a navegación Saltar a la gueta
S Antliae
S Antliae
Constelación Antlia
Ascensión reuta α 09h 32min 18,39s
Declinación δ -28º 37’ 40,0’’
Distancia 245 años lluz
Magnitú visual +6,43 (variable)
Magnitú absoluta +2,02
Lluminosidá 13 soles
Temperatura 7800 + 7340 K
Tipu espectral A7V
Velocidá radial +15 km/s

S Antliae (S Ant / HD 82610 / HR 3798)[1] ye una estrella variable de la constelación de Antlia, la máquina neumática, asitiada cerca de la llende con Pyxis. Alcuéntrase a 245 años lluz del Sistema Solar.

S Antliae ye una binaria de contautu de tipu espectral A7V[2] o A9V.[1] Nesti tipu de binaries cercanes, por cuenta de la so proximidá, les dos estrelles comparten les sos capes esteriores de gas. Sicasí, el grau de «sobrecontautu» de S Antliae (9%)[3] ye pequeñu en comparanza con otres binaries d'esti tipu. El periodu orbital del sistema ye de 0,6483 díes (15,56 hores) y piénsase que pue ser variable. Clasificáu como variable W Ursae Majoris, el so rellumu fluctúa ente magnitú aparente +6,40 y +6,92.[4]

La rellación ente les mases de dambes componentes, q, ye igual a 0,87, siendo les temperatures respeutives de 7800 y 7340 K.[2] El sistema tien una lluminosidá conxunta 13 vegaes mayor que la del Sol y una metalicidá cercana al 60% de solar. La so edá envalórase en 1500 millones d'años.[5]

Referencies[editar | editar la fonte]

  1. 1,0 1,1 S Antliae (SIMBAD)
  2. 2,0 2,1 Pribulla, T.; Kreiner, J. M.; Tremko, J.. «Catalogue of the field contact binary stars». Contributions of the Astronomical Observatory Skalnaté Pleso 33 (1). pp. 38-70 (Tabla consultada en CDS). http://cdsads.u-strasbg.fr/cgi-bin/nph-bib_query?2003CoSka..33...38P&db_key=AST&nosetcookie=1. 
  3. Russo, G.; Sollazzo, C.; Maceroni, C.; Bilanu, L.. «Determination of Parameters of W-Ursae Systems - Part Two - Tw-Ceti S-Antiliae O-Pegasi Er-Orionis». Astronomy and Astrophysics. Supp. Ser. 47. p. 211. http://cdsads.u-strasbg.fr/cgi-bin/nph-bib_query?1982A%26AS...47..211R&db_key=AST&nosetcookie=1. 
  4. S Antliae (General Catalogue of Variable Stars)
  5. Nordström, B.; Mayor, M.; Andersen, J.; Holmberg, J.; Pont, F.; Jørgensen, B. R.; Olsen, E. H.; Udry, S.; Mowlavi, N.. «The Geneva-Copenhagen survey of the Solar neighbourhood. Ages, metallicities, and kinematic properties of ˜14 000 F and G dwarfs». Astronomy and Astrophysics 418. pp .989-1019 (Tabla consultada en CDS). http://cdsads.u-strasbg.fr/cgi-bin/nph-bib_query?2004A%26A...418..989N&db_key=AST&nosetcookie=1.