Síndrome de la cabeza esplosiva

De Wikipedia
Saltar a navegación Saltar a la gueta

El síndrome de la cabeza esplosiva (n'inglés exploding head syndrome) ye una rara enfermedá que foi rexistrada per primer vegada por un médicu británicu en 1988[1] y pola cual el paciente siente dacuando un soníu desaxeradamente fuerte, xeneralmente descritu como un españíu o estrueldu, como si viniera de la so propia cabeza. A pesar de ser percibíu como un soníu tremendamente potente, bien escasamente ye acompañáu por dolor. Los ataques paecen amontase y escayer en frecuencia col tiempu: dellos ataques pueden asoceder n'espaciu de pocos díes siguíos per meses de receso. Los pacientes de cutiu sienten una sensación de terror, ansiedá ya impotencia dempués d'un ataque, acompañáu por un eleváu ritmu cardiacu. Los ataques tamién son acompañaos n'ocasiones por flaxes lluminosos o dificultá p'alendar.

Etioloxía[editar | editar la fonte]

La causa del síndrome de la cabeza esplosiva ye desconocíu, anque dellos médicos reportaron una rellación col estrés o l'aballa estrema. La condición puede desenvolvese en cualquier momentu de la vida y son les muyeres quien tienen más probabilidá de carecelo. Los ataques pueden ser eventos únicos o ser recurrentes.

El mecanismu pol cual funciona tamién ye desconocíu, anque delles posibilidaes fueron suxuríes. Una d'elles ye que ye la resultancia d'un movimientu repentín d'un componente del oyíu mediu o de la trompa de Eustaquio, otru ye que puede ser la resultancia d'un ataque menor nel lóbulu temporal onde s'atopen les célules nervioses pa l'audición. Electroencefalogrames tomaos mientres ataques rexistraron actividá inusual solo en dellos pacientes y refugaron ataques epilépticos como la causa.[ensin referencies]

Sicasí, sía'l que quier el mecanismu, paez ser que'l síndrome de la cabeza esplosiva ye un fenómenu real y nun ye causáu por disturbios psicolóxicos. Ye consideráu médicamente inofensivu, a pesar de que ye xeneralmente angustiosu d'esperimentar.

Tratamientu[editar | editar la fonte]

Col pasu del tiempu, los síntomes pueden resolvese bonalmente. Puede resultar útil el convencer al paciente qu'esti síndrome ye inofensivu.

Referencies[editar | editar la fonte]

  1. Pearce, JM (Jul 30 de 1988). «Exploding head syndrome». Lancet 2 (8605):  pp. 270-1. PMID 2899248. 

Otros fenómenos del suañu[editar | editar la fonte]

Ver tamién[editar | editar la fonte]




Síndrome de la cabeza explosiva