Rutilio Tauro Emiliano Paladiu

De Wikipedia
Saltar a: navegación, buscar
Rutilio Tauro Emiliano Paladio

Rutilio Tauro Emiliano Paladiu (en llatín Rutilius Taurus Aemilianus Palladius), tamién llamáu a cencielles Paladiu, foi un escritor y agrónomu romanu del sieglu IV. Nun se conocen detalles de la so vida. Sicasí, parte de la so obra llegó hasta los nuesos tiempos.

Obra[editar | editar la fonte]

La obra de Paladiu céntrase fundamentalmente na economía agrícola. El so tratáu y almanaque sobre agricultura en 14 llibros, conocíu como "Opus agriculturae", o "Geoponicas", ye una compilación qu'enceta con gran detalle cuestiones sobre los cultivos (en particular, el olivo y la vide), sobre inxeniería (construcciones rurales, aguaduchos), sobre curiáu del ganáu y sobre ameyores na producción de vinos y quesos. Los sos testos son interesantes pa conocer la vida romana polo xeneral, y en particular les actividaes y práctiques agrícoles del so tiempu. El tratáu ta mayormente escritu en prosa, salvo'l llibru XIV, "De Insitione" ("De los ensiertos"), escritu en versu elegíaco.

Ye'l postreru de los llamaos agrónomos, escritores llatinos que trataron l'agricultura dende'l puntu de vista económicu, como Catón el Viejo, Varrón, Columela y Plinio el vieyu.

La so obra sirvió de referencia pa munches práctiques agrícoles europees siquier hasta'l sieglu XIV.

Bibliografía[editar | editar la fonte]

  • Paladiu (1990). Tratáu d'agricultura; Medicina veterinaria; Poéma de los inxertos. Intr., trad. y notes d'A. Moure Cases. Rev.: I. Illán. Madrid: Editorial Gredos. ISBN 9788424914127.

Enllaces esternos[editar | editar la fonte]