Russula cyanoxantha

De Wikipedia
Russula cyanoxantha
gorretu de monte
Clasificación científica
Reinu: Fungi
División: Basidiomycota
Clas: Agaricomycetes
Subclas: Incertae sedis[1]
Orde: Russulales
Familia: Russulaceae
Xéneru: Russula
Especie: R. cyanoxantha
(Schaeff.) Fr. 1863
Sinonimia
  • Agaricus cyanoxanthus Schaeff. 1774
  • Russula cutefracta Cooke 1881
  • Russula cyanoxantha f. cutefracta (Cooke) Sarnari 1993
  • Russula cyanoxantha f. pallida Singer 1923
  • Russula cyanoxantha f. peltereaui Singer 1925
  • Russula cyanoxantha var. cutefracta (Cooke) Sarnari 1992
Consultes
[editar datos en Wikidata]
''Russula cyanoxantha''
Carauterístiques micolóxiques
 
Himeniu con llámines
 
 

El sombreru ye umbilicáu

o esplanáu
 
Les llámines son adnates
 
Espores de color blancu
 
La ecoloxía ye saprófita
 
Comestibilidá: comestible
[editar datos en Wikidata]

Les especies de fungos con nome común en llingua asturiana márquense como Nmic. En casu contrariu, conséñase'l nome científicu. El gorretu de monte[2] (Russula cyanoxantha) ye un fungu basidiomicetu comestible, de la familia Russulaceae.[1] Crez tanto en montes de coníferes como de planifolios, y la so cogorda, o cuerpu granible, apruz dende principios de branu hasta mediaos la seronda. El so basónimu ye Agaricus cyanoxanthus Schaeff. 1774, y l'epítetu específicu, cyanoxantha, significa "de color azul amarellentáu".[3]

Descripción[editar | editar la fonte]

El cuerpu granible d'esti fungu tien un sombreru d'ente 9 hasta 18 centímetros de diámetru[4], globosu de primeres, darréu de forma convexa, y estendida a la fin del so desenvolvimientu. La cutícula ye de color variable, ente buxu verdosu y azuláu, con esfumaciones marielles, y de testura mafosa n'ambientes húmedos. Ye relativamente bono de dixebrar del sombrerucu hasta un terciu del radiu d'ésti. Les llámines son blanques y fines, y dispónense apertaes, con bifurcaciones y testura grasienta al tactu. El pie mide ente 6 y 10 centímetros de llargor y de 2 a 2,5 de diámetru. Ye blancu y de forma cilíndrica, macizu y bien duru —quitando la zona de la base—. Dacuando presenta matices liles o acolorataos. La so carne ye compauta y blanca, y so la cutícula presenta una coloración asemeyada a la del sombrerucu. La esporada ye blanca.

Posibilidaes de tracamundiu[editar | editar la fonte]

La cogorda de R. cyanoxantha presenta semeyances cola de R. virescens, estremándose en que la cutícula d'ésta última ta ariada, y ye verdosa con reflexos encarnaos. Tamién hai la posibilidá de tracamundialu con R. aeruginea, que la so cutícula ye color verde olivaceu y ensin tonalidaes lilacees o amarellentaes y, anque cabo la posibilidá d'atopalu baxu pinos y picees, suel habitar en montes de bidul.[3]

Referencies[editar | editar la fonte]

  1. 1,0 1,1 «Russula cyanoxantha» (n'inglés), Russula cyanoxantha, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=190250 
  2. URL de la referencia: http://www.sabencia.net/nomenclator.php.
  3. 3,0 3,1 Grünert, H.; Grünert, R.; VV.AA. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 156. ISBN 84-87535-11-9.
  4. https://www.fichasmicologicas.com/?micos=1&alf=R&art=237

Enllaces esternos[editar | editar la fonte]