Rubén Ramos

De Wikipedia
Saltar a navegación Saltar a la gueta
Rubén Ramos
Rubén Ramos.jpg
Vida
Nacimientu

Zaragoza1972

(46/47 años)
Nacionalidá Bandera d'España España
Estudios
Llingües castellanu
aragonés
Oficiu
Oficiu escritor y periodista
Premios
Cambiar los datos en Wikidata

Rubén Ramos Antón (1972Zaragoza) ye un periodista y escritor aragonés. Ye llicenciáu en Ciencies Sociales y de la Información (Periodismu) pola Universidá del País Vascu. Ye miembru de l'Asociación Cultural Nogará-Religada dende 1993.

Conoció l'aragonés dende neñu, primero en San Jorge, y depués en Sobrarbe.[1]

Escribió una montonera d'artículos y trabayos sobre l'aragonés en publicaciones como Siete de Aragón (del cual foi coordinador en distintes etapes), el Diario de Bolsillo de Zaragoza, Trébede y apocayá en O Espiello (revista editada pola Asociación Cultural Nogará-Religada). Tamién participó y coordinó'l programa de radiu O mirallo, na emisora de radiu zaragozana Radio Ebro.[1]

En llingua castellana espublizó xuntu col historiador Carlos Serrano Lacarra los llibros El aragonesismo en la transición (I y II) y collaboró nel llibru La selección aragonesa de fútbol de Rafael Rojas. N'aragonés escribió les noveles Bidas Crebazadas y En l'altro canto d'a güega, coles que ganó'l Premiu Arnal Cavero nes ediciones de 2006 y 2008. Esti postreru cuenta la historia de María, que ye una moza enllena de suaños que conoz a Miguel, un montañés que se tuvo que colar del so pueblu. Xuntos somorguiénse nos abaruyamientos políticos de la Zaragoza de los años trenta del sieglu XX.

Referencies[editar | editar la fonte]

  1. 1,0 1,1 «Centro del Libro de Aragón». Consultáu'l 22 de febreru de 2019.

Bibliografía[editar | editar la fonte]

  • Carlos Serrano Lacarra, Rubén Ramos Antón. El aragonesismo en la transición. Vol. 1, Alternativas aragonesistas y propuestas territoriales (1972-1978). 2002. Zaragoza. Rolde de Estudios Aragoneses. ISBN 84-87333-64-8.
  • Carlos Serrano Lacarra, Rubén Ramos Antón. El aragonesismo en la transición. Vol. 2, Regionalismo y nacionalismo en el Aragón preautonómico (1978-1983). 2003. Zaragoza. Rolde de Estudios Aragoneses. ISBN 84-87333-67-2.
  • Rafael Rojas. La Selección Aragonesa de fútbol. Federación Aragonesa de Fútbol. ISBN 84-95490-66-8.
  • Rubén Ramos Antón. Bidas Crebazadas. 2006. Gobierno de Aragón. Centro del Libro de Aragón. Literaturas de Aragón. Serie en lengua aragonesa. ISBN 84-87333-64-8.