Rubén Abella
Rubén Abella | |
|---|---|
| Vida | |
| Nacimientu | Valladolid, 1967[1] (55/56 años) |
| Nacionalidá |
 España |
| Estudios | |
| Estudios | Universidá de Valladolid |
| Llingües falaes | castellanu |
| Oficiu | escritor |
| Xéneru artísticu | novela |
 | |
Rubén Abella (1967, Valladolid) ye un escritor español.
Biografía[editar | editar la fonte]
Rubén Abella ñació en Valladolid en 1967. Estudió Filoloxía Inglesa (Universidá de Valladolid) y tres so llicenciatura cursó estudios de postgrau nes universidaes de Tulane (Nueva Orleans, EEXX, 1990-1992) y Adelaida (Australia, 1992-1994), onde obtuvo un máster en Narrativa Moderna Norteamericana. D'esta época ye'l so primer cuentu publicau, “The Gun”, qu'apaeció en Voicing the Difference, una antoloxía d'autores d'orixe extranxeru residentes n'Australia.
Nel 2002 recibió'l Premiu Torrente Ballester por La sombra del escapista, so primera novela, cola qu'en 2007 representó a España nel Europäisches Festival des Debütromans (Festival Europeu de la Primera Novela) celebrau en Kiel, Alemaña. Esi mesmu añu so llibru de rellatos No habría sido igual sin la lluvia foi distinguíu col Premiu Mario Vargas Llosa. En 2009 foi finalista del Premiu Nadal na so LXV edición con una obra titulada Libro del amor esquivo
N'actualidá Rubén Abella compaxina l'escritura cola fotografía. Frutu d'esta doble actividá creativa ye'l llibru Fábulas del lagarto verde, que combina l'imaxe y la pallabra.
Obres[editar | editar la fonte]
- Voicing the Difference [Rellatos y poemes, varios autores] (Wakefield Press, 1994)
- La sombra del escapista [Novela, XIV Premiu Torrente Ballester] (Ediciones Lea, 2003)
- Cuentos para entender Estaos Xuníos [Rellatos, varios autores] (Mitad y Mitad, 2005)
- No habría sido igual sin la lluvia [Rellatos, XI Premiu Mario Vargas Llosa NH] (Próxima publicación por NH Hoteles)
- Fábulas del lagarto verde [Rellatos y fotografíes] (Maqueta)
- El libro del amor esquivo [Novela] (2009)
