Ronnie Spector

De Wikipedia
Saltar a navegación Saltar a la gueta
Ronnie SpectorPicto infobox music.png
Ronnie Spector (1971).png
Vida
Nacimientu

Nueva York[1]10  d'agostu de 1943

[1]
Nacionalidá Bandera de Estaos Xuníos d'América Estaos Xuníos
Grupu étnicu Cheroqui
afroestauxunidense
Irlandés d'Estaos Xuníos
Muerte

Danbury[2]12  de xineru de 2022

[3] (78 años)
Causa de la muerte cáncanu[4]
Familia
Casada con Phil Spector  (1968 -  1972)
Hermanos/es
Familia
Estudios
Estudios George Washington Educational Campus (en) Traducir
Llingües falaes inglés
Oficiu cantante
Miembru de The Ronettes
Xéneru artísticu Doo wop
pop
Rhythm and blues
soul
Mena de voz mezzosopranu
Instrumentu musical voz
Discográfica Colpix Records (es) Traducir
Philles Records
Columbia Records
Apple Records
IMDb nm0817491
ronniespector.com
Cambiar los datos en Wikidata

Veronica Yvette Bennett, más conocida pol nome artísticu Ronnie Spector, (10  d'agostu de 1943Nueva York – 12  de xineru de 2022Danbury) foi una cantante d'Estaos Xuníos, vocalista principal del girl group The Ronettes y ex-esposa del productor discográficu Phil Spector. Xunto cola so banda, Ronnie Spector llogró numberosos ésitos musicales a principios de los años 60. Foi conocida como "la moza mala del rock and roll".[5][6]

Inicios[editar | editar la fonte]

Nació'l 10 d'agostu de 1943 como Veronica Yvette Bennett n'East Harlem (Manhattan), de ma afroamericana y pá irlandés. La so hermana Estelle Bennett (1941–2009), la so prima Nedra Talley y ella fueron animaes a cantar pola so familia. Les trés formaron parte del grupu Darling Sisters, conocíes más tarde como The Ronettes.[7]

Carrera[editar | editar la fonte]

The Ronettes[editar | editar la fonte]

The Ronettes, 1966.

The Ronettes fueron nos sos entamos, a principios de los 60, bien populares poles sos actuaciones en vivu nel área de Nueva York. Roblaron el so primer contratu discográficu con Colpix Records cola producción de Stu Phillips.

En publicando dellos senciellos ensin demasiao ésitu, roblaron un nuevu contratu col productor Phil Spector y la so discográfica Philles Records. La so relación con Spector produció los ésitos esperaos, con temes como Be My Baby, Baby, I Love You, The Best Part of Breakin' Up, Do I Love You? y Walking in the Rain. El grupu tuvo dos senciellos nel top 100 en 1965: Born to Be Together y Is This What I Get for Loving You?. Dixebráronse en 1967, al rematar una xira de conciertos per Europa. Sicasí, volvieron axuntase de nuevu cuarenta años más tarde, al ser incluyíes nel Salón de la Fama del Rock and Roll en 2007.

En solitariu[editar | editar la fonte]

En febreru de 1971, cuando Phil Spector yera'l xefe d'A&R p'Apple Records, Ronnie grabó'l senciellu Try Some, Buy Some/Tandoori Chicken nos Abbey Road Studios.[8][9] La cara A del senciellu foi escrita por George Harrison y producida por Phil Spector. Anque'l cantar nun foi un gran ésitu, dos años más tarde Harrison grabó la so propia versión qu'incluyó nel so esitosu álbum Living in the Material World.[10] Try Some, Buy Some influyó tamién na grabación del cantar de John Lennon Happy Xmas (War Is Over), producíu por Phil Spector y qu'incluyó el solu de mandolina creáu como Wall of Sound pal senciellu de Ronnie. A Lennon tamién-y gustó'l tema rockabilly qu'apaez na cara B del senciellu ya interpretólu na so fiesta de cumpleaños n'ochobre de 1971 (la grabación foi publicada como bootleg).[11] Ronnie Spector grabó tamién otros cantares de George Harrison na mesma sesión de grabación, incluyendo You y When Every Song Is Sung, que nunca foron publicaes.[12]

A principios de los 70, Ronnie Spector volvió a fundar The Ronettes (como Ronnie Spector and the Ronettes) con dos nueves miembros (Chip Fields Hurd, ma de l'actriz Kim Fields, y Diane Linton).

En 1976, Ronnie cantó a dúu con Southside Johnny el cantar You Mean So Much To Me, compuestu por Bruce Springsteen y producíu por Steven Van Zandt de la E Street Band. La tema incluyóse nel álbum debú de Southside Johnny & the Asbury Jukes, I Don't Want to Go Home.

Ronnie grabó'l so primer álbum en solitariu en 1980, producíu por Genya Ravan, como preludiu del so trabayu con Joey Ramone a finales de los 90.

En 1986, Spector collaboró con Eddie Money como vocalista nel cantar Take Me Home Tonight, qu'algamó'l númberu 5 nes llistes d'ésitos. El videuclip del cantar foi unu de los más populares d'aquel añu, con una ampliu espardimientu al traviés de la MTV. Mientres esti periodu, tamién grabó'l canciu Tonight You're Mine, Baby (pa la película Just One of the Guys).

En 1988, Spector actuó na Ronnie Spector's Christmas Party, nel B.B. King Blues Club & Grill de Nueva York.[13][14][15] En 1999 asoleyó'l discu She Talks to Rainbows con versiones de cantares antiguos. Joey Ramone actuó como productor y acompañóla mientres la promoción del discu.

Últimos años[editar | editar la fonte]

Spector nel añu 2010.

En 2005 collaboró col cantar Ode to LA, de la banda The Raveonettes, incluyíu nel discu Pretty in Black. Dos años depués, en 2009, espublizó'l discu Last of the Rock Stars, que contó coles collaboraciones de The Raconteurs, Nick Zinner de Yeah Yeah Yeahs, The Raveonettes, Patti Smith y Keith Richards. En payares de 2010 publicó'l discu navidiegu Ronnie Spector's Best Christmas Ever.

En 2011, tres la muerte d'Amy Winehouse, Ronnie Spector publicó una versión del cantar de Winehouse Back to Black. Donó los beneficios que consiguió a los centros de rehabilitación Daytop Village.[16]

En 2016, asoleyó English Heart, el so primer discu con material nuevu nuna década.[17] El discu, producíu por Scott Jacoby, inclúi versiones de cantares de la British Invasion, con cancios de The Beatles, Rolling Stones, Yardbirds o Bee Gees ente otros.[18] English Heart algamó'l puestu númberu 6 nel Billboard Top Heatseekers.[19]

Morrió'l 12 de xineru de 2022 por mor d'un cáncanu.[20]

Discografía[editar | editar la fonte]

The Ronettes[editar | editar la fonte]

  • The Ronettes Featuring Veronica, 1961
  • Presenting the Fabulous Ronettes Featuring Veronica, 1965
  • The Ronettes Greatest Hits – Volume 1, 1981
  • The Ronettes Greatest Hits – Volume 2, 1981
  • The Best of The Ronettes, 1992

En solitariu[editar | editar la fonte]

  • Siren, 1980
  • Unfinished Business, 1987
  • She Talks to Rainbows EP, 1999
  • Something's Gonna Happen, 2003
  • Last of the Rock Stars, 2006
  • English Heart, 2016

Referencies[editar | editar la fonte]

  1. 1,0 1,1 Ben Sisario, (12 xineru 2022). «Ronnie Spector, Who Brought Edge to Girl-Group Sound, Dies at 78» (inglés). The New York Times. The New York Times Company. Consultáu'l 13 xineru 2022.
  2. Espublizáu en: Le Monde. Data d'espublización: 16 xineru 2022. URL de la referencia: https://www.lemonde.fr/culture/article/2022/01/13/mort-de-ronnie-spector-reine-des-girl-groups_6109366_3246.html.
  3. URL de la referencia: https://www.theguardian.com/music/2022/jan/12/ronnie-spector-pop-singer-who-fronted-the-ronettes-dies-aged-78.
  4. «’60s icon Ronnie Spector, who sang ‘Be My Baby,’ dies at 78».
  5. Donovan, Patrick (12 d'abril de 2006). «The Last of the Rock Stars». TheAge (Australia). http://www.theage.com.au/news/cd-reviews/the-last-of-the-rock-stars/2006/04/12/1144521394705.html. 
  6. «The Ronettes – Inductees» (2004). Archiváu dende l'orixinal, el 20 de marzu de 2007.
  7. Sisario, Ben (16 de febreru de 2009). A Life of Troubles Followed a Singer's Burst of Fame. New York Times. https://www.nytimes.com/2009/02/17/arts/music/17rone.html. Consultáu 'l 11 d'abril de 2013. 
  8. All Together Now: The First Complete Beatles Discography 1961–1975. Ballantine Books, páx. 100.
  9. Badham, Keith. The Beatles Diary Volume 2: After the Break-Up 1970–2001. Omnibus Press, páx. 25–26.
  10. Leng, Simon. While My Guitar Gently Weeps: The Music of George Harrison. Hal Leonard, páx. 133–34.
  11. Badham, Keith. The Beatles Diary Volume 2: After the Break-Up 1970–2001. Omnibus Press, páx. 51.
  12. Harrison, George Harrison. I Me Mine. Chronicle Books, páx. 218, 228.
  13. Reed, James (23 d'avientu de 2008). «Still rockin' around». Boston.com. http://www.boston.com/ae/music/articles/2008/12/23/still_rockin_around/. 
  14. «RONNIE SPECTOR'S BEST CHRISTMAS PARTY EVER!» (2013). Archiváu dende l'orixinal, el 29 de mayu de 2014. Consultáu'l 28 de mayu de 2014.
  15. «Events: Ronnie Spector» (2013). Archiváu dende l'orixinal, el 28 de mayu de 2014. Consultáu'l 28 de mayu de 2014.
  16. «Exclusive: Ronnie Spector Pays Tribute to Amy Winehouse». Rolling Stone. 27 de xunetu de 2011. http://www.rollingstone.com/music/news/exclusive-ronnie-spector-pays-tribute-to-amy-winehouse-20110727. 
  17. «Songs We Love: Ronnie Spector, 'I'd Much Rather Be With The Girls'». NPR (4 d'abril de 2016).
  18. «Ronnie Spector on Keith Richards, David Bowie and Life After Phil». Rolling Stone (14 d'abril de 2016).
  19. «Ronnie Spector - English Heart». AllMusic (14 d'abril de 2016).
  20. Mark Kennedy (2022-01-12). «’60s icon Ronnie Spector, who sang ‘Be My Baby,’ dies at 78» (inglés). Consultáu'l 2022-01-12.

Enllaces esternos[editar | editar la fonte]