Roberto Matta

De Wikipedia
Roberto Matta
Vida
Nacimientu Santiagu[1]11 de payares de 1911[2]
Nacionalidá Bandera de Chile Chile [3]
Bandera de Francia Francia [4]
Residencia París
Tarquinia
Llingua materna castellanu
Muerte Civitavecchia[1]23 de payares de 2002[2] (91 años)
Familia
Fíos/es
Estudios
Estudios Pontificia Universidá Católica de Chile
Colegio de los Sagrados Corazones de Santiago (es) Traducir
Llingües falaes castellanu[7]
italianu
inglés
francés
Oficiu pintor, escultor, arquiteutu, diseñador, grabador, litógrafuartista gráficu
Llugares de trabayu Santiagu, París, Roma y Nueva York
Premios
Miembru de Real Academia de Arte (es) Traducir
Movimientu surrealismu[9]
Seudónimu/os Matta, Matta Echaurren, Roberto Sebastián, Matta, Roberto Sebastian, Matta Echauren, Roberto Sebastian Antonio y Matta Echaurren, Roberto Antonio Sebastián
Xéneru artísticu arte astrauto
Creencies
Relixón ateísmu
robertomatta.com
Cambiar los datos en Wikidata

Roberto Sebastián Antonio Matta Echaurren (11 de payares de 1911Santiagu – 23 de payares de 2002Civitavecchia), más conocíu como Matta, foi un pintor chilenu consideráu l'últimu de los pintores surrealistes.

Entamó los estudios d'arquiteutura en Santiago. Abandona la so carrera chilena en 1933 pa dir a Francia. Trabaya primeramente nel taller de Le Corbusier depués viaxa a España, onde se rellaciona con poetes como Rafael Alberti y Federico García Lorca. Ta en constante movimientu: Escandinavia, onde s'encuentra con Alvar Aalto; Londres, Henry Moore, Roland Penrose y Magritte. Tamién se rellacionó con Salvador Dalí y André Breton.

Foi precisamente Breton el que lu afaló, valorando-y el so trabayu y introduciéndolu nel círculu de los principales mientros del movimientu surrealista de París. Matta fizo ilustraciones y artículos pal periódicu surrealista Minotaure. Durante esti periodu entamó amistá con importantes artistas contemporáneos europeos como Picasso y Marcel Duchamp.

A pidimientu de Salvador Dalí, va a ver a André Breton que lu declara surrealista: « Ellos dícenme : « Tú yes surrealista ! » Yo nun sabía que yera lo que eso quería dicir... » Ye escluyíu en 1948 por razones oscures, pero reintegraríase al movimientu en 1959.

Un momentu decisivu pa la carrera astística de Matta tien llugar en 1938 cuando pasa del dibuxu a la pintura al oleu, cola que se fizo famosu. Esti periodu coincide col so viaxe y residencia hasta 1948 nos Estaos Xuníos. Él marchó a Nueva York a pidimientu de Marcel Duchamp pa fuxir de la guerra. Seis meses depués de la so llegada, espón por primer vez nos Estaos xuníos na galería Julien Levy, especializda nel surrealismu. Da delles conferencies na New School of Social Research y recibe a munchos rapazos americanos nel so taller, ente ellos a Jackson Pollock.

Les sos primeres pintures, ente les que destaca Invasión nocturna, dieron una indicación de la ruta artística tomada pol pintor. L'usu de patrones difusos de lluz y grueses llinies encima d'un fondu particular transformaríase n'unu de los sos sellos carauterísticos. Durante les décades siguientes de los años 40 y 50 la so pintura reflexaría'll perturbador estáu de la política internacional, utilizando imáxenes de máquines llétriques y persones atormentaes. Al amestar arcilla a les sos obres desde los años 60 n'adelante, amestó-y dimensión a la so distorsión.

El trabayu de Matta dio nueves dimensiones a la pintura contemporánea, pese a la soruptura col movimientu surrealista, la so fama ganada ye esclusivamente personal. Esperimentó estremaes formes d'espresión artística, incluyendo producciones de videos como Système 88, la fotografía y otros medios d'espresión.

En 1964, pa rendir homenaxe al dirixente comunista Julián Grimáu, executáu n'España l'añu anterior, pinta Les Puissances du désordre, una inmensa composición de 9 metros de llargo.

En 1990 recibió el Premiu Nacional d'Arte y en 1992 el Premiu Príncipe d'Asturies de les Artes. Vivió regularmente dende la década del 60 na ciudá italiana de Civitavecchia con viaxes esporádicos al so país. Morrió'l 23 de payares de 2002.

Ente les sos principales obres destaquen:

  • Morfoloxíss psicolóxiques (1938-1939)
  • Pista fabulosa de la muerte (1941)
  • El vértigu d'Eros (1944)
  • La cuestión Djamile (1958)
  • La vida Allende la muerte (1973)

Referencies[editar | editar la fonte]

  1. 1,0 1,1 URL de la referencia: https://data.bnf.fr/ark:/12148/cb119395121.
  2. 2,0 2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. Afirmao en: coleición en llinia del Muséu d'Arte Modernu de Nueva York. Identificador MoMA de artista: 3842. Data de consulta: 4 avientu 2019. Llingua de la obra o nome: inglés.
  4. URL de la referencia: https://www.centrepompidou.fr/fr/ressources/personne/co6Abo.
  5. Identificador ULAN: 500057123. Afirmao en: Union List of Artist Names. Data d'espublización: 3 abril 2019. Data de consulta: 22 mayu 2021. Llingua de la obra o nome: inglés.
  6. Afirmao en: Union List of Artist Names. Identificador ULAN: 500057123. Data d'espublización: 19 xunetu 2022. Data de consulta: 13 febreru 2023. Llingua de la obra o nome: inglés.
  7. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  8. URL de la referencia: https://www.praemiumimperiale.org/en/laureate-en/laureates-en. Data de consulta: 19 marzu 2022.
  9. Afirmao en: Encyclopædia Britannica Online. Identificador Encyclopædia Britannica Online: biography/Roberto-Matta. Llingua de la obra o nome: inglés.

Enllaces esternos[editar | editar la fonte]